खास चेलामन केर काम 4:1 - सादरी नवाँ नियम

¹ पतरस आउर यूहन्ना आदमीमन से इ कहते हें रहैं कि यहूदी पुरोहितमन, यहूदी मनक मंदिर केर सरदार आउर सदूकी दल केर आदमीमन उ मनक ठिना आय पोहोंचलैं।

खास चेलामन केर काम 4:1 Iomraidhean Croise

मत्ती 16:12

तब उमन बुइझ गेलैं कि यीशु रोटी केर खमीर के निहीं मगर फरीसी दल आउर सदूकी दल केर आदमीमन केर झूठा शिक्षा से सावधान रहेक ले कइह रहे।

मत्ती 22:16

से लगिन उमन अपन चेलामन के हेरोदेस राजा केर साथ देवेक वालामन केर संगे यीशु ठिना इ कइह के भेजलैं कि “हे गुरु, हमरे जानिला कि तोंय सोउब बेरा सच गोइठ के बताइसला आउर परमेश्‍वर केर डहर केर गोइठमन के सच्चाई से बताइसला। तोंय इ परवाह नी करिसला कि दोसरमन तोर गोइठ केर बारे में का सोचैना। तोंय सोउब केर संगे एके लेखे ब्यवहार करिसला।

मत्ती 27:20

एहे बेरा यहूदी मुध पुरोहितमन आउर धरम केर अगुवामन आदमीमन के बहकालैं कि उमन बरअब्बा के छोड़ेक लगिन आउर यीशु लगिन मौत केर सजा केर माँग करोक।

मत्ती 27:41

एहे लेखे यहूदी मुध पुरोहितमन, मूसा केर नियम के सिखाएक वालामन आउर यहूदी धरम केर अगुवामन हों सोउब मजाक काइर के कहत रहैं,

मत्ती 3:7

जब उ ढेइर फरीसी दल केर आदमीमन आउर सदूकी दल केर आदमीमन के बपतिस्मा जल संस्कार लेवेक लगिन अपन ठिना आवेक देखलक, तो उमन से कहलक, “हे जहरीला साँप नियर दुष्ट आदमीमन! तोहरेमन के केहर चेतालक कि आवेक वाला परमेश्‍वर केर सजा से भागा?

लूका 20:1

एक दिन यीशु यहूदी मनक मंदिर में आदमीमन के उपदेस देवत रहे आउर शुभ समाचार सुनात रहे, सेहे बेरा धरम केर अगुवामन केर संगे यहूदी मुध पुरोहितमन आउर मूसा केर नियम के सिखाएक वालामन यीशु ठिना आय के ठड़ाय गेलैं।

लूका 22:4

उ यहूदी मुध पुरोहितमन आउर यहूदी मनक मंदिर केर पहरादारमन केर मुखियामन ठिना जाय के उ मनक संगे गोइठ-बात करलक कि उके का लेखे उ मनक हाँथ में धरुवाई।

यूहन्ना 15:20

जे गोइठ मोंय तोहरेमन के बताय रहों, उके याइद करा। धांगर अपन मालिक से बाड़ नी होवेला, अगर उमन मोके, जे मालिक हेकों सतालैं, तो तोहरेमन के हों सताबैं। अगर उमन मोर बचन के माइन हैं, तो तोहर बचन के हों मानबैं।

यूहन्ना 18:3

तब यहूदा पलटनमन के आउर यहूदी मुध पुरोहितमन आउर फरीसी दल केर आदमीमन बटले भेजल सिपाहीमन के लेई के हूवाँ आलक। उ मनक हाँथ में दीया, मशाल आउर हँथियारमन रहे।

खास चेलामन केर काम 4:6

उ सभा में यहूदी महापुरोहित हन्ना, काइफा, यूहन्ना, सिकंदर आउर दोसर सोउबमन हों जेमन महापुरोहित केर घराना केर रहैं, सोउबमन यरुशलेम में जमा होलैं।

खास चेलामन केर काम 5:17

इ सोउब देइख के यहूदी महापुरोहित आउर उकर सोउब संगमन, मतलब सदूकी दल केर आदमीमन खास चेलामन से हिसिंगा करेक लगलैं।

खास चेलामन केर काम 5:24

इ खबर सुइन के यहूदी मनक मंदिर केर पहरादारमन केर सरदार आउर यहूदी मुध पुरोहितमन चिंता में पाइड़ गेलैं कि इ घटना केर का परिणाम होवी।

खास चेलामन केर काम 5:26

जब उमन इ खबर सुनलैं तब यहूदी मनक मंदिर केर पहरादारमन केर सरदार, पहरादारमन केर संगे हूवाँ जाय के खास चेलामन के महासभा में लेई आलक। मगर उमन के जबरजस्ती नी लानलैं, काले कि उमन आदमीमन से डरात रहैं कि उमन हमरे के पखना से माइर-माइर के मोराय देबैं।

खास चेलामन केर काम 6:12

इ लेखे उमन आदमीमन के, धरम केर अगुवामन के आउर मूसा केर नियम के सिखाएक वालामन के भड़कालैं आउर उमन आय के स्तिफनुस के धारलैं आउर उके महासभा केर सामने लेई आनलैं।

खास चेलामन केर काम 6:7

आउर परमेश्‍वर केर बचन फैलते गेलक आउर यरुशलेम शहर में चेलामन केर गिनती बढ़ते गेलक आउर कायनों झन यहूदी पुरोहितमन हों यीशु मसीह केर उपरे बिसवास केर इ संदेश के मानलैं।