खास चेलामन केर काम 1:8 - सादरी नवाँ नियम

⁸ मगर जब पवितर आत्मा तोहर उपरे आवी तब तोहरेमन शक्ति पाबा, आउर यरुशलेम शहर आउर गोटा यहूदिया आउर सामरिया परदेस में, आउर धरती केर आखरी छोर तक सोउब आदमीमन के मोर बारे में गवाही देबा।”

खास चेलामन केर काम 1:8 Iomraidhean Croise

मत्ती 24:14

आउर परमेश्‍वर केर राइज केर शुभ समाचार गोटा दुनिया में परचार करल जाई, ताकि सोउब जाइत केर आदमीमन के यीशु के ग्रहण करेक केर मोका मिली, तब इकर पाछे दुनिया केर अंत होई जाई।

मत्ती 28:19

से लगिन तोहरेमन जाय के सोउब जाइत केर आदमीमन के चेला बनावा आउर उमन के एगो चिन्हा केर रूप में आबा, आउर बेटा, आउर पवितर आत्मा केर नाँव से बपतिस्मा जल संस्कार देवा,

मरकुस 16:15

तब यीशु उमन से कहलक, “तोहरेमन समूचा दुनिया में जावा आउर सोउब आदमीमन के इ शुभ समाचार के सुनावा।

लूका 1:35

स्वरगदूत उके जबाब देलक, “पवितर आत्मा तोर उपरे उतरी, आउर परमप्रधान केर शक्ति तोर उपरे छाँई करी। से लगिन तोर से जे बेटा जनमी, उ पवितर होवी आउर परमेश्‍वर केर बेटा कहाई।

लूका 10:19

देखा, मोंय तोहरेमन के साँपमन आउर बिच्छूमन के रौंदेक केर, आउर शैतान जे तोहर दुश्मन हेके, उकर सोउब शक्ति केर उपरे अधिकार देई हों, आउर कोनोवें चीज से तोहर कोनों नोकसान नी होवी।

लूका 24:29

मगर उमन इ कइह के उके रोकलैं “साँझ होई जाथे आउर बेरा हों ढेइर बीत जाहे, से लगिन तोंय हमर संगे रइह जा।” तब यीशु उ मनक संगे रहेक लगिन भीतरे गेलक।

यूहन्ना 15:27

आउर तोहरेमन दुनिया केर आदमीमन के मोर बारे में बताबा, काले कि तोहरेमन शुरु से मोर संगे अहा।”

खास चेलामन केर काम 1:22

मतलब यीशु मसीह के यूहन्ना से बपतिस्मा जल संस्कार लेवेक से लेई के, उके स्वरग में उठाय लेवल जाएक तक इ आदमी हमरे केर संगे प्रभु यीशु केर जी उठेक केर गवाह बनोक।”

खास चेलामन केर काम 1:5

काले कि यूहन्ना तो पानी में बपतिस्मा जल संस्कार देई हे मगर थोरेक दिनमन केर पाछे परमेश्‍वर तोहरे के पवितर आत्मा से बपतिस्मा संस्कार देवी।”

खास चेलामन केर काम 13:31

आउर यीशु मसीह ढेइर दिन तक अपन उ चेलामन के देखाई देते रहलक, जेमन उकर संगे गलील परदेस से यरुशलेम शहर आय रहैं। अब ओहेमन आदमीमन केर सामने उकर गवाह हेकैं।

खास चेलामन केर काम 2:32

परमेश्‍वर एहे यीशु के फिन से जियालक। हमरे सोउब इ गोइठ केर गवाह हेकी।

खास चेलामन केर काम 22:15

काले कि तोके परमेश्‍वर बटे से सोउब आदमीमन केर सामने उ गोइठमन केर गवाही देवेक अहे, जेके तोंय देखले आउर सुइन हिस।

खास चेलामन केर काम 3:15

आउर तोहरे उके जे आदमीमन के जुग-जुग केर जिंदगी देवेला माइर मोराला, जेके परमेश्‍वर मुरदा में से फिन जियालक, आउर इ गोइठ केर हमरे गवाह हेकी।

खास चेलामन केर काम 4:33

आउर खास चेलामन समूचा शक्ति से प्रभु यीशु केर फिन से जी उठेक केर गवाही देवत रहैं आउर उ सोउब केर उपरे परमेश्‍वर केर बड़का किरपा रहे।

खास चेलामन केर काम 5:32

आउर हमरे इ गोइठमन केर गवाह हेकी, आउर पवितर आत्मा हों गवाह हेके, जेके परमेश्‍वर उ आदमीमन के देई हे, जेमन उकर आगया के मानैना।”

खास चेलामन केर काम 6:8

स्तिफनुस, जे उ सातों चुनल मरदानामन में से एगो रहे, परमेश्‍वर केर किरपा आउर शक्ति से भाइर के आदमीमन के बड़का-बड़का चमत्कार काम आउर चिन्हा देखात रहे।

खास चेलामन केर काम 8:1

स्तिफनुस के माइर मोराएक में शाऊल हों पूरा-पुरी राजी रहे। ओहे दिन से यरुशलेम शहर में कलीसिया केर आदमीमन उपरे ढेइर सताव शुरु होई गेलक। आउर यीशु केर खास चेलामन के छोइड़ के सोउब बिसवासी आदमीमन यहूदिया आउर सामरिया परदेस में तितिर-बितिर होई गेलैं।

रोमानियनमन 10:18

मगर मोंय कहोना, इसराइलीमन जरूर हें यीशु मसीह केर संदेश के सुइन हैं, काले कि पवितर किताब में लिखल अहे, “उकर संदेश आउर बचन धरती केर सोउब आदमीमन ठिना आउर सोउब ठाँव में पोंहचाल गेलक।”

रोमानियनमन 15:19

मोके पवितर आत्मा बटले शक्ति देवल गेलक जेकर से मोंय शक्तिशाली चिन्हामन आउर चमत्कार काममन के करलों। से लगिन मोंय यरुशलेम शहर से लेई के इल्‍लुरिकुम परदेस केर आसे-पासे जहाँव कहों रहलों, मोंय सोउब आदमीमन के यीशु मसीह केर बारे में शुभ समाचार केर परचार करलों।

कुलुसियनमन 1:23

अगर तोहरेमन केर बिसवास यीशु मसीह उपरे पोक्ता बनल रही, उ घर केर जइसन जे एगो मजबूत नेव केर उपरे खड़ा रहेला, आउर उ आसरा के नी छोड़बा जे शुभ समाचार उपरे बिसवास करेक से तोहरे के मिल हे, जेकर परचार आकाश केर हेंठे गोटा दुनिया में सोउब मनवा केर माझे करल जाय हे, आउर मोंय पौलुस ओहे शुभ समाचार केर परचार करोना।