इफिसियनमन 1:11 - सादरी नवाँ नियम

¹¹ ओहे यीशु केर चलते जेकर से हमरे जुड़ल अही, बपौती अधिकार पावेक नियर हमरे परमेश्‍वर से अधिकार के पाली, जेकर लगिन उ अपन योजना केर मोताबिक पहिलेहें से हमरे के चुइन रहे।

इफिसियनमन 1:11 Iomraidhean Croise

खास चेलामन केर काम 13:48

इ सुइन के परजाइत आदमीमन खुश होलैं, आउर परमेश्‍वर केर बचन केर बड़ाई करेक लगलैं। जेतना आदमीमन के जुग-जुग केर जिंदगी लगिन ठहराल जाय रहे, उमन बिसवास करलैं।

खास चेलामन केर काम 2:23

ओहे यीशु के, जे परमेश्‍वर केर ठहराल योजना आउर पहिले केर गेयान केर मोताबिक धरुवाल गेलक आउर तोहरे उके दुष्ट आदमीमन केर मदइत से काँटी ठुकवाय के क्रूस उपरे चढ़ुवाय के माइर मोराला।

खास चेलामन केर काम 20:27

काले कि मोंय तोहरे के उ सोउब कुछ के बतालों, जेके परमेश्‍वर तोहरे के जनुवाएक चाहेला। मोंय कोनों के नी लुकालों।

खास चेलामन केर काम 20:32

अब मोंय तोहरे के परमेश्‍वर केर आउर उकर किरपा केर बचन केर देख-रेख में जिम्मा देवाथों, जे तोहर बिसवास के मजबूत करी। आउर परमेश्‍वर तोहरे के उ बपौती अधिकार देवी, जेके देवेक केर करार उ सोउब आदमीमन से काइर हे, जेमन उकर से पवितर करल जाय हैं।

खास चेलामन केर काम 26:18

मोंय तोके उ मनक आँइख खोलेक लगिन, उमन के अंधार से इंजोत में लानेक लगिन, मतलब शैतान केर अधिकार से छोड़ाय के परमेश्‍वर बटे लानेक लगिन उमन ठिना भेजाथों। जेकर से उमन मोर उपरे बिसवास काइर के अपन पापमन केर क्षमा पाओक आउर पवितर करल आदमीमन केर माझे अपन ठाँव के पाओक।’

खास चेलामन केर काम 4:28

उमन ओहे करलैं जेके तोर शक्ति आउर इच्छा आगे हें ठहराय देई रहे कि ओहे होवोक।

रोमानियनमन 11:34

“प्रभु केर बुद्धि के केहर जानलक? चाहे उकर मंत्री केहर होलक?

रोमानियनमन 8:17

आउर अगर संतान हेकी, तो हकदार हों हेकी बल्कि परमेश्‍वर केर हकदार आउर मसीह केर संगी हकदार हेकी, जब एखन हमरे उकर संगे दुःख उठाथी तो उकर संगे महिमा हों पावब।

रोमानियनमन 8:28

आउर हमरे जानिला कि जेमन परमेश्‍वर से प्रेम करैना, उमन लगिन सोउब गोइठमन मिल के भलाई के हें लानेला, मतलब ओहेमन लगिन जेमन उकर इच्छा केर मोताबिक चुनल जाय हैं।

रोमानियनमन 8:29

काले कि जेमन के उ पहिले से चुइन लेई हे, उमन केर लगिन पहिले से फैसला हों काइर लेई हे कि उमन उकर बेटा नियर बाइन जाबैं, ताकि उकर बेटा ढेइर भाईमन में पहिलौठा बनोक।

रोमानियनमन 8:30

फिन जेमन केर लगिन उ पहिले से फैसला काइर हे, उमन के बोलालक हों, आउर जेमन के बोलालक उमन के धरमी हों बनालक, आउर जेमन के धरमी बनालक उमन के महिमा हों देई हे।

रोमानियनमन 9:11

आउर हिंयाँ तक कि उमन केर जनम से पहिले, या उमन केर भला आउर बुरा करेक से पहिले, परमेश्‍वर रिबका से कहलक “तोर बड़का बेटा छोटका बेटा केर सेवा करी” परमेश्‍वर एइसन इ देखाएक लगिन कहलक कि उ अपन इच्छा केर मोताबिक काम करेला, इ निहीं कि उमन कोनों काइर रहैं।

