इफिसियनमन 1:18 - सादरी नवाँ नियम

¹⁸ मोंय एहो प्रार्थना करोना कि परमेश्‍वर तोहरे केर दिमाग के खोइल देवोक, ताकि उकर बोलाएक में जे आसरा अहे उके आउर उकर महिमा से भरल आशीषमन के, जे सोउब पवितर आदमीमन लगिन अहे, जानेक पारबा।

इफिसियनमन 1:18 Iomraidhean Croise

मत्ती 13:15

काले कि इ आदमीमन केर मन थेथर होई जाय हे, आउर इमन अपन कान के बहिरा काइर देई हैं, आउर अपन आँइख के मूइंद लेई हैं, कहीं एइसन ना होवोक कि इमन देइख के आउर सुइन के अपन मन में समइझ जबैं, आउर मोर बटे घूइर आबैं आउर मोंय उमन के ठीक काइर देमूँ।

मरकुस 10:17

जइसनेहें यीशु अपन चेलामन केर संगे जाएक शुरु करलक तइसनेहें एगो जवान आदमी उकर ठिना कूदते आलक। उ यीशु केर आगे ठेहुना टेइक के पूछलक, “हे बेस गुरु, जुग-जुग केर जिंदगी केर हकदार होवेक लगिन मोंय का काम करमूँ?”

लूका 24:45

तब यीशु पवितर किताब केर गोइठमन के बुझेक लगिन उ मनक बुद्धि के खोइल देलक

खास चेलामन केर काम 16:14

उ जनानामन में से थुआतीरा नगर केर रहेक वाला एगो लुदिया नाँव केर जनाना रहे। उ किमती बैगनी लुगा केर बेपार करेक वाला आउर परमेश्‍वर केर भक्त रहे। उ हमर गोइठ सुनत रहे। प्रभु उकर मन के खोललक ताकि उ पौलुस केर गोइठमन के धेयान से सुनोक।

खास चेलामन केर काम 26:18

मोंय तोके उ मनक आँइख खोलेक लगिन, उमन के अंधार से इंजोत में लानेक लगिन, मतलब शैतान केर अधिकार से छोड़ाय के परमेश्‍वर बटे लानेक लगिन उमन ठिना भेजाथों। जेकर से उमन मोर उपरे बिसवास काइर के अपन पापमन केर क्षमा पाओक आउर पवितर करल आदमीमन केर माझे अपन ठाँव के पाओक।’

रोमानियनमन 11:29

काले कि परमेश्‍वर कहियो अपन बरदानमन से, आउर बोलाएक से पिछे नी मुढ़ेला।

रोमानियनमन 2:4

का तोहरे परमेश्‍वर केर दया, आउर सहन करेक, आउर धीरज रुपी धन के तुच्छ जानाला? आउर का, इ नी बुझाला कि परमेश्‍वर केर दया तोहरेमन के पाप करेक के छोड़ेक ले सिखायला?

2 कुरिनथियनमन 4:4

आउर उ अबिसवासीमन नी बुझैना, जे मनक बुद्धि के इ दुनिया केर ईश्‍वर शैतान अंधरा काइर देई हे, ताकि उमन मसीह केर महिमा केर बारे में आवेक वाला शुभ समाचार केर इंजोत के देखेक नी पारबैं, जे परमेश्‍वर कइसन अहे इके देखायला।

2 कुरिनथियनमन 4:6

इ लगिन कि परमेश्‍वर कहलक, “अंधार में से इंजोत चमकोक,” आउर ओहे परमेश्‍वर हमरे के हमर हिरदय में दीया नियर समझ के देलक, ताकि हमरे परमेश्‍वर केर महिमा के देखेक पारली, जे यीशु मसीह में दिसेला।

गलातियनमन 5:5

मगर परमेश्‍वर केर आत्मा हमरे के धरमी ठहराएक लगिन उमीद केर संगे आसरा करेला, जेके देवेक केर करार परमेश्‍वर हमरे से काइर रहे, काले कि हमरे उकर उपरे बिसवास करिला।

इफिसियनमन 1:11

ओहे यीशु केर चलते जेकर से हमरे जुड़ल अही, बपौती अधिकार पावेक नियर हमरे परमेश्‍वर से अधिकार के पाली, जेकर लगिन उ अपन योजना केर मोताबिक पहिलेहें से हमरे के चुइन रहे।

इफिसियनमन 1:7

हमरे के परमेश्‍वर केर ढेइर किरपा से यीशु मसीह केर लोहू बहाएक केर चलते छुटकारा मिल हे, मतलब पापमन केर क्षमा मिल हे।

