खास चेलामन केर काम 2:3 - सादरी नवाँ नियम

³ तब उमन केर सामने एइसन आइग दिस्तार होलक जे जीभ नियर रहे। आउर उ अलग होई के उमन में से हरेक झन में आय के ठहइर गेलक।

खास चेलामन केर काम 2:3 Iomraidhean Croise

मत्ती 3:11

मोंय तो पानी से तोहरेमन के पाप करेक छोड़ेक केर बपतिस्मा जल संस्कार देवोना, मगर जे मोर पाछे आवेक वाला अहे, उ मोर से शक्तिशाली अहे, मोंय उकर जूता उठाएक केर लाएक हों नखों। उ तोहरेमन के पवितर आत्मा आउर आइग से बपतिस्मा देवी।

मत्ती 3:15

यीशु उके इ जबाब देलक, “एखन तो एइसनेहें होवेक दे, काले कि हमरे के एहे लेखे से परमेश्‍वर केर सोउब इच्छा के पूरा करेक उचित अहे।” तब यूहन्ना उकर गोइठ के माइन लेलक।

लूका 24:32

उमन एक-दोसर से कहलैं, “जब उ डहर में हमर से गोठियात रहे आउर पवितर किताब केर मतलब हमरे के समझात रहे, तो का हमर मन में उमीद नी जाइग रहे?”

खास चेलामन केर काम 1:15

ओहे दिनमन में जब लगभग एक सौ बीस बिसवासी भाई-बहिनमन जमा होई रहैं, तब पतरस उमन केर माझे ठड़ाय के कहेक लगलक,

खास चेलामन केर काम 2:11

मतलब यहूदी आउर यहूदी धरम के मानेक वाला, क्रेते टापू केर रहेक वाला आउर अरब देस केर आदमीमन हमरे सोउब अपन-अपन भाषा में इमन के परमेश्‍वर केर बड़का-बड़का काममन केर बारे में गोठियाते सुनाथी।”

खास चेलामन केर काम 2:2

अचका आकाश से बड़का आँधी जइसन सनसनाहट केर आवाज सुनालक आउर पूरा घर जहाँ उमन बइठल रहैं, गुइंज गेलक।

खास चेलामन केर काम 2:4

आउर उमन सोउब पवितर आत्मा से भाइर गेलैं, आउर पवितर आत्मा, जइसन उमन के बोलेक केर बरदान देलक तइसन उमन दोसर-दोसर भाषा में गोठियाएक लगलैं।

1 कुरिनथियनमन 12:10

ओहे आत्मा एक आदमी के चमत्कार काम करेक केर बरदान देवेला, तो दोसर आदमी के ओहे आत्मा परमेश्‍वर केर संदेश के असरदार तरीका से बोलेक केर बरदान देवेला, आउर दोसर आदमी के आत्मामन के परखेक केर बरदान देवेला। एक आदमी के ओहे आत्मा दोसर-दोसर भाषा में गोठियाएक केर बरदान देवेला जे भाषा के पढ़ल नी जायला, आउर दोसर आदमी के ओहे आत्मा इ भाषामन केर मतलब बताएक केर बरदान देवेला।

याकूब 3:6

जीभ हों एगो आइग नियर अहे। उ हमर काया केर छोटेसन अंग हेके, जेकर में दुनिया भइर केर बुराई अहे आउर उ आदमी केर पूरा काया उपरे दाग लगाय के उकर पूरा जिंदगी में आइग लगाय देवेला आउर खुद नरक केर आइग में पोड़ते रहेला।

प्रकाशितवाक्य 11:3

मोंय अपन दूई गो गवाहमन के इ अधिकार देमूँ कि एक हजार दूई सौ साठ दिन तक भविष्यवाणी करोक। उमन एक एइसन लुगा के पिंधल होबैं, जेके दुःख देखाएक लगिन पिंधल जायला।”

प्रकाशितवाक्य 14:6

फिन मोंय एक आउर स्वरगदूत के आकाश केर माझे में उड़ते देखलों, जेकर ठिना धरती केर रहेक वाला आदमीमन केर हर एक जाइत, गोतर, भाषा आउर आदमीमन के सुनाएक लगिन जुग-जुग केर शुभ समाचार रहे।