खास चेलामन केर काम 3:2 - सादरी नवाँ नियम

² आउर आदमीमन एगो जनम से लंगड़ा आदमी के रोज दिन यहूदी मनक मंदिर केर फाटक ठिना जे सुन्दर कहायला लाइन के बइठाय देवत रहैं, ताकि उ मंदिर में जाएक वाला आदमीमन से भीख माँगोक।

खास चेलामन केर काम 3:2 Iomraidhean Croise

लूका 16:20

आउर लाजर नाँव केर एगो गरीब आउर घावाहा आदमी रहे, उके आदमीमन रोज दिन उकर घर केर फाटक ठिना छोइड़ देवत रहैं।

लूका 18:35

जब यीशु आउर उकर चेलामन यरीहो शहर केर भीरे पोहोंचलैं, तो हूवाँ एगो अंधरा आदमी सड़क केर किनारे बाइठ के भीख माँगत रहे।

यूहन्ना 9:8

तब पड़ोसीमन आउर उ आदमीमन जेमन आगे उके भीख माँगते देइख रहैं, कहेक लगलैं, “का इ ओहे ना लगे, जे बाइठ के भीख माँगत रहे?”

खास चेलामन केर काम 10:31

आउर कहेक लगलक, ‘हे कुरनेलियुस! तोर प्रार्थना आउर तोर देवल दान परमेश्‍वर ठिना पोंहइच जाय हे, परमेश्‍वर तोके याइद काइर हे।

खास चेलामन केर काम 10:4

कुरनेलियुस स्वरगदूत के धेयान से देखलक आउर डराय के उकर से कहलक, “हे प्रभु! का हेके” स्वरगदूत उके जबाब देलक, “तोर प्रार्थना आउर तोर देवल दान परमेश्‍वर केर सामने पोंहइच हे, आउर उ तोके याइद काइर हे।

खास चेलामन केर काम 14:8

लुस्त्रा नगर में एगो आदमी बइठल रहे, जे जनम से हें लंगड़ा रहे आउर कहियो चलेक-फिरेक नी पाइर रहे।

खास चेलामन केर काम 3:10

आउर उके चीन्ह लेलैं कि इ ओहे लंगड़ा भिखारी हेके, जे यहूदी मनक मंदिर केर सुन्दर नाँव केर फाटक में बाइठ के भीख माँगत रहे आउर उ घटना से जे उकर संगे होई रहे, उमन ढेइर अचरज आउर ताजुब होई गेलैं।

खास चेलामन केर काम 4:22

काले कि जे आदमी चमत्कारी रूप से ठीक होई रहे, उ चालीस बरिस से उपरे केर रहे।