खास चेलामन केर काम 1:2 - सादरी नवाँ नियम

² जे दिन उ परमेश्‍वर बटले स्वरग में उठाय लेवल गेलक, उकर से पहिले उ अपन खास चेलामन के, जेके उ खुद चुइन रहे, पवितर आत्मा केर मदइत से आगया देलक।

खास चेलामन केर काम 1:2 Iomraidhean Croise

मत्ती 12:28

आउर अगर मोंय परमेश्‍वर केर आत्मा केर मदइत से भूतमन के निकलावना, तो परमेश्‍वर केर राइज तोहर भीरे आय पोंहइच हे।

मत्ती 3:16

आउर यीशु बपतिस्मा जल संस्कार लेई के तुरते पानी में से उपरे आलक, आउर उकर लगिन स्वरग खुइल गेलक, आउर उ परमेश्‍वर केर आत्मा के पेरवाँ केर रूप में उतरते आउर अपन उपरे आते देखलक।

मरकुस 6:30

जे खास चेलामन के यीशु भेइज रहे, उमन जब घूइर आय के यीशु केर चाइरो बटे जमा होलैं, तब जे-जे काम उमन काइर रहैं आउर आदमीमन के जे सिखाय रहैं, उ सोउब के यीशु के बतालैं।

लूका 24:51

आशीष देते-देते उ उमन से जुदा होई गेलक आउर स्वरग में उठाय लेवल गेलक।

लूका 9:51

जब यीशु के उपरे उठाय जाएक केर दिन भीरे आलक, तो उ यरुशलेम शहर जाएक लगिन ठाइन लेलक।

यूहन्ना 1:16

काले कि उकर भरपूरी में से हमरे आशीष उपरे आशीष पाली।

यूहन्ना 13:1

यहूदी मनक फसह परब से आगे हें यीशु जाइन गेलक कि उकर लगिन इ दुनिया के छोइड़ के अपन आबा परमेश्‍वर ठिना घूइर जाएक केर बेरा आय पोंहइच हे। से लगिन अपन आदमीमन से, जे इ दुनिया में रहैं, जेमन से उ प्रेम करत रहे आखरी समय तक प्रेम करलक।

यूहन्ना 13:18

मोंय तोहरे सोउब केर बारे में इ नी कहाथों। मोंय जानोना कि मोंय कोन आदमीमन के चुइन हों, मगर इ गोइठ इ लगिन होवाथे कि पवितर किताब में लिखल इ बचन पूरा होई जाओक, ‘जे मोर संगे खालक, ओहे मोर बिरोध में उठलक।’

यूहन्ना 13:3

यीशु इ जानत रहे कि आबा परमेश्‍वर सोउब कुछ उकर हाँथ में देई दे हे आउर एहो जानत रहे कि उ परमेश्‍वर ठिना से आय हे आउर परमेश्‍वर ठिना जाथे।

यूहन्ना 16:28

मोंय आबा परमेश्‍वर केर बटे से इ दुनिया में आय हों। आउर अब मोंय फिन इ दुनिया के छोइड़ के आबा परमेश्‍वर ठिना जाथों।”

यूहन्ना 17:13

मगर अब मोंय तोर ठिना आवाथों, आउर इ गोइठमन के दुनिया में रहते कहाथों। जेकर से उ मनक मन मोर खुशी से भाइर जाओक।

यूहन्ना 20:17

यीशु उकर से कहलक, “मोके धाइर के ना रोक काले कि मोंय एखन तक आबा परमेश्‍वर ठिना स्वरग नी जाय हों। मगर तोंय मोर चेलामन ठिना जा, आउर उमन से इ कहबे कि मोंय अपन आबा, आउर तोहर आबा, आउर अपन परमेश्‍वर आउर तोहर परमेश्‍वर ठिना स्वरग जाथों।”

यूहन्ना 20:21

यीशु उमन से फिन कहलक, “तोहरेमन के शांति मिलोक! जे लेखे आबा परमेश्‍वर मोके दुनिया में आदमीमन केर माझे भेइज हे, सेहे लेखे मोंय हों तोहरेमन के दुनिया केर आदमीमन केर माझे भेजाथों।”

