इफिसियनमन 1:1 - सादरी नवाँ नियम

¹ इ चिट्ठी के मोंय पौलुस जे परमेश्‍वर केर इच्छा से यीशु मसीह केर चुनल खास चेला हेकों, उ पवितर आउर मसीह यीशु में बिसवासी आदमीमन केर नाँव में लिखाथों। जेमन इफिसुस शहर में अहैं।

इफिसियनमन 1:1 Iomraidhean Croise

लूका 16:10

जे छोट से छोट गोइठमन में ईमानदार अहे, उ बाड़ से बाड़ गोइठमन में हों ईमानदार होवेला। आउर जे छोट से छोट गोइठमन में बैमान अहे, उ बाड़ से बाड़ गोइठमन में हों बैमान होवेला।

खास चेलामन केर काम 16:15

जब उ आउर उकर परिवार केर सोउब आदमीमन बपतिस्मा जल संस्कार लेलैं तब उ हमरे से इ बिनती करलक, “अगर तोहरे सचमुच में मोके प्रभु केर उपरे बिसवास करेक वाला जानाला, तो तोहरे आय के मोर घर में रहा।” आउर उ हमरे के मनाय के लेई गेलक।

खास चेलामन केर काम 18:19

पौलुस इफिसुस शहर में पोंहइच के प्रिस्किल्ला आउर अक्विला के हूवाँ छोइड़ देलक आउर खुद यहूदी मनक प्रार्थना घर में जाय के यहूदीमन से बहस करेक लगलक।

खास चेलामन केर काम 18:21

आउर इ कइह के उमन से बिदा होलक, “अगर परमेश्‍वर चाही तो मोंय तोहर ठिना फिन आमूँ।” तब उ इफिसुस शहर छोइड़ के पानी जहाज से आगे चाइल गेलक।

खास चेलामन केर काम 9:13

मगर हनन्याह जबाब देलक, “हे प्रभु, मोंय इ आदमी केर बारे में ढेइर आदमीमन से सुइन हों कि इ यरुशलेम शहर में तोर पवितर आदमीमन केर उपरे बड़का-बड़का बुराई काइर हे।

रोमानियनमन 1:1

पौलुस बटले जे यीशु मसीह केर दास हेके, आउर यीशु मसीह केर खास चेला बनेक लगिन परमेश्‍वर बटले चुनल जाय हे, आउर परमेश्‍वर केर उ शुभ समाचार के सुनाएक लगिन अलग करल जाय हे।

रोमानियनमन 1:7

तोहरे सोउबमन केर नाँव में मोंय चिट्ठी लिखाथों जेमन रोम देस में रहाला आउर परमेश्‍वर तोहरे के प्रेम करेला, आउर तोहरे के अपन पवितर आदमी बनेक लगिन बोलाय हे। हमर आबा परमेश्‍वर आउर प्रभु यीशु मसीह बटले तोहरे के किरपा आउर शांति मिलते रहोक।

रोमानियनमन 8:1

से लगिन अब जेमन मसीह यीशु में अहैं, उमन के परमेश्‍वर दंड नी देवी। (काले कि उमन काया केर मोताबिक निहीं बल्कि आत्मा केर मोताबिक चलैना।)

1 कुरिनथियनमन 4:12

हमरे अपनेहें हाँथमन से काम काइर के मेहनइत करिला। आदमीमन हमरे के बुरा कहैना मगर हमरे उमन के आशीष देवीला, उमन हमरे के सतायना मगर हमरे सहिला।

1 कुरिनथियनमन 4:17

इ लगिन मोंय तीमुथियुस के जे प्रभु में मोर दुलार आउर बिसवास लाएक बेटा हेके, तोहरे ठिना भेइज हों, उ तोहरेमन के यीशु मसीह में मोर ब्यवहार के याइद करवाई, जेके मोंय हर जगा आउर हरेक कलीसिया में उपदेस देवोना।

2 कुरिनथियनमन 1:1

इ चिट्ठी मोंय पौलुस आउर बिसवासी भाई तीमुथियुस बटले हेके, मोंय परमेश्‍वर केर इच्छा से मसीह यीशु केर चुनल खास चेला हेकों, इ चिट्ठी अखया परदेस में रहेक वाला परमेश्‍वर केर आदमीमन केर नाँव में आउर उ कलीसिया केर नाँव में लिखल जाय हे, जे कुरिन्थुस शहर में अहे।

