इफिसियनमन 1:13 - सादरी नवाँ नियम

¹³ आउर जब तोहरे हों छुटकारा केर शुभ समाचार के सुनला आउर यीशु मसीह उपरे बिसवास करला, तो परमेश्‍वर तोहरे के पवितर आत्मा के देलक। जेके उ अपन आदमीमन के देवेक केर करार काइर रहे। पवितर आत्मा तोहरे उपरे एगो छाप नियर अहे जे इ बतायला कि तोहरे परमेश्‍वर केर हेका।

इफिसियनमन 1:13 Iomraidhean Croise

लूका 11:13

जब तोहरेमन खुद बुरा होई के अपन छउवामन के बेस चीजमन के देवेक जानाला, तो तोहर स्वरगीय आबा अपन माँगेक वालामन के पवितर आत्मा काले नी देवी।”

लूका 24:49

देखा, मोंय तोहर उपरे पवितर आत्मा के भेजमूँ, जेकर करार मोर आबा परमेश्‍वर काइर हे। से लगिन जब तक तोहरेमन के स्वरग से शक्ति नी मिली तब तक एहे शहर में उकर आसरा देखते रहा।”

यूहन्ना 1:17

परमेश्‍वर केर नियम मूसा बटले देवल जाय रहे, मगर परमेश्‍वर अपन किरपा आउर सच्चाई के यीशु मसीह बटले हमरे तक पोंहचालक।

यूहन्ना 14:26

मगर मदइत करेक वाला मतलब पवितर आत्मा, जेके आबा परमेश्‍वर मोर अधिकार के देई के भेजी, उ तोहरेमन के सोउब गोइठमन के सिखाई, आउर जे कुछ मोंय तोहरेमन से कइह हों, उ सोउब के तोहरेमन के याइद करवाई।

यूहन्ना 15:26

मगर मोंय आबा परमेश्‍वर बटे से तोहर लगिन एगो मदइत करेक वाला के भेजमूँ, उ सच्चाई केर आत्मा हेके, जे आबा परमेश्‍वर बटे से आवेला आउर जे सच्चाई हेके, उखे दिस्तार करेला। उ तोहरेमन के मोर बारे में बताई।

यूहन्ना 3:33

जे आदमी उकर संदेश के माइन लेलक, उ इ गोइठ केर सबूत देई चुकलक कि परमेश्‍वर सच्चा हेके।

यूहन्ना 6:27

नाश होवेक वाला भोजन लगिन मेहनइत ना करा, मगर उ भोजन लगिन मेहनइत करा, जे जुग-जुग केर जिंदगी तक बनल रहेला, जेके मोंय आदमी केर बेटा तोहरेमन के देमूँ, काले कि मोके आबा परमेश्‍वर एइसन करेक केर अधिकार देई हे।”

खास चेलामन केर काम 1:4

एक बेर यीशु अपन खास चेलामन केर संगे रहे तब उमन के आगया देलक। “यरुशलेम शहर के ना छोड़बा, मगर उ दान केर आसरा देखते रहबा, जेके मोर आबा तोहरेमन के देवेक केर करार काइर हे, जेकर बारे में तोहरे मोर से सुइन चुइक हा।

खास चेलामन केर काम 13:26

हे मोर इसराइली भाईमन, तोहरे जे अब्राहम केर संतान हेका आउर परमेश्‍वर केर डार मानाला, परमेश्‍वर तोहर ठिना यीशु केर बारे में इ छुटकारा केर संदेश भेइज हे।

खास चेलामन केर काम 2:33

अब उ स्वरग में परमेश्‍वर केर भतखाइया आरा सोउब से ऊँचा पद पाय के बइठल अहे, आउर आबा परमेश्‍वर जइसन उ करार काइर रहे तइसनेहें यीशु के पवितर आत्मा देलक आउर उ पवितर आत्मा के हमरे के देलक, जइसन आइज तोहरे देखाथा आउर सुनाथा।

रोमानियनमन 1:16

काले कि मोंय मसीह केर बारे में शुभ समाचार सुनाएक से नी लजावना, इ लगिन कि उ हरेक बिसवास करइयामन लगिन, पहिले तो यहूदी फिन यूनानीमन लगिन छुटकारा पावेक ले परमेश्‍वर केर शक्ति हेके।

रोमानियनमन 4:11

अब्राहम एखनोहों तक अपन खतना नी काइर रहे, तब हों परमेश्‍वर उके पहिलेहें ग्रहण करलक आउर धरमी ठहरालक। खतना करेक केर चिन्हा धरमी ठहराएक केर छाप (मोहर) हेके, इ लगिन अब्राहम उ मनक आत्मिक आबा हेके जेमन खतना नी करुवाय हैं मगर बिसवास काइर हैं। आउर उमन बिसवास करेक केर चलते धरमी ठहराल गेलैं।

रोमानियनमन 6:17

पहिले तोहरे तो पाप केर गुलाम रहा, मगर अब उ उपदेस के मानेक वाला होई गेला जेके तोहरे लगिन देवल गेलक, इकर लगिन मोंय परमेश्‍वर के धन्यबाद देवोना।

