2 तीमुथियुस 4:8 - सादरी नवाँ नियम

⁸ प्रभु मोर लगिन स्वरग में इनाम राइख हे, काले कि मोंय धारमिकता केर जिंदगी जी के उके खुश काइर हों, इ इनाम के हमर प्रभु यीशु मसीह जब उ घूइर आवी तब मोके देवी, जे धरमी आउर फैसला करेक वाला हाकिम हेके। आउर ना सिरिफ मोके भइर इनाम देवी, मगर उ सोउबमन के हों देवी जेमन उकर घूइर आवेक केर बे सबरी से आसरा देखाथैं।

2 तीमुथियुस 4:8 Iomraidhean Croise

मत्ती 24:36

इ सोउब गोइठ कहिया आउर कोन बेरा पूरा होवी इकर बारे में केऊ हों नी जानैना, ना स्वरग केर दूतमन आउर ना मोंय परमेश्‍वर केर बेटा। मगर उ दिन आउर उ बेरा केर बारे में आबा हें जानेला।

मत्ती 7:22

जे दिन न्याय होवी, उ दिन ढेइर आदमीमन मोर से कहबैं, ‘हे प्रभु, हे प्रभु, का हमरे तोर नाँव से भविष्यवाणी नी करली? तोर नाँव से भूतमन के नी निकलाली आउर तोर नाँव से ढेइर चमत्कार केर काम नी करली?’

लूका 10:12

मोंय तोहरेमन से कहाथों कि न्याय केर दिन उ नगर केर आदमी मनक सजा, सदोम नगर केर आदमी मनक सजा से हों बगरा होवी।

रोमानियनमन 2:5

मगर तोहरे हठ कराला आउर पाप करेक के छोड़ेक नी चाहाला, सेकर चलते उ दिन जब परमेश्‍वर अपन खीस के देखाई, जेकर में उ सच्चा न्याय करी, तो तोहरे के ढेइर दंड देवी।

रोमानियनमन 8:23

आउर सिरिफ सिरजाल चीजमन भइर नी कुंहराथैं, मगर हमरेमन हों जेमन आवेक वाला महिमा केर सवाद के चखेक लगिन पवितर आत्मा के परमेश्‍वर केर पहिला चीज केर रूप में पाय ही खुद हें कुंहराथी, मगर अब हमरे परमेश्‍वर केर आसरा देखाथी कि उ हमरे के अपन नीज संतान केर रूप में अपनाय लेवोक, इ सोउब तब होवी जब परमेश्‍वर हमरे केर इ कायामन के नवाँ काया बनाय के छुटकारा काइर देवी।

1 कुरिनथियनमन 2:9

जइसन कि पवितर किताब में लिखल अहे, “जे कहियो आँइख से दिस्तार नी देलक, आउर जेके केऊ कहियो नी सुनलैं आउर केऊ कहियो नी बुझलैं, ओहे बेस चीजमन के परमेश्‍वर अपन से प्रेम करइयामन लगिन तेयार काइर हे।”

1 कुरिनथियनमन 3:13

मगर न्याय केर दिन जब मसीह फिन से घूइर आवी, तब आइग हरेक झन केर काम केर गुण के देखाई, अगर केकरो काम केर कोनों कीमत अहे तो आइग उके देखाई,

1 कुरिनथियनमन 9:25

आउर हरेक पहलवान अपन काया केर सोउब रकम केर इच्छामन के रोकेला, उ तो एगो मुरझाएक वाला मुकुट के पावेक लगिन इ सोउब के करेला। मगर हमरे तो उ मुकुट के पावेक लगिन मेहनइत करिला जे मुरझाएक वाला नखे।

2 कुरिनथियनमन 5:2

इकर में तो हमरे कुंहरिला आउर तरसिला कि हमरे अपन स्वरगीय काया के नवाँ लुगा नियर पिंध लेवब।

फिलिप्पियनमन 3:11

जेकर से मोंय हों फिन से मौत से जिंदा करल जामूँ।

कुलुसियनमन 1:5

तोहर इ बिसवास आउर प्रेम उ आसरा हेके, जे तोहरेमन लगिन स्वरग में रखल अहे। जेकर चरचा तोहरे उ शुभ समाचार केर सच्चा बचन में पहिलेहें से सुइन चुइक हा।

1थिस्सलुनीकियनमन 1:10

आउर उकर बेटा के स्वरग से दोबारा घूइर आवेक केर आसरा देखते रहबा जेके परमेश्‍वर मुरदा में से जियालक, मतलब यीशु के जे परमेश्‍वर केर आवेक वाला दंड से हमरे के बचायला।

1थिस्सलुनीकियनमन 5:4

मगर हे भाईमन, तोहरेमन पापमन में जिंदगी नी जियाथा कि जब प्रभु यीशु दोबारा घूइर आवी, तो उ दिन तोहरेमन उपरे चोर नियर आय जाई कि तोहरे तेयार नी रहबा।

2 थिस्सलुनीकियनमन 2:8

इकर पाछे उ अधरमी मरद दिस्तार होवी, मगर पाछे से जब प्रभु यीशु आवी, तो अपन मुँह केर फूक से उके माइर मोराई, आउर अपन आवेक केर तेज चमक से भसम करी।

1 तीमुथियुस 6:19

एइसन काइर के उमन अपन बेस काममन के अपन लगिन एगो खजाना नियर जोड़बैं, जे आवेक वाला दिन में स्वरग में उमन लगिन एगो मजबूत नेव नियर होवी, आउर उमन सच्चा जिंदगी के पाबैं, जे सोउब दिन लगिन होवी।

2 तीमुथियुस 1:10

अब हमर छुटकारा देवाइया यीशु मसीह आय जाहे आउर हमरे के अपन किरपा देखाय हे। उ माउत केर शक्ति के नाश काइर देलक, आउर शुभ समाचार केर शक्ति से जुग-जुग केर जिंदगी पावेक लगिन डहर देखालक।

2 तीमुथियुस 1:12

इ एहे खातिर होई हे जेकर से मोंय हिंयाँ जेहेल में हों दुःख उठाथों, आउर नी लजावना, काले कि मोंय मसीह के जानोना जेकर उपरे मोंय बिसवास काइर हों, आउर मोके पूरा भरसा अहे कि यीशु मसