कुलुसियनमन 2:7 - सादरी नवाँ नियम

⁷ आउर उकरे में मजबूत होते आउर बढ़ते जावा, आउर जइसन तोहरेमन के सिखाल जाय हे तइसनेहें बिसवास में पोक्ता होते जावा, आउर लगातार परमेश्‍वर के धन्यबाद देते रहा।

कुलुसियनमन 2:7 Iomraidhean Croise

लूका 6:48

उ एइसन आदमी नियर अहे, जे घर बनाएक बेरा भूंई गढ़हा कोइड़ के चट्टाइन उपरे नेव देलक। आउर जब बाढ़ आलक तो पानी केर धार उ घर में बजड़ालक, मगर उके धँसाएक नी पारलक, काले कि उ मजबूत बनाल रहे।

रोमानियनमन 16:25

अब परमेश्‍वर केर स्तुति होवोक, जे तोहरेमन के बिसवास में मजबूत बनाएक पारेला, उ शुभ समाचार केर द्वारा आउर यीशु मसीह केर संदेश केर द्वारा जेके मोंय आदमीमन के बतावना। इ मसीह केर बारे में संदेश भेद केर गोइठ हेके, जे शुरु से लुकल रहे मगर अब दिस्तार होलक।

1 कुरिनथियनमन 1:8

परमेश्‍वर तोहरेमन के आखरी तक बिसवास में मजबूत हों करी, ताकि तोहरेमन उ दिन तक निरदोष रहबा, जब हमर प्रभु यीशु मसीह इ धरती में फिन से घूइर आवी।

1 कुरिनथियनमन 15:58

से लगिन हे मोर दुलार बिसवासी भाईमन, बिसवास में स्थिर बनल रहा आउर झूठा शिक्षामन केर चलते प्रभु से दूर ना होवा, आउर प्रभु केर काम में हमेशा बढ़ते जावा, काले कि तोहरे इ जानाला कि जे कोनों तोहरे प्रभु लगिन कराथा, उ बेकार नी होवी मगर उकर इनाम मिली।

2 कुरिनथियनमन 1:21

जे परमेश्‍वर हमरे के तोहर संगे मसीह में पोक्ता बनायला, आउर जे हमरे उपरे अपन मोहर लगाय के बेयाना केर रूप में अपन आत्मा के हमरे केर हिरदय में राइख के अभिषेक काइर हे।

इफिसियनमन 3:17

आउर बिसवास से मसीह तोहर भीतरे डेरा करोक जइसन कि तोहरेमन उकर में भरसा कराला, मोंय प्रार्थना करोना कि परमेश्‍वर लगिन आउर दोसरमन लगिन तोहर प्रेम तोहरे के मजबूत बनाओक आउर भटकेक से बचाओक।

इफिसियनमन 4:21

बल्कि जे कोनों तोहरेमन यीशु मसीह केर बारे में सुइन हा, आउर जे कोनों तोहर सिखाएक वालामन तोहरे के सिखाय हैं, ओहे मसीह केर सच्चा संदेश हेके।

इफिसियनमन 5:20

आउर जे कोनों हमर प्रभु यीशु मसीह हमर लगिन काइर हे उकर चलते सोउब बेरा परमेश्‍वर आबा के सोउब गोइठ में धन्यबाद देते रहा।

कुलुसियनमन 1:23

अगर तोहरेमन केर बिसवास यीशु मसीह उपरे पोक्ता बनल रही, उ घर केर जइसन जे एगो मजबूत नेव केर उपरे खड़ा रहेला, आउर उ आसरा के नी छोड़बा जे शुभ समाचार उपरे बिसवास करेक से तोहरे के मिल हे, जेकर परचार आकाश केर हेंठे गोटा दुनिया में सोउब मनवा केर माझे करल जाय हे, आउर मोंय पौलुस ओहे शुभ समाचार केर परचार करोना।

कुलुसियनमन 3:17

आउर तोहरे जे कोनोवें कहबा या करबा उ सोउब प्रभु यीशु केर नाँव से करबा, आउर उकर बटले परमेश्‍वर आबा के धन्यबाद देबा।

1थिस्सलुनीकियनमन 5:18

हरेक स्थिति में परमेश्‍वर के धन्यबाद देवा काले कि तोहर लगिन मसीह यीशु में परमेश्‍वर केर एहे इच्छा अहे।

2 थिस्सलुनीकियनमन 2:17

उ तोहरे केर मन में साहस देवोक आउर जे बेस काम हेके उके लगातार करते रहेक लगिन तोहरेमन के बचन में मजबूत करोक।

इब्रानीमन 13:15

इ लगिन आवा, हमरे यीशु मसीह केर द्वारा अपन होंठ से लगातार परमेश्‍वर केर स्तुति करब, एहे हमरे केर उकर लगिन बलिदान हेके।

इब्रानीमन 13:9

से लगिन रकम-रकम केर आउर अजीब उपदेसमन से ना भरमाय देवल जबा, काले कि तोहरे केर मन लगिन इ भला होवी कि तोहरे परमेश्‍वर केर किरपा से मजबूत बनल रहा, ना कि खाएक केर नियममन के माइन के, जेके माइन के केकरो फायदा नी होलक।

1 पतरस 5:10

परमेश्‍वर जे पूरा रीति से किरपा से भरल अहे, उ हमरे के यीशु मसीह केर संगे एक जूट होवेक केर खातिर, स्वरग में उकर जुग-जुग केर महिमा में साझादार होवेक लगिन बोलाय हे। तोहर थोरेक देरी लगिन दुःख सहेक केर पाछे, परमेश्‍वर तोहरे के बेस बनाय देवी ताकि तोहर में कोनों दोष ना रहोक आउर उ तोहर दिल के मजबूत करी आउर उकर उपरे तोहर भरसा के सचमुच में स्थिर बनाय देवी।

यहूदा 1:12

जब इमन प्रभु केर प्रेम के याइद करते तोहर संगे तोहरे केर संगति में भोजन करैना, तो इमन उ खतरनाक चट्टाइनमन नियर होवैना जे समुदर केर हेंठे लुकल रहेला, जे तोहर डुबेक केर कारण बाइन सकेला। उमन उ चरवाहामन नियर अहैं जे सिरिफ अपनेहें केर चिंता करैना। उमन उ बदरीमन नियर अहैं, जे भूंई में बरसल बिना सिरिफ गरजेला। उमन ठंढा मौसम केर गाँछमन नियर होवैना जेमन केर दूई बेर माउत होवेला काले कि उमन कोनों फार नी देवैना आउर जाइर से उखइर जायना।

यहूदा 1:20

मगर हे दुलार बिसवासी भाई-बहिनमन, तोहरेमन बगरा पवितर बिसवास में बढ़ोतरी लगिन एक दोसर केर मदइत करते रहा, आउर पवितर आत्मा केर अगुवाई में प्रार्थना करते रहा।

यहूदा 1:24

सिरिफ परमेश्‍वर हें तोहरे के ठोकर खाएक से बचाएक पारेला आउर अपन महिमा केर भरपूरी केर सामने खुश आउर निरदोष काइर के ठडु़वाएक पारेला।