2 कुरिनथियनमन 6:7

सच्चा प्रेम करेक से, सच गोइठ गोठियाएक से, परमेश्‍वर केर शक्ति से दुःख उठाइला, आउर धारमिकता से, जे हमरे ठिना हँथियार केर रूप में हमला करेक लगिन आउर खुद के बचाएक लगिन अहे,

गलातियनमन 3:14

एइसन इ लगिन होलक कि अब्राहम केर आशीष मसीह यीशु में परजाइत आदमीमन तक पोंहचोक। आउर हमरे बिसवास केर चलते उ आत्मा के पावब जेकर करार होई हे।

इफिसियनमन 4:21

बल्कि जे कोनों तोहरेमन यीशु मसीह केर बारे में सुइन हा, आउर जे कोनों तोहर सिखाएक वालामन तोहरे के सिखाय हैं, ओहे मसीह केर सच्चा संदेश हेके।

इफिसियनमन 4:30

आउर परमेश्‍वर केर पवितर आत्मा के अपन काममन से दुःख ना देवा, जे तोहरे के इ बतायला कि परमेश्‍वर तोहरे के छुटकारा देई हे। जे तोहर उपरे एगो छाप नियर अहे।

1थिस्सलुनीकियनमन 2:13

इ लगिन हमरे हों परमेश्‍वर केर धन्यबाद लगातार करिला कि जब तोहरे उ संदेश के सुनला, जेके हमरे तोहर माझे परचार करली, तो तोहरे उके परमेश्‍वर केर बचन समइझ के ग्रहण करला आउर उ संदेश परमेश्‍वर बटले हें रहे। आउर अब तोहरेमन मसीह उपरे बिसवास कराला परमेश्‍वर केर इ संदेश तोहरे में काम कराथे।

2 तीमुथियुस 2:15

कड़ा मेहनइत कर ताकि तोंय खुद के परमेश्‍वर केर सामने एइसन आदमी नियर देखाएक पारबे, जेके उ ग्रहण करेला। तोंय एगो एइसन काम करेक वाला बाइन जा, जे बढ़ियाँ से काम करेला। ताकि तोके अपन काम केर चलते लजाएक नी पड़ी, आउर तोंय सच्चा संदेश के ठीक रीति से सिखाते रहबे।

2 तीमुथियुस 2:19

फिन भी परमेश्‍वर केर आदमीमन एगो नेव नियर अहैं, जे नी हिलेला। उ नेव उपरे इ लिखल रहेला, “प्रभु जानेला कि उकर आदमीमन केमन हेकैं” आउर एहो जानेला “जे केऊ परमेश्‍वर केर आराधना करेला उके बुराई करेक नी चाही।”

2 तीमुथियुस 3:15

जब तोंय एगो छोटका छउवा रहिस, सेहे बेरा से पवितर किताब केर गोइठमन के तोंय सीख हिस। जे तोके इ बुझेक में मदइत करेला कि जब तोंय यीशु मसीह उपरे बिसवास करिसला तो परमेश्‍वर तोके बचायला।

तीतुस 2:11

काले कि परमेश्‍वर हरेक आदमीमन लगिन छुटकारा पावेक केर डहर देखाय के, इ बताय देई हे कि उ केतना किरपा करेक वाला हेके।

इब्रानीमन 2:3

अगर हमरेमन एइसन बड़का छुटकारा के ठुकराय देवब, तो हमरे कैसे बचेक पारब। इ छुटकारा केर हकवा सोउब से पहिले प्रभु यीशु करलक, आउर फिन जेमन प्रभु यीशु से सुनलैं, उमन उ मनक संदेश के हमरेमन लगिन सच्चा साबित करलैं।

याकूब 1:18

उ अपनेहें इच्छा से हमरे के सच्चाई केर बचन से अपन संतान बनाय हे, ताकि हमरे उकर सिरजाल चीजमन में से एक रकम केर पहिला फार नियर होवब।

याकूब 1:21

इ लगिन समूचा गंदा चाइल-चलन आउर समूचा बुराई के दूर काइर के, उ बचन के नरम बाइन के ग्रहण काइर लेवा, जे तोहर दिल में बुनल जाय हे आउर जे तोहर जीउ के बचाएक पारेला।

1 पतरस 2:10

पहिले तोहरेमन परमेश्‍वर केर आदमी नी रहा मगर अब उकर आदमी बाइन गेला, पहिले तोहरे परमेश्‍वर केर दया के नी जानत रहा, मगर अब जानाला, काले कि उ तोहर उपरे अपन दया के देखाय हे।

प्रकाशितवाक्य 7:2

फिन मोंय एक आउर स्वरगदूत के जिंदा परमेश्‍वर केर मोहर लेवल पूरब से उपरे बटे आते देखलों, उ चाइरो स्वरग दूतमन से जेमन के उ धरती आउर समुदर केर हानि करेक केर अधिकार देई रहे, ऊँचा आवाज से कहलक,