इफिसियनमन 2:12

तोहरेमन उ बेरा मसीह के नी जानत रहा आउर इसराइली, मतलब परमेश्‍वर केर चुनल आदमीमन केर रूप में उमन में शामिल नी रहा। आउर तोहरे उ बेस चीजमन के पावेक केर हों भागीदार नी रहा, जेके परमेश्‍वर इसराइलीमन के देवेक केर करार काइर रहे। तोहरे के इ दुनिया में कोनों आसरा नी रहे आउर तोहरे बेगर ईश्‍वर केर रहत रहा।

इफिसियनमन 3:16

मोंय प्रार्थना करोना कि उ अपन महिमा से भरल धन केर मोताबिक तोहरेमन के इ दान देवोक कि तोहरेमन उकर आत्मा से अपन भीतरे शक्ति पाय के बलवान होई जबा।

इफिसियनमन 3:8

जबकि मोंय परमेश्‍वर केर आदमीमन में से सोउब से छोट अहों, फिन भी मोर उपरे परमेश्‍वर केर किरपा होलक कि मोंय परजाइत आदमीमन के मसीह केर शुभ समाचार सुनामूँ।

इफिसियनमन 4:1

मोंय प्रभु यीशु केर सेवा करोना से लगिन जेहेल में अहों। मोंय तोहरेमन से बिनती करोना कि परमेश्‍वर तोहरेमन के जइसन जिंदगी बिताएक ले बोलाय हे तइसनेहें जिंदगी बितावा।

इफिसियनमन 4:4

हमरे सोउब एके गो काया में जुड़ल अही, (मतलब कलीसिया में) आउर हमरे सोउब के एके गो आत्मा मिल हे। जब तोहरेमन परमेश्‍वर केर आदमी बनेक लगिन चुनल गेला, तब तोहरे के जे आसरा मिल हे ओहे आसरा हमरेमन के हों मिल हे।

इफिसियनमन 5:8

तोहरेमन तो पहिले शैतान केर कब्जा में रहा, मगर अब परमेश्‍वर केर होई गेला, से लगिन अब परमेश्‍वर केर संतानमन नियर चला।

फिलिप्पियनमन 3:14

मोंय निशाना बटे कूदते जाथों, ताकि उ इनाम के पामूँ, जेके देवेक लगिन परमेश्‍वर मोके स्वरग बोलाय हे आउर जेकर लगिन मसीह यीशु अपन जान के देई हे।

कुलुसियनमन 1:12

आउर आबा परमेश्‍वर के धन्यबाद देते रहा, जे तोहरे के उ बपौती अधिकार में भागी होवेक केर लायक बनाय हे, जेके उ स्वरग केर राइज में अपन आदमीमन के देवेक लगिन तेयार काइर हे।

कुलुसियनमन 1:23

अगर तोहरेमन केर बिसवास यीशु मसीह उपरे पोक्ता बनल रही, उ घर केर जइसन जे एगो मजबूत नेव केर उपरे खड़ा रहेला, आउर उ आसरा के नी छोड़बा जे शुभ समाचार उपरे बिसवास करेक से तोहरे के मिल हे, जेकर परचार आकाश केर हेंठे गोटा दुनिया में सोउब मनवा केर माझे करल जाय हे, आउर मोंय पौलुस ओहे शुभ समाचार केर परचार करोना।

कुलुसियनमन 1:27

काले कि परमेश्‍वर चाहत रहे कि उकर आदमीमन इ जाइन लेवोक कि मसीह केर धन आउर महिमा तोहरे परजाइत आदमीमन लगिन हों अहे। आउर उ भेद इ हेके कि मसीह जे महिमा केर आसरा हेके तोहरे में रहेला।

कुलुसियनमन 1:5

तोहर इ बिसवास आउर प्रेम उ आसरा हेके, जे तोहरेमन लगिन स्वरग में रखल अहे। जेकर चरचा तोहरे उ शुभ समाचार केर सच्चा बचन में पहिलेहें से सुइन चुइक हा।

कुलुसियनमन 2:2

आउर मोंय तोहरे सोउब के बिसवास में मजबूत करेक चाहोना जेकर से तोहरे प्रेम में एक संगे जोड़ल जबा आउर सच्चाई केर भरपूर समझ में धनवान बाइन जबा आउर परमेश्‍वर आबा केर लुकल गोइठ के जे मसीह हेके जाइन जबा।

कुलुसियनमन 3:15

आउर मसीह जे शांति देवेला उके तोहर दिल में राइज करेक देवा काले कि तोहरे सोउब एक हें काया केर अंग हेका, से लगिन तोहरे के एक दोसर केर संगे शांति से रहेक लगिन बोलाल जाय हे, आउर तोहरे धन्यबादी बनल रहा।