गलातियनमन 1:1

मोंय पौलुस जे यीशु केर चुनल खास चेला हेकों आउर इ चिट्ठी के लिखाथों। मोंय केऊ आदमी चाहे आदमीमन केर दल से चुनल नी जाय हों, मगर मोंय हमर प्रभु यीशु मसीह आउर आबा परमेश्‍वर बटले चुनल जाय हों, जे यीशु के मुरदा में से जियालक।

गलातियनमन 3:26

जब तोहरे यीशु मसीह केर नाँव से बपतिस्मा जल संस्कार लेला, तो तोहरे मसीह केर नवाँ जिंदगी के पिंध लेला, जइसन एगो आदमी नवाँ लुगा के पिंध लेवेला, से लगिन जब तोहरे सोउब यीशु मसीह उपरे बिसवास करला तो परमेश्‍वर केर संतान बाइन गेला।

गलातियनमन 3:28

अब ना केऊ यहूदी रहलक आउर ना यूनानी, ना केऊ गुलाम, ना आजाद, ना केऊ नर आउर ना नारी, काले कि तोहरेमन सोउब मसीह यीशु में एक हेका।

गलातियनमन 3:9

से लगिन जेमन उ नियर परमेश्‍वर उपरे बिसवास करैना जइसन अब्राहम करलक, उ बिसवासीमन अब्राहम केर संगे आशीष पाबैं।

इफिसियनमन 1:15

इ सोउब केर चलते जे परमेश्‍वर काइर हे, जब से मोंय प्रभु यीशु उपरे तोहर बिसवास के आउर पवितर आदमीमन केर लगिन तोहर प्रेम के सुइन हों।

इफिसियनमन 2:10

काले कि हमरे परमेश्‍वर केर बनाल हेकी, उ हमरे के यीशु मसीह में उकर भला काममन के करेक लगिन बनाय हे, जे काममन के करेक लगिन परमेश्‍वर हमरे के पहिले से तेयार काइर हे।

इफिसियनमन 2:13

एक समय रहे जब तोहरेमन परमेश्‍वर से दूर रहा मगर अब तो मसीह यीशु केर संगे एक होवेक केर चलते जे दूर रहा, परमेश्‍वर उ लोहू से जेके यीशु मसीह तोहर लगिन बहाय हे तोहरे के अपन ठिना लेई आनलक।

इफिसियनमन 2:6

परमेश्‍वर हमरे के मसीह यीशु केर संगे जियाय के स्वरग में उकर संगे राइज करेक लायक बनालक।

इफिसियनमन 6:21

तुखिकुस जे दुलार भाई आउर प्रभु में बिसवास लाएक सेवक हेके तोहरेमन के सोउब गोइठमन के बताय देवी, ताकि तोहरेमन हों इके जाइन जावा कि मोंय का कराथों।

कुलुसियनमन 1:2

मोंय इ चिट्ठी मसीह केर पवितर आदमीमन के आउर बिसवास लायक भाईमन के लिखाथों, जेमन कुलुस्से शहर में रहैना। हमर आबा परमेश्‍वर बटले तोहरेमन के किरपा आउर शांति मिलते रहोक।

प्रकाशितवाक्य 17:14

इमन मेमना से लड़बैं, आउर मेमना उमन केर उपरे जीत जाई, काले कि उ प्रभुमन केर प्रभु आउर राजामन केर राजा हेके आउर जेमन बोलाल आउर चुनाल अहैं, आउर उकर परती बिसवास लायक अहैं, आउर उमन उकर संगे अहैं, उमन हों जीत जबैं।”

प्रकाशितवाक्य 2:10

जे दुःख तोके झेलेक होवी, उमन से ना डराव। काले कि देख, शैतान तोहर में से थोरेक आदमीमन के जेहेल घर में साजेक वाला अहे, ताकि तोहरेमन परखल जबा, आउर तोहरेमन के दस दिन तक दुःख उठाएक होवी। प्राण देवेक तक बिसवासी रहा, तो मोंय तोहरे के जिंदगी केर मुकुट देमूँ।

प्रकाशितवाक्य 2:13

मोंय इ तो जानोना कि तोंय हूवाँ रहिसला जहाँ शैतान केर सिंहासन अहे, आउर तोंय मोर नाँव में स्थिर रहिसला। तोंय मोर उपरे बिसवास करेक से उ दिनमन में हों पिछे नी हटले, जेकर में मोर बिसवास लायक गवाह अन्तिपास, तोहर माझे उ ठाँव में मोराल गेलक जहाँ शैतान रहेला।