कुलुसियनमन 2:2 - सादरी नवाँ नियम

² आउर मोंय तोहरे सोउब के बिसवास में मजबूत करेक चाहोना जेकर से तोहरे प्रेम में एक संगे जोड़ल जबा आउर सच्चाई केर भरपूर समझ में धनवान बाइन जबा आउर परमेश्‍वर आबा केर लुकल गोइठ के जे मसीह हेके जाइन जबा।

कुलुसियनमन 2:2 Iomraidhean Croise

मत्ती 11:25

ओहे बेरा यीशु कहलक, “हे परमेश्‍वर आबा, आकाश आउर धरती केर प्रभु, मोंय तोर धन्यबाद करोना कि इ गोइठमन के गेयानीमन आउर समझदार आदमीमन से लुकाय के रखले, आउर उ आदमी मनक उपरे दिस्तार काइर हिस, जेमन छउवामन नियर बचन के सुइन के उकर में बिसवास करैना।

मत्ती 11:27

मोर आबा परमेश्‍वर मोके सोउब कुछ केर उपरे अधिकार देई हे, सिरिफ परमेश्‍वर आबा हें बेटा के जानेला, आउर बेटा हें परमेश्‍वर आबा के जानेला, आउर बेटा जे आदमी के चाहेला उकर उपरे उके दिस्तार करेला।

मत्ती 13:11

यीशु जबाब देलक, “तोहरेमन के तो स्वरग राइज केर भेदमन के जानेक केर समझ देवल जाय हे, मगर उ आदमीमन के निहीं।

लूका 1:1

ढेइर आदमीमन उ गोइठमन के जे हमरे माझे बीत रहे, धेयान से लिखेक केर कोशिश करलैं।

यूहन्ना 10:30

मोंय आउर आबा परमेश्‍वर एके हेकी।”

यूहन्ना 10:38

मगर, अगर मोंय उ काममन के करोना, तो मोर उपरे बिसवास ना हों करा, मगर काममन केर उपरे बिसवास करा, तब तोहरेमन जानबा कि आबा परमेश्‍वर मोर में रहेला आउर मोंय आबा परमेश्‍वर में रहोना।”

यूहन्ना 16:15

जे कुछ आबा परमेश्‍वर केर हेके, उ सोउब मोर हेके। से लगिन मोंय कहलों कि उके मोर बटे से जे कुछ मिल हे, उखे तोहरेमन के बताई।

यूहन्ना 17:3

आउर जुग-जुग केर जिंदगी इ हेके कि उमन तोके जे एके गो सच्चा परमेश्‍वर हेकिस आउर मोंय यीशु मसीह के, जेके तोंय भेइज हिस, जानोक।

यूहन्ना 5:17

यीशु उमन के जबाब देलक, “मोर आबा परमेश्‍वर एखन तक काम करते अहे, से लगिन मोंय हों लगातार काम करोना।”

यूहन्ना 5:23

से लगिन जे लेखे आदमीमन आबा परमेश्‍वर के माइन देवैना, तइसनेहें मोके हों माइन देवोक। जे मोके माइन नी देवेला, उ आबा परमेश्‍वर के हों माइन नी देवेला, जे मोके भेइज हे।

यूहन्ना 6:69

आउर हमरे बिसवास करिला आउर जानिला कि परमेश्‍वर केर पवितर आदमी तोंय हें हेकिस।”

खास चेलामन केर काम 4:32

आउर चेला मनक इ दल में सोउबमन एक मन आउर एक प्राण रहैं। हिंयाँ तक कि केऊ हों अपन सम्पति के अपन नी कहात रहैं, जे कुछ उ मनक ठिना रहे, उकर में सोउब केर साझा रहे।

रोमानियनमन 15:13

मोंय प्रार्थना करोना कि परमेश्‍वर जे आसरा करेक केर सोता हेके, तोहरेमन के बिसवास करेक में सोउब रकम केर खुशी, आनंद आउर शांति से भरपूर करोक कि पवितर आत्मा केर शक्ति से तोहर आसरा बढ़ते जाओक।

रोमानियनमन 16:25

अब परमेश्‍वर केर स्तुति होवोक, जे तोहरेमन के बिसवास में मजबूत बनाएक पारेला, उ शुभ समाचार केर द्वारा आउर यीशु मसीह केर संदेश केर द्वारा जेके मोंय आदमीमन के बतावना। इ मसीह केर बारे में संदेश भेद केर गोइठ हेके, जे शुरु से लुकल रहे मगर अब दिस्तार होलक।

रोमानियनमन 2:4

का तोहरे परमेश्‍वर केर दया, आउर सहन करेक, आउर धीरज रुपी धन के तुच्छ जानाला? आउर का, इ नी बुझाला कि परमेश्‍वर केर दया तोहरेमन के पाप करेक के छोड़ेक ले सिखायला?