यूहन्ना 3:34

परमेश्‍वर जे आदमी के भेइज हे, उ आदमी परमेश्‍वर केर हें गोइठ के बतायला, काले कि परमेश्‍वर पवितर आत्मा के नाइप-नाइप के नी देवेला, मगर उ भरपूरी से देवेला।

यूहन्ना 6:62

जब तोहरेमन मोंय आदमी केर बेटा के स्वरग जाते देखबा जहाँ उ आगे रहे, तो तोहरेमन का कहबा?

यूहन्ना 6:70

यीशु उमन के जबाब देलक, “का मोंय तोहरे बारहों झन के नी चुइन हों? फिन भी तोहर में से एगो शैतान केर कब्जा में अहे।”

खास चेलामन केर काम 1:11

आउर उमन से कहलैं, “हे गलील परदेस केर आदमीमन, तोहरे काले ठड़ाय के आकाश बटे देखाथा? एहे यीशु, जेके परमेश्‍वर तोहर ठिना से स्वरग में उठाय लेलक, ठीक एहे लेखे दोबारा आवी, जे लेखे तोहरे उके स्वरग में जाते देखला।”

खास चेलामन केर काम 1:13

शहर में पोंहइच के उमन घर केर उपरे कोठरी में गेलैं, जहाँ उमन रूइक रहैं। हूवाँ पतरस, यूहन्ना, याकूब, अन्द्रियास, फिलिप्पुस, थोमा बरतुल्मै, मत्ती आउर हलफई केर बेटा याकूब, सिमोन जेलोतेस आउर याकूब केर बेटा यहूदा रहे।

खास चेलामन केर काम 1:22

मतलब यीशु मसीह के यूहन्ना से बपतिस्मा जल संस्कार लेवेक से लेई के, उके स्वरग में उठाय लेवल जाएक तक इ आदमी हमरे केर संगे प्रभु यीशु केर जी उठेक केर गवाह बनोक।”

खास चेलामन केर काम 1:9

इ सोउब कहेक केर पाछे परमेश्‍वर यीशु के उ मनक देखते-देखते स्वरग में उठाय लेलक आउर बदरी केर चलते उमन उके आउर देखेक नी पारलैं।

खास चेलामन केर काम 10:38

परमेश्‍वर ओहे यीशु के जे नासरत नगर केर रहेक वाला रहे, पवितर आत्मा आउर शक्ति से अभिषेक करलक आउर उ चाइरो बटे घुइम-घुइम के आदमीमन केर भलाई करते रहलक, आउर शैतान केर सताल आदमीमन के ठीक करते रहलक, काले कि परमेश्‍वर उकर संगे रहे।

गलातियनमन 1:1

मोंय पौलुस जे यीशु केर चुनल खास चेला हेकों आउर इ चिट्ठी के लिखाथों। मोंय केऊ आदमी चाहे आदमीमन केर दल से चुनल नी जाय हों, मगर मोंय हमर प्रभु यीशु मसीह आउर आबा परमेश्‍वर बटले चुनल जाय हों, जे यीशु के मुरदा में से जियालक।

इफिसियनमन 2:20

आउर यीशु केर चुनल खास चेलामन आउर परमेश्‍वर केर संदेश के बताएक वालामन केर नेव उपरे एगो घर नियर बनाल जाय हा, जेकर कोना केर पखना मसीह यीशु खुद हें हेके।

1 तीमुथियुस 3:16

आउर इकर में शंका नखे कि परमेश्‍वर जे शिक्षामन के खोइल देई हे, उ पूरा पुरी सच्चा अहे। मतलब, उ जे आदमी केर रूप में दिस्तार होलक, आउर उके पवितर आत्मा बटले परमेश्‍वर केर बेटा केर रूप में साबित करल गेलक, स्वरगदूतमन उके देखलैं, चेलामन दुनिया केर सोउब देस में उकर बारे में आदमीमन के खुश खबरी सुनालैं, दुनिया भइर केर आदमीमन उकर उपरे बिसवास करलैं, आउर परमेश्‍वर उके उपरे स्वरग में उठाय लेलक।

