कुलुसियनमन 2:4 - सादरी नवाँ नियम

⁴ इके मोंय इ लगिन कहोना कि केऊ आदमी तोहरेमन के अपन झूठा शिक्षामन में बिसवास करेक लगिन राजी ना करवाय लेवोक।

कुलुसियनमन 2:4 Iomraidhean Croise

मत्ती 24:24

काले कि झूठा मसीह आउर झूठा परमेश्‍वर केर संदेश बताएक वालामन उइठ खड़ा होबैं उमन बड़का-बड़का चिन्हा आउर चमत्कार केर काममन के देखाबैं आउर होई सके तो उमन चुनलमन के हों बहकाय देबैं।

मत्ती 24:4

यीशु उमन के जबाब देलक, “सावधान रहा, तोहरेमन के केऊ ना बहकाय देवोक।

मरकुस 13:22

काले कि झूठा मसीह आउर झूठा परमेश्‍वर केर संदेश के बताएक वालामन उइठ खड़ा होबैं, उमन चिन्हा आउर चमत्कार केर काममन के देखाबैं आउर होई सके तो उमन चुनलमन के हों बहकाय देबैं।

खास चेलामन केर काम 20:30

हिंयाँ तक कि तोहर अपन बिसवासी दल से हें एइसन आदमीमन निकलबैं, जेमन चेलामन के अपन बटे मिलाएक लगिन उल्टा-पुल्टा शिक्षा देबैं।

1 कुरिनथियनमन 2:4

आउर मोर सिखाएक आउर मोर परचार में चतूर आउर लुभवाएक वाला गोइठमन नी रहे, मगर पवितर आत्मा तोहरे के शक्तिशाली रीति से देखालक कि जे संदेश मोंय तोहरे के बताय हों उ सच्चा हेके।

2 कुरिनथियनमन 11:3

मगर मोंय डरावना कि जइसन शैतान साँप केर रूप में अपन चलाँकी से पहिला जनाना हव्वा के बहकालक, तइसनेहें तोहरे केर मन के हों उ सिधाई आउर पवितरता से मसीह के जे आदर देवेक चाही, उकर से कहीं दूर ना काइर देओक।

इफिसियनमन 4:14

ताकि आगे हमरे छउवामन नियर नी रहब, आउर ना उ डोंगा नियर, जे पानी केर लहरा से हिने-हुने उछलत रहेला आउर हवा से कखनों इ दिशा, तो कखनों उ दिशा घूमते रहेला। हमरे के धोखेबाज आदमीमन केर झूठा शिक्षामन से, जे सच्चा नियर लगेला बहकेक नखे।

इफिसियनमन 4:17

इ लगिन मोंय उ अधिकार केर साथ जेके प्रभु मोके देई हे, तोहरे के इ बतावना कि अबिसवासीमन नियर ब्यवहार ना करा, जेमन बेकार गोइठमन केर चिंता करैना।

इफिसियनमन 5:6

केऊ तोहरेमन के इ कइह के धोखा ना देवोक कि परमेश्‍वर उमन के दंड नी देवी, जेमन एइसन पाप करैना। काले कि एहे काममन के करेक केर चलते परमेश्‍वर केर खीस आगया नी मानेक वालामन उपरे भड़केला।

कुलुसियनमन 2:18

केऊ हों आदमी जे नरम बनेक केर देखावा करेला आउर स्वरगदूतमन केर पूजा करेक में लीन रहेला, तोहरे के तोहर इनाम से दूर करेक ना पारोक, एइसन आदमी अपन देखल झूठा ईश्‍वरीय दर्शनमन केर बखाइन बिस्तार से करेला आउर इ दुनिया केर बुद्धि केर चलते घमंड से फूइल जायला।

कुलुसियनमन 2:8

चौकस रहा कि केऊ तोहरेमन के उ गोइठमन से जेकर कोनों कीमत नखे आउर जे बेकार अहे, ना बहकाय लेवोक, जे दुनिया केर रीति-रिवाज केर मोताबिक आदमीमन केर देवल शिक्षा तो हेके, मगर मसीह केर मोताबिक निहीं।

2 तीमुथियुस 2:16

मगर बेकार गोइठमन के ना सुन, जेकर से परमेश्‍वर के कोनों आदर नी मिलेला। बल्कि एइसन गोइठमन आदमीमन के परमेश्‍वर से आउर बगरा दूर लेई जायला।

2 तीमुथियुस 3:13

मगर दुष्ट आउर बहकाएक वालामन धोखा देते आउर धोखा खाते, बिगड़ते चाइल जाबैं।

1 यूहन्ना 2:18

हे दुलार छउवामन, इ आखरी समय हेके आउर जइसन तोहरेमन सुइन हा कि मसीह केर बिरोधी आवेक वाला अहे, उकर मोताबिक एखन हों ढेइर मसीह केर बिरोध करेक वालामन उइठ ठड़ाय हैं। इकर से हमरे जानिला कि इ आखरी समय हेके।

1 यूहन्ना 2:26

मोंय तोहरेमन के इ गोइठमन के उमन केर बारे में लीख हों, जेमन झूठा शिक्षा देई के तोहरेमन के भटकाएक केर कोशिश करैना।

1 यूहन्ना 4:1

हे दुलार भाईमन, हरेक आदमी उपरे बिसवास ना करा जेमन पवितर आत्मा बटले बोलेक केर दावा करैना। मगर उमन के परखा कि उमन परमेश्‍वर बटले हेकैं कि निहीं, काले कि ढेइर बगरा झूठा परमेश्‍वर केर संदेश के बताएक वाला आदमीमन इ दुनिया में फाइल जाय हैं।

2 यूहन्ना 1:7

मोंय इके इ लगिन कहाथों काले कि ढेइर झूठा शिक्षा देवेक वालामन दुनिया में आय हैं, जे इ नी मानैना कि यीशु मसीह आदमी बाइन के आय हे। एइसन कहेक वालामन हें बहकाएक वाला आउर मसीह केर बिरोधी हेकैं।

प्रकाशितवाक्य 12:9

तब उ बड़का अजगर मतलब ओहे पुरना साँप, जे इबलीस आउर शैतान कहायला, आउर गोटा दुनिया केर आदमीमन के भरमाएक वाला हेके, उकर दूतमन केर संगे उके धरती में गिराय देवल गेलक।

प्रकाशितवाक्य 13:8

धरती केर उपरे रहेक वाला सोउब आदमीमन राक्षस केर पूजा करेक लगलैं। सिरिफ ओहेमन उकर पूजा नी करलैं, जेमन केर नाँव दुनिया केर सिरजन होवेक से पहिलेहें से जिंदगी केर किताब में लिखल जाय रहे। इ जिंदगी केर किताब उ मेमना केर किताब हेके, जेके बलिदान केर रूप में माइर देवल जाय रहे।

प्रकाशितवाक्य 20:3

आउर उके बेथाह गढ़हा में साइज के बंद काइर देलक आउर उकर उपरे मोहर लगाय देलक, ताकि उ हजार बरिस केर पूरा होवेक तक जाइत-जाइत केर आदमीमन के फिन ना बहकाओक। हजार बरिस पूरा होवेक केर पाछे उके थोरेक देरी लगिन फिन खोलल जाएक हों जरुरी अहे।

प्रकाशितवाक्य 20:8

तब उ, उ जाइत केर आदमीमन के जे धरती केर चाइरो बटे होबैं, मतलब गोग आउर मागोग के जेमन केर हिसाब समुदर केर बालू केर बराबइर होवी, बहकाय के लड़ाई केर लगिन जमा करेक ले निकली।