गलातियनमन 3:18

अगर परमेश्‍वर मूसा केर नियम के मानेक केर बदली में आशीष के देई हे, तब तो उ करार के किनारे काइर देतक, मगर परमेश्‍वर अब्राहम के अपन किरपा से आशीष देई हे, काले कि उके देवेक केर करार काइर हे।

इफिसियनमन 1:14

पवितर आत्मा छुटकारा पावल आदमीमन लगिन जमा करल धन नियर अहे, जे पक्का भरसा दिवायला कि परमेश्‍वर उ सोउब चीजमन के देवी जेके देवेक केर करार काइर हे, आउर जेके उ अपन आदमीमन लगिन कीन लेई हे। ताकि उकर महिमा लगिन उकर बड़ाई होवोक।

इफिसियनमन 1:18

मोंय एहो प्रार्थना करोना कि परमेश्‍वर तोहरे केर दिमाग के खोइल देवोक, ताकि उकर बोलाएक में जे आसरा अहे उके आउर उकर महिमा से भरल आशीषमन के, जे सोउब पवितर आदमीमन लगिन अहे, जानेक पारबा।

इफिसियनमन 1:5

काले कि परमेश्‍वर हमरे के प्रेम करलक आउर अपन इच्छा आउर भला मकसद केर मोताबिक, हमरे के अपन लगिन पहिले से ठहरालक कि हमरे यीशु मसीह केर बटले उकर बाल-पोस बेटा बनब।

इफिसियनमन 1:8

इ सोउब परमेश्‍वर केर पूरा समझ आउर बुद्धिमानी से हमरे के भरपूरी से मिल हे।

इफिसियनमन 1:9

आउर जे कोनों यीशु मसीह हमर लगिन करलक, उकर से परमेश्‍वर अपन लुकल योजना के हमरे के देखालक।

इफिसियनमन 3:11

इ योजना के परमेश्‍वर दुनिया केर सिरजन से पहिले हें बनाय रहे। जेके उ हमर प्रभु यीशु मसीह केर द्वारा पूरा करलक।

कुलुसियनमन 1:12

आउर आबा परमेश्‍वर के धन्यबाद देते रहा, जे तोहरे के उ बपौती अधिकार में भागी होवेक केर लायक बनाय हे, जेके उ स्वरग केर राइज में अपन आदमीमन के देवेक लगिन तेयार काइर हे।

कुलुसियनमन 3:24

तोहरे जानाला कि तोहरे के इकर बदला में प्रभु इनाम केर रूप में बपौती अधिकार देवी। इ लगिन कि तोहरेमन मालिक मतलब मसीह केर सेवक हेका।

तीतुस 2:14

जे खुद के हमर लगिन बलिदान काइर देलक, आउर हमरे के सोउब रकम केर अधरम से छुटकारा देलक आउर शुद्ध काइर के हमरे के अपन लगिन खास आदमी बनाय लेलक, जे भला काम करेक लगिन पूरा पुरी तेयार रहोक।

तीतुस 3:7

परमेश्‍वर एइसन काइर के अपन किरपा से हमरे के धरमी ठहरालक, आउर हमरे उकर संतान बाइन गेली, से लगिन हमरे जुग-जुग ले उकर संग रहेक केर आसरा करिला।

इब्रानीमन 6:17

इ लगिन परमेश्‍वर हों किरिया खालक, इकर से परमेश्‍वर आदमीमन के सफा-सफा इ देखाएक चाहत रहे कि जेमन से करार करल जाय हे, उमन लगिन करार के पक्का पूरा करी।

याकूब 2:5

हे मोर भाईमन सुना, का परमेश्‍वर इ दुनिया केर गरीबमन के नी चुनलक कि उमन बिसवास में धनी आउर उ राइज केर अधिकारी होबैं, जेकर करार परमेश्‍वर उमन से काइर हे जेमन उकर से प्रेम करैना?

1 पतरस 1:4

हमरे उ जयजाद के पावेक केर आसरा कराथी, जेके परमेश्‍वर हमर लगिन तेयार काइर हे, जे चीजमन के केऊ कहियो नाश करेक नी पारी। आउर उ कहियो पुरना नी होवी, परमेश्‍वर उ चीजमन के स्वरग में हमरे लगिन राइख हे।

1 पतरस 3:9

बुराई केर बदला बुराई ना करा आउर ना गाली केर बदला गाली देवा, मगर इकर उल्टा उमन के आशीष हें देवा। परमेश्‍वर तोहरे के इ लगिन बोलाय हे कि तोहरे दोसरमन के आशीष देवा अगर तोहरेमन एइसन कराला तो परमेश्‍वर हों तोहरे के आशीष देवी।