खास चेलामन केर काम 26:3 - सादरी नवाँ नियम

³ खास रूप से इ लगिन कि तोंय यहूदीमन केर सोउब नियममन के आउर समस्यामन के जानिसला। से लगिन मोंय तोर से बिनती कराथों कि मोर गोइठमन के धीरज धाइर के सुनबे।

खास चेलामन केर काम 26:3 Iomraidhean Croise

खास चेलामन केर काम 21:21

यहूदी बिसवासी आदमीमन के तोर बारे में बताल जाय हे कि तोंय परजाइत आदमीमन केर माझे रहेक वाला यहूदी आदमीमन के मूसा केर नियम के मानेक छोइड़ देवेक केर बारे में सिखाइसला, आउर कहिसला कि उमन ना अपन छउवामन केर खतना करोक आउर ना यहूदी रीति-रिवाज के मानोक।

खास चेलामन केर काम 24:10

राजपाल फेलिक्स पौलुस के कहेक लगिन इशारा करलक, तो पौलुस जबाब देवेक लगलक, “मोंय इ जाइन के खुशी से अपन बचाव लगिन जबाब देवाथों कि तोंय ढेइर बरिस से इ परदेस केर आदमीमन केर फैसला करते आवाथिस।

खास चेलामन केर काम 24:4

मोंय तोर से बगरा समय लेवेक नी चाहोना। मोंय तोर से बिनती कराथों कि तोंय हमर एक दूई गो गोइठमन के सुइन ले।

खास चेलामन केर काम 25:26

मगर उकर बारे में कोनों गोइठ नी पालों जेके मोंय महाराजा केर सेवा में लिखमूँ, एहे कारण अहे कि मोंय इके तोहर सामने खास काइर के, हे राजा अग्रिप्पा, तोर सामने लाइन हों। जेकर से सोउब जाँच पूरा होवेक केर पाछे मोके महाराजा केर सेवा में लिखेक लगिन कोनों सबूत मिल जाओक।

खास चेलामन केर काम 26:2

“हे राजा अग्रिप्पा, यहूदी अगुवामन जेतना गोइठमन केर उपरे दोष लगाय हैं, आइज तोर सामने उ मनक जबाब देवेक में मोंय खुद के धाइन समझोना।

खास चेलामन केर काम 26:26

राजा के इ गोइठमन केर बारे में पता अहे, से लगिन मोंय बिसवास केर साथ इ गोइठमन के उकर सामने कहाथों, मोके पक्का बिसवास अहे कि इ गोइठमन उकर लगिन नवाँ नखे काले कि इ घटना छिप के नी होई हे।

खास चेलामन केर काम 26:7

इ ओहे करार हेके, जेकर पूरा होवेक केर आसरा में हमर बारहों गोतर केर आदमीमन दिन राइत पूरा सच्चाई केर साथ परमेश्‍वर केर भक्ति करते आवाथैं। हे राजा, एहे आसरा केर चलते यहूदी अगुवामन मोर उपरे दोष लगाथैं।”

खास चेलामन केर काम 28:17

तीन दिन केर पाछे पौलुस यहूदी अगुवामन केर एक सभा बोलालक। जब उमन जमा होलैं तो पौलुस उमन से कहलक, “हे भाईमन, मोंय ना तो अपन आदमीमन केर बिरोध में गुन्हा काइर हों आउर ना हमर पुरखामन केर नियम केर बिरोध में गुन्हा काइर हों, फिन भी मोके यरुशलेम शहर में बंधुवा बनाय के रोम देस केर सरकार केर हाँथ में जिम्मा देवल गेलक।

खास चेलामन केर काम 6:14

काले कि हमरे इके इ कहते सुइन ही कि यीशु नासरी इ मंदिर के गिराई देई आउर उ सोउब नियममन के बदइल देई, जेके मूसा हमरे के देई हे।”

1 कुरिनथियनमन 13:2

आउर अगर मोंय परमेश्‍वर केर संदेश के परचार करमूँ, आउर सोउब भेदमन आउर सोउब रकम केर गेयान के समझमूँ, आउर मोर ठिना परमेश्‍वर उपरे एतना मजबूत बिसवास अहे कि मोंय पहारमन के हों हटाएक पारमूँ, मगर प्रेम नी करमूँ, तो बिलकुल मोर कोनों कीमत नखे।