खास चेलामन केर काम 1:5 - सादरी नवाँ नियम

⁵ काले कि यूहन्ना तो पानी में बपतिस्मा जल संस्कार देई हे मगर थोरेक दिनमन केर पाछे परमेश्‍वर तोहरे के पवितर आत्मा से बपतिस्मा संस्कार देवी।”

खास चेलामन केर काम 1:5 Iomraidhean Croise

मत्ती 3:11

मोंय तो पानी से तोहरेमन के पाप करेक छोड़ेक केर बपतिस्मा जल संस्कार देवोना, मगर जे मोर पाछे आवेक वाला अहे, उ मोर से शक्तिशाली अहे, मोंय उकर जूता उठाएक केर लाएक हों नखों। उ तोहरेमन के पवितर आत्मा आउर आइग से बपतिस्मा देवी।

मत्ती 3:6

आउर अपन-अपन पापमन के माइन के यरदन नदी में उकर से बपतिस्मा जल संस्कार लेलैं।

मरकुस 1:8

मोंय तो तोहरेमन के सिरिफ पानी से बपतिस्मा जल संस्कार देई हों, लेकिन उ तोहरेमन के पवितर आत्मा से बपतिस्मा देवी।”

लूका 3:16

तब यूहन्ना उ सोउब आदमीमन से कहलक, “मोंय तो तोहरेमन के पानी से बपतिस्मा जल संस्कार देवोना, मगर उ आवेक वाला अहे, जे मोर से शक्तिशाली अहे, मोंय तो उकर जूता केर बाँधल के खोलेक लायक हों नखों, उ तोहरेमन के पवितर आत्मा आउर आइग से बपतिस्मा देवी।

यूहन्ना 1:26

यूहन्ना उमन के जबाब देलक, “मोंय तो पानी में बपतिस्मा जल संस्कार देवोना, मगर तोहरेमन केर माझे एगो आदमी ठड़ाल अहे, जेके तोहरेमन नी जानाला।

यूहन्ना 1:31

मोंय हों उके नी चिन्हत रहों कि उ मसीह हेके, से लगिन इसराइली आदमीमन के इ बताएक लगिन कि उ के हेके, मोंय पानी में बपतिस्मा जल संस्कार देते आलों।”

यूहन्ना 1:33

मोंय हों उके नी चिन्हत रहों कि उ मसीह हेके, मगर जे मोके पानी में बपतिस्मा जल संस्कार देवेक लगिन भेजलक, ओहे मोर से कहलक, ‘जेकर उपरे तोंय पवितर आत्मा के उतरते आउर उकर में रुकते देखबे, ओहे पवितर आत्मा से बपतिस्मा देवेक वाला हेके।’

खास चेलामन केर काम 10:45

आउर पतरस केर संगे आवल यहूदी बिसवासीमन इ देइख के ताजुब होलैं कि परजाइत आदमीमन के हों पवितर आत्मा केर दान देवल जाय हे।

खास चेलामन केर काम 19:4

पौलुस कहलक, “यूहन्ना उ आदमीमन के बपतिस्मा जल संस्कार देलक, जेमन पाप करेक छोइड़ देलैं आउर परमेश्‍वर बटे आय गेलैं। मगर यूहन्ना आदमीमन से कहलक कि यीशु केर उपरे बिसवास करा, उ मोर पाछे आवेक वाला अहे, आउर उ मसीह हेके।”

1 कुरिनथियनमन 12:13

काले कि हमरे सोउब चाहे यहूदी हेकी, चाहे यूनानी, चाहे धांगर, चाहे आजाद अही, हमरे एक हें आत्मा केर द्वारा एक काया होवेक लगिन बपतिस्मा जल संस्कार लेई ही, आउर हमरे सोउब एक हें आत्मा पाय ही।

तीतुस 3:5

आउर हमरे के हमर पाप केर दंड से बचालक, आउर इ धरम केर काममन केर चलते निहीं, जे हमरे खुद करली, मगर अपन दया केर चलते हमरे उपरे किरपा करलक, आउर परमेश्‍वर हमरे के अपन पवितर आत्मा देई के बचालक, जे हमरे केर पापमन के धोई देलक आउर नवाँ जिंदगी आउर नवाँ स्वभाव देलक।