इब्रानीमन 9:24

काले कि मसीह आदमी केर बनाल पवितर ठाँव में नी ढूकलक, जे सिरिफ सच्चा पवितर ठाँव केर नमूना हेके, मगर उ हमरे केर फायदा लगिन स्वरग में हें ढूकलक, ताकि हमर लगिन अब परमेश्‍वर केर सामने ठड़ाओक।

1 पतरस 3:22

आउर उ स्वरग में चाइल गेलक। अब उ हूवाँ परमेश्‍वर केर भतखाइया आरा खास ठाँव में अहे, आउर उ सोउब स्वरगदूतमन आउर सोउब अधिकारीमन आउर शक्तिमन उपरे राइज करेला।

2 पतरस 3:2

मोंय एइसन इ लगिन कराथों, काले कि मोंय चाहोना कि तोहरे उ बचनमन के याइद रखा, जे परमेश्‍वर केर संदेश के बताएक वालामन ढेइर पहिले कइह रहैं, आउर हमर छुटकारा देवाइया आउर हमर प्रभु यीशु मसीह केर आगयामन के याइद रखा, जेके तोहरे के चुनल खास चेलामन सिखाय रहैं।

प्रकाशितवाक्य 1:1

इ प्रकाशितवाक्य यीशु मसीह केर बटले अहे, जेके परमेश्‍वर उकर उपरे इ लगिन दिस्तार काइर हे कि उ अपन सेवकमन के, उ गोइठमन के जे जरूर हें जल्दी होवेक वाला अहे, देखाओक। यीशु मसीह अपन स्वरगदूत के भेइज के उकर जरिया से, इ प्रकाशन के अपन सेवक यूहन्ना के बतालक।

प्रकाशितवाक्य 2:11

जेमन केर कान अहे, उमन धेयान से सुइन लेवा कि पवितर आत्मा कलीसिया केर आदमीमन से का कहेला: जे जीत जाई, उके दूसरा मरण से कोनों हानि नी होवी।

प्रकाशितवाक्य 2:17

जेमन केर कान अहे, उमन धेयान से सुइन लेवा कि पवितर आत्मा कलीसिया केर आदमीमन से का कहेला: जे जीत जाई, उके मोंय लुकल मन्ना में से देमूँ, आउर उके एगो चरका पखना हों देमूँ, आउर उ पखना में एगो नाँव लिखल होवी, जेके उके पावेक वालामन केर सिवाय आउर केऊ नी जानी।

प्रकाशितवाक्य 2:29

जेमन केर कान अहे, उमन सुइन लेवा कि पवितर आत्मा कलीसिया केर आदमीमन से का कहेला।

प्रकाशितवाक्य 2:7

जेमन केर कान अहे उमन धेयान से सुइन लेवा कि पवितर आत्मा कलीसिया केर आदमीमन से का कहेला। जे जीत जाई, उके मोंय उ जिंदगी केर गाँछ में से जे परमेश्‍वर केर स्वरग लोक में अहे, खाएक लगिन फार देमूँ।

प्रकाशितवाक्य 21:14

नगर केर घेरा केर बारह गो नेव रहे, आउर उ मनक उपरे मेमना केर बारह खास चेलामन केर नाँव लिखल रहे।

प्रकाशितवाक्य 3:13

जेमन केर कान अहे, उमन धेयान से सुइन लेवा कि पवितर आत्मा कलीसिया केर आदमीमन से का कहेला।

प्रकाशितवाक्य 3:16

से, इ लगिन कि तोंय गुनगुना हेकिस, ना ठंढा अहिस आउर ना गरम, मोंय तोके अपन मुँह में से उलगेक वाला अहों।

प्रकाशितवाक्य 3:22

जेमन केर कान अहे, उमन धेयान से सुइन लेवा कि पवितर आत्मा कलीसिया केर आदमीमन से का कहेला।”