इफिसियनमन 1:10 - सादरी नवाँ नियम

¹⁰ आउर उकर योजना इ हेके कि ठीक समय में परमेश्‍वर सोउब चीजमन के, जे स्वरग में अहे आउर जे धरती में अहे, यीशु मसीह केर अधिकार में काइर देवी।

इफिसियनमन 1:10 Iomraidhean Croise

मत्ती 25:32

से बेरा सोउब देस केर आदमीमन मोर सामने जमा करल जाबैं। आउर जइसन चरवाहा भेड़ीमन के छगरीमन से जुदा काइर देवेला, तइसनेहें मोंय हों उ सोउब धरमी आदमीमन के पापी आदमीमन से जुदा काइर देमूँ।

मरकुस 1:15

आउर कहलक, “परमेश्‍वर केर ठहराल समय पूरा होई जाय हे, आउर परमेश्‍वर केर राइज भीरे पोंहइच जाय हे, पाप करेक छोइड़ देवा आउर शुभ समाचार केर उपरे बिसवास करा।”

1 कुरिनथियनमन 10:11

मगर इ सोउब गोइठमन जे उमन उपरे पड़लक, चेतावनी नियर रहे, आउर इ हमर चेतावनी लगिन पवितर किताब में लिखल जाय हे, जे दुनिया केर आखरी समय में रहिला।

1 कुरिनथियनमन 11:3

मगर एगो गोइठ अहे, मोंय चाहोना कि तोहरेमन इके जाइन लेवा, हरेक मरदाना केर मूँड़ मसीह हेके आउर एक जनाना केर मूँड़ उकर पति हेके, आउर मसीह केर मूँड़ परमेश्‍वर हेके।

गलातियनमन 4:4

मगर जब सही समय आलक, तो परमेश्‍वर अपन बेटा के इ दुनिया में भेजलक जे एगो जनाना से जनमलक, उ एगो यहूदी केर रूप में जनमलक आउर मूसा केर नियम के मानलक।

इफिसियनमन 1:22

परमेश्‍वर सोउब चीजमन के मसीह केर शक्ति केर हेंठे काइर देलक, आउर उके सोउब चीजमन केर उपरे अधिकारी ठहराय के कलीसिया के देई देलक।

इफिसियनमन 2:15

आउर अपन माउत से उ मूसा केर नियम केर सोउब रीति रिवाज के मेटाय देलक, ताकि उ इसराइली आदमीमन आउर परजाइत आदमीमन केर माझे मेल काइर के एगो नवाँ झूँड़ बनाएक पारोक।

इफिसियनमन 3:15

जे सोउब बिसवासीमन केर परिवार केर आबा हेके, जेमन स्वरग में आउर धरती उपरे अहैं।

इफिसियनमन 3:2

तोहरे जरूर सुइन हा परमेश्‍वर अपन किरपा से तोहरेमन के शुभ समाचार सुनाएक केर जिम्मेदारी मोके देई हे।

कुलुसियनमन 1:16

काले कि इ ओहे रहे जे सोउब कुछ के सिरजेक लगिन परमेश्‍वर केर संगे काम करलक। उकरे में समूचा चीजमन केर सिरजन होलक, स्वरग केर, चाहे धरती केर, देखल, चाहे बेगर देखल, सिंहासन होवोक चाहे राइज चलाइयामन, मालिकमन होवोक चाहे अधिकारमन, समूचा चीजमन उकरे बटले आउर उखे आदर देवेक लगिन सिरजाल जाय हे।

कुलुसियनमन 1:20

आउर उकर क्रूस उपरे बहाल लोहू केर द्वारा सोउब चीजमन केर, चाहे धरती केर हो, चाहे स्वरग केर हो, अपन संगे मेल जोल काइर लेलक।

कुलुसियनमन 3:11

इ नवाँ जिंदगी पाय के अब तोहरे में ना तो यूनानी, ना यहूदी, ना खतना, ना बेगर खतना, ना देसी, ना बिदेसी, ना गुलाम आउर ना आजाद केर भेद अहे, मगर मसीह हें एकले सोउब कुछ हेके आउर सोउब में अहे।

इब्रानीमन 1:2

इ आखरी दिनमन में परमेश्‍वर हमरे संगे अपन बेटा केर जरिया से गोठियालक, आउर उकरे जरिया से परमेश्‍वर समूचा दुनिया के सिरजालक, से लगिन परमेश्‍वर इ फैसला काइर हे कि आखरी में सोउब कुछ उकरे अधीन में रहोक।

इब्रानीमन 11:40

काले कि परमेश्‍वर ठिना ना सिरिफ उमन लगिन, मगर हमर लगिन हों बढ़ियाँ योजना अहे, परमेश्‍वर उमन के हमरे केर संगे सिद्ध बनाएक चाहेला।

इब्रानीमन 9:10

काले कि उ नियममन सिरिफ आदमीमन केर खाएक, पियेक आउर कायनों रकम केर नहाएक केर रीतिमन केर बारे में बतायला, जेकर से आदमीमन बाहरे से सफा होवैना। इ आराधना केर नियममन तब तक लगिन मानल जाई, जब तक परमेश्‍वर अपन नवाँ करार के शुरु नी काइर देवी।

1 पतरस 1:20

इ दुनिया केर सिरजाल जाएक से पहिले, परमेश्‍वर पहिलेहें से ठहराय लेई रहे कि यीशु मसीह छोड़ाएक वाला होवी। मगर उ तोहर मदइत करेक लगिन इ आखरी दिनमन में धरती में आलक।

प्रकाशितवाक्य 5:9

आउर उमन इ नवाँ गीत गावेक लगलैं: “तोंय इ किताब के लेवेक आउर इकर मोहर के खोलेक केर लायक अहिस, काले कि तोंय बलि होई के अपन लोहू से हरेक गोतर, भाषा, आदमीमन, आउर जाइत में से परमेश्‍वर केर लगिन आदमीमन के कीन लेई हिस।