1थिस्सलुनीकियनमन 2:12

कि तोहर चाइल-चलन परमेश्‍वर केर इच्छा केर मोताबिक होवोक, जे तोहरेमन के अपन राइज आउर महिमा में बोलायला।

1थिस्सलुनीकियनमन 5:8

मगर हमरे जे दिन केर हेकी, बिसवास आउर प्रेम केर झिलम पिंध लेवब, जे हमरे के ओइसनेहें बचायला जइसन झिलम एगो फौजी के दुश्मन केर हमला से बचायला, आउर इ आसरा देवेला कि हमरे सोउब दिन केर दंड से बाइच जाय ही, एहो उ टोपी नियर अहे जे बचायला।

2 थिस्सलुनीकियनमन 1:11

इ लगिन हमरे लगातार तोहरे ले प्रार्थना हों करिला, ताकि परमेश्‍वर तोहरेमन के उके करेक केर लाएक बनाओक, जेके करेक लगिन उ तोहरे के बोलाय हे, आउर उ अपन शक्ति से तोहर हर भला इच्छा के पूरा करोक आउर हर उ काम के सफल करोक, जे तोहरे केर बिसवास केर बदली में अहे।

2 थिस्सलुनीकियनमन 2:16

हमरे हमर प्रभु यीशु मसीह से आउर हमर आबा परमेश्‍वर से प्रार्थना करिला, जे हमरे से प्रेम करेला, आउर अपन किरपा से जुग-जुग केर शांति आउर सोउब से बेस आसरा देई हे।

1 तीमुथियुस 6:12

लड़ाई में एगो बेस पलटन नियर जे हार नी मानेला, तोके हों परमेश्‍वर केर उपरे भरसा करेक आउर उकर आगयामन के मानेक नी छोड़ेक चाही, तोंय उ जुग-जुग केर जिंदगी के मजबूती से धाइर ले जेकर लगिन तोंय बोलाल जाय हिस, आउर तोंय ढेइर गवाहमन केर सामने मजबूती से कइह रहिस कि मसीह केर उपरे भरसा करिसला।

तीतुस 2:13

आउर हमरे उ आसरा मतलब हमरे केर महान परमेश्‍वर आउर छुटकारा देवाइया यीशु मसीह के तेज चमक केर संगे दोबारा घूइर आवेक केर इंतजार कराथी।

तीतुस 3:7

परमेश्‍वर एइसन काइर के अपन किरपा से हमरे के धरमी ठहरालक, आउर हमरे उकर संतान बाइन गेली, से लगिन हमरे जुग-जुग ले उकर संग रहेक केर आसरा करिला।

इब्रानीमन 10:32

पिछला दिनमन के याइद करा जब तोहरे सच्चाई के जानला, तब तोहरे ढेइर पीड़ामन के साइह के कठिन दुःख उठाला आउर स्थिर रहला।

इब्रानीमन 6:4

काले कि जेमन अपन बिसवास से दूर होई जायना, उमन दोबारा पाप करेक छोइड़ के वापस घुरेक नी पारबैं, उमन एक बेर परमेश्‍वर केर सच्चाई के जानलैं आउर स्वरग से बरदान के पालैं, आउर उमन दोसरमन से एके संगे पवितर आत्मा के हों पालैं,

1 पतरस 1:3

हमर प्रभु यीशु मसीह केर आबा आउर परमेश्‍वर केर धन्यबाद होवोक, जे अपन बड़का दया से आउर प्रभु यीशु मसीह केर मोरल में से जी उठेक केर द्वारा से हमरे के नवाँ जिंदगी देई हे, आउर जुग-जुग केर जिंदगी केर आसरा देई हे।

1 पतरस 3:9

बुराई केर बदला बुराई ना करा आउर ना गाली केर बदला गाली देवा, मगर इकर उल्टा उमन के आशीष हें देवा। परमेश्‍वर तोहरे के इ लगिन बोलाय हे कि तोहरे दोसरमन के आशीष देवा अगर तोहरेमन एइसन कराला तो परमेश्‍वर हों तोहरे के आशीष देवी।

1 पतरस 5:10

परमेश्‍वर जे पूरा रीति से किरपा से भरल अहे, उ हमरे के यीशु मसीह केर संगे एक जूट होवेक केर खातिर, स्वरग में उकर जुग-जुग केर महिमा में साझादार होवेक लगिन बोलाय हे। तोहर थोरेक देरी लगिन दुःख सहेक केर पाछे, परमेश्‍वर तोहरे के बेस बनाय देवी ताकि तोहर में कोनों दोष ना रहोक आउर उ तोहर दिल के मजबूत करी आउर उकर उपरे तोहर भरसा के सचमुच में स्थिर बनाय देवी।