खास चेलामन केर काम 4:3 - सादरी नवाँ नियम

³ तब उमन पतरस आउर यूहन्ना के धाइर के राइत भइर लगिन जेहेल घर में साइज देलैं, काले कि साँझ होई जाय रहे।

खास चेलामन केर काम 4:3 Iomraidhean Croise

मत्ती 4:12

जब यीशु इ सुनलक कि राजा हेरोदेस यूहन्ना के धरुवाय के जेहेल में भितरुवाय देलक, तो उ यहूदिया परदेस के छोइड़ के गलील परदेस केर नासरत नगर में घूइर आलक।

लूका 22:52

तब यीशु यहूदी मुध पुरोहितमन, यहूदी मनक मंदिर केर पहरादारमन केर सरदारमन आउर धरम केर अगुवामन से जेमन उके धारेक ले आय रहैं, कहलक, “का तोहरेमन मोके डाकू समइझ के धारेक लगिन तलवाइरमन आउर लाठीमन लेई के आय हा?

लूका 22:54

फिन उमन यीशु के धाइर के यहूदी महापुरोहित केर घर में लानलैं आउर पतरस यीशु केर पिछे थोरेक दूरी बनाय के उकर पिछे-पिछे यहूदी महापुरोहित केर अंगना तक गेलक।

यूहन्ना 18:12

तब पलटनमन आउर उ मनक सूबेदारमन आउर यहूदी अगुवा मनक सिपाहीमन यीशु के धाइर के बाइंध लेलैं।

खास चेलामन केर काम 5:18

से लगिन उमन खास चेलामन के बंदी बनाय के जेहेल घर में साइज देलैं।

खास चेलामन केर काम 6:12

इ लेखे उमन आदमीमन के, धरम केर अगुवामन के आउर मूसा केर नियम के सिखाएक वालामन के भड़कालैं आउर उमन आय के स्तिफनुस के धारलैं आउर उके महासभा केर सामने लेई आनलैं।

खास चेलामन केर काम 8:3

शाऊल उ समय कलीसिया केर आदमीमन के सतात रहे। उ घर-घर ढूइक के बिसवासी मरदानामन आउर जनानामन के घिसराय-घिसराय के जेहेल घर में साइज देवत रहे।

खास चेलामन केर काम 9:2

आउर उकर से दमिश्क नगर केर यहूदी मनक प्रार्थना घरमन केर नाँव चिट्ठी माँगलक, जेकर में उके इ अधिकार देवल गेलक कि अगर हूवाँ प्रभु यीशु केर डहर में चलेक वाला मरदानामन चाहे जनानामन मिलबैं, तो उ उमन के बाइंध के यरुशलेम शहर लेई आवी।