इफिसियनमन 1:21 - सादरी नवाँ नियम

²¹ हूवाँ उकर नाँव सोउब रकम केर प्रधानता आउर अधिकार, आउर शक्ति, आउर प्रभुता केर उपरे, आउर हरेक नाँव केर उपरे, जे ना सिरिफ इ दुनिया में मगर आवेक वाला दुनिया में हों लेवल जाई।

इफिसियनमन 1:21 Iomraidhean Croise

मत्ती 12:32

जे केऊ मोंय आदमी केर बेटा केर बिरोध में कोनों गोइठ कही, उकर इ गुन्हा क्षमा करल जाई। मगर केऊ पवितर आत्मा केर बिरोध में कोनों कही, तो उकर गुन्हा, ना तो इ दुनिया में आउर ना परमेश्‍वर केर राइज में क्षमा करल जाई।

खास चेलामन केर काम 4:12

यीशु केर अलावा आउर केऊ दोसर से छुटकारा नी मिली, काले कि गोटा दुनिया में आदमीमन केर माझे, कोनों दोसर नाँव नी देवल जाय हे, जेकर से हमरे के छुटकारा मिली।”

इफिसियनमन 2:2

उ बेरा तोहरेमन इ दुनिया केर आदमी मनक रीति-रिवाज केर मोताबिक चलत रहा, जेमन परमेश्‍वर के नी जानैना। आउर तोहरेमन शैतान केर आगया के मानत रहा जे भूतमन केर उपरे आकाश में राइज करेला। जे एखनोहों उ आदमीमन के अपन कब्जा में करेक केर कोशिश कराथे, जेमन परमेश्‍वर केर आगया के नी मानैना।

इफिसियनमन 3:10

अब उकर मकसद एहे अहे कि कलीसिया केर द्वारा, परमेश्‍वर केर सोउब रकम केर गेयान, उ प्रधानमन आउर अधिकारीमन उपरे, जेमन स्वरगीय ठाँवमन में अहैं दिस्तार करल जाओक।

इफिसियनमन 6:12

काले कि हमरे लोहू आउर माँस से बनल आदमीमन से नी लड़ाथी, मगर मुखियामन से आउर अधिकारीमन से, आउर अनदिस्तार शक्तिमन से जेमन उ आदमीमन उपरे राइज करैना, जेमन एखनो तक इ दुनिया केर अंधार में अहैं, आउर उ दुष्ट आत्मामन से जेमन फौजमन नियर आकाश में अहैं।

कुलुसियनमन 2:10

आउर तोहरेमन उकरे में भरपूर होई जाय हा जे समूचा शक्ति आउर अधिकार केर प्रधान हेके।

कुलुसियनमन 2:15

आउर परमेश्‍वर समूचा शक्ति आउर अधिकार के रद्द काइर देलक आउर क्रूस केर बिजय-जुलूस में उमन के दुनिया केर नजइर में नीचा देखालक।

इब्रानीमन 1:4

उकर पद स्वरग दूतमन से ऊँचा होलक, काले कि जे नाँव उके बपौती हकदार केर रूप में मिल हे, उ नाँव स्वरगदूतमन केर नाँव से कायनों गुणा बाड़ अहे।

इब्रानीमन 2:5

परमेश्‍वर उ आवेक वाला दुनिया के जेकर बारे में हमरे गोठियाथी, स्वरगदूतमन केर अधीन नी करलक मगर यीशु केर अधीन काइर देलक।

इब्रानीमन 4:14

यीशु मसीह जे स्वरग तक जाय हे उ परमेश्‍वर केर बेटा हेके, आउर उ हमरे सोउब केर महापुरोहित हेके। से लगिन आवा हमरे बिसवास में मजबूत खड़ा रहब जेके हमरे सोउब केर सामने स्वीकार काइर ही।

1 पतरस 3:22

आउर उ स्वरग में चाइल गेलक। अब उ हूवाँ परमेश्‍वर केर भतखाइया आरा खास ठाँव में अहे, आउर उ सोउब स्वरगदूतमन आउर सोउब अधिकारीमन आउर शक्तिमन उपरे राइज करेला।