1 कुरिनथियनमन 14:31

तोहर में से हरेक झन परमेश्‍वर केर संदेश के परचार करेक पाराला, मगर एकेक झन पारी-पारी से, ताकि सोउब केऊ सिखबैं आउर मजबूत होबैं।

1 कुरिनथियनमन 2:12

इ दुनिया केर दोसर आदमीमन का सोचैना उके हमरे नी बुझिला, मगर परमेश्‍वर हमरे के अपन आत्मा देई हे जेकर से हमरे उ गोइठमन के जानेक पारब, जेके परमेश्‍वर हमरे के देई हे।

गलातियनमन 3:28

अब ना केऊ यहूदी रहलक आउर ना यूनानी, ना केऊ गुलाम, ना आजाद, ना केऊ नर आउर ना नारी, काले कि तोहरेमन सोउब मसीह यीशु में एक हेका।

इफिसियनमन 1:7

हमरे के परमेश्‍वर केर ढेइर किरपा से यीशु मसीह केर लोहू बहाएक केर चलते छुटकारा मिल हे, मतलब पापमन केर क्षमा मिल हे।

इफिसियनमन 3:16

मोंय प्रार्थना करोना कि उ अपन महिमा से भरल धन केर मोताबिक तोहरेमन के इ दान देवोक कि तोहरेमन उकर आत्मा से अपन भीतरे शक्ति पाय के बलवान होई जबा।

इफिसियनमन 3:3

मतलब परमेश्‍वर केर लुकल योजना जे ढेइर पहिले लुकल रहे, मगर परमेश्‍वर मोके देखालक। मोंय पहिलेहें इकर बारे में थोरे-थोरे लीख चुइक हों।

इफिसियनमन 6:22

उके मोंय तोहर ठिना इ लगिन भेइज हों कि तोहरेमन हमर दशा के जाना, आउर उ तोहरेमन केर मन के उत्साहित करोक।

फिलिप्पियनमन 2:1

अगर मसीह में तोहरेमन उत्साहित अहा, आउर उकर प्रेम से आराम पाय हा। अगर तोहरेमन पवितर आत्मा केर संगे जुड़ल अहा, आउर अगर मसीह तोहरेमन लगिन दया आउर माया से भरल अहे।

फिलिप्पियनमन 3:8

काले कि यीशु मसीह के जानेक बाकी सोउब चीजमन से किमती अहे, से लगिन मोंय सोउब चीजमन के बेकार समझोना। जेकर चलते मोंय सोउब चीजमन के छोइड़ देलों, आउर उमन के कचरा समझोना, जेकर से मोंय मसीह के जानमूँ।

कुलुसियनमन 1:26

मतलब उ लुकल गोइठ के जे ढेइर समय से आउर उ पुरखामन से जेमन गुजइर गेलैं लुकल रहे, परमेश्‍वर अब उके अपन पवितर आदमीमन उपरे दिस्तार काइर हे।

कुलुसियनमन 1:27

काले कि परमेश्‍वर चाहत रहे कि उकर आदमीमन इ जाइन लेवोक कि मसीह केर धन आउर महिमा तोहरे परजाइत आदमीमन लगिन हों अहे। आउर उ भेद इ हेके कि मसीह जे महिमा केर आसरा हेके तोहरे में रहेला।

कुलुसियनमन 1:9

एहे लगिन हमरे हों जे दिन से इ सुइन ही, तोहर लगिन लगातार प्रार्थना आउर बिनती कराथी कि परमेश्‍वर केर आत्मा तोहरेमन के गेयान आउर समझ देवोक ताकि तोहरे उकर इच्छा के पूरा पुरी बुझेक पारबा।

कुलुसियनमन 2:19

आउर इ लेखे उ मसीह से जुड़ल रहेक नी पारेला, जे समूचा काया केर मूँड़ हेके। जे लेखे मूँड़ समूचा काया के चलायला ओहे लेखे मसीह अपन सोउब आदमीमन के चलायला ताकि उमन एके संगे रहबैं। जे लेखे काया केर सोउब जोड़मन आउर साँस लेवेक वाला अंगमन काया में जुड़ल रहेला आउर परमेश्‍वर बटले बढ़ते जायला।

कुलुसियनमन 3:14

सोउब से खास काम जेके तोहरे के करेक चाही, उ इ हेके कि एक दोसर से प्रेम करा। एइसन काइर के तोहरे समूचा रीति से एक मन होई जावा।

कुलुसियनमन 4:3

आउर इकर संगे हें संगे हमर लगिन हों प्रार्थना करते रहा कि परमेश्‍वर हमर लगिन बचन परचार करेक ले एइसन दुरा खोइल देवोक कि हमरे मसीह केर उ भेद केर बखाइन करेक पारब, जेकर चलते मोंय एखन जेहेल में अहों।

कुलुसियनमन 4:8

मोंय उके तोहर ठिना इ लगिन भेइज हों कि तोहरेमन के हमर दशा मालूम होई जाओक आउर उ तोहरे केर बिसवास के मजबूत करोक।

1थिस्सलुनीकियनमन 1:5

काले कि हमरे यीशु मसीह केर बारे में शुभ समाचार, तोहर ठिना बोली भइर से निहीं मगर पवितर आत्मा केर शक्ति से आउर बड़का भरसा केर संगे पोंहचाली। तोहरे जानाला कि जब हमरे तोहरे केर संग रही, तो तोहर भलाई केर लगिन कइसन जिंदगी बिताय रही।

1थिस्सलुनीकियनमन 3:2

आउर हमरे तीमुथियुस के जे मसीह केर शुभ समाचार में हमर भाई आउर परमेश्‍वर केर सेवक हेके तोहर ठिना भेजली, ताकि उ तोहरेमन के मसीह में पोक्ता बिसवास करेक लगिन सहायता करोक, आउर बिसवास में बनल रहेक लगिन तोहरे के समझाओक।

1थिस्सलुनीकियनमन 5:14

आउर हे भाईमन, हमरे तोहरेमन से अरजी करिला कि जेमन आलसी अहैं उमन के चेतावनी देवा, आउर उमन के उसकावा जेमन डरपोक अहैं, कमजोरमन केर सहायता करा, आउर सोउब कर लगिन सहेक वाला बना।

1 तीमुथियुस 3:16

आउर इकर में शंका नखे कि परमेश्‍वर जे शिक्षामन के खोइल देई हे, उ पूरा पुरी सच्चा अहे। मतलब, उ जे आदमी केर रूप में दिस्तार होलक, आउर उके पवितर आत्मा बटले परमेश्‍वर केर बेटा केर रूप में साबित करल गेलक, स्वरगदूतमन उके देखलैं, चेलामन दुनिया केर सोउब देस में उकर बारे में आदमीमन के खुश खबरी सुनालैं, दुनिया भइर केर आदमीमन उकर उपरे बिसवास करलैं, आउर परमेश्‍वर उके उपरे स्वरग में उठाय लेलक।

इब्रानीमन 10:22

तो आवा हमरे अपन मन के शुद्ध काइर के आउर मसीह केर लोहू के हिरदय में छिड़काय के, आउर सफा पानी से अपन काया के धोई के, सच्चा मन आउर पूरा बिसवास केर संगे परमेश्‍वर ठिना आवब।

इब्रानीमन 6:11

से लगिन तोहरे कड़ा मेहनइत करा आउर कोढ़िया ना होवा, तोहरे के धीरज आउर बिसवास केर साथ लगातार इ भला काममन के आखरी तक करते रहेक चाही। आउर परमेश्‍वर जे आशीषमन के देवेक लगिन करार काइर हे उके पावेक लगिन उकर उपरे पक्का आसरा करा।

2 पतरस 1:10

इ खातिर, बिसवासी भाईमन खुद के आउर दोसर आदमीमन के इ देखाएक लगिन आउर हें बेस ब्यवहार करेक केर कोशिश करा कि परमेश्‍वर हकीकत में तोहरे के चुइन हे, आउर अपन होवेक लगिन बोलाय हे। अगर तोहरे एइसन करबा तो सच में तोहरे परमेश्‍वर से अलग नी होबा।

2 पतरस 1:3

परमेश्‍वर अपन शक्ति से हमरे के उ सोउब कुछ के देई हे, जे हमरे के एइसन जिंदगी जियेक लगिन चाही जे परमेश्‍वर के खुश करेला। इ होवेक पराई काले कि हमरे परमेश्‍वर के जानिला आउर उ ओहे हेके, जे हमरे के अपन महिमा आउर भलाई से अपन आदमी होवेक लगिन बोलाय हे।

2 पतरस 3:18

मगर हमर प्रभु आउर छुटकारा देवाइया यीशु मसीह केर किरपा आउर गेयान में बढ़ते जावा। उकरे महिमा एखन हों होवोक, आउर युग-युग होते रहोक। आमीन।

1 यूहन्ना 3:19

जब हमरेमन दोसरमन से प्रेम करब तब हमरे जानब कि हमरेमन सच्चाई केर हेकी आउर अगर सचमुच में हमरे एक दोसर से प्रेम करिला तो हमरे चिंता नी करब, बल्कि हमरे परमेश्‍वर से प्रार्थना करब।

1 यूहन्ना 5:7

आउर पवितर आत्मा इ गवाही देवेला कि यीशु मसीह परमेश्‍वर केर बटले आलक काले कि पवितर आत्मा सोउब बेरा सच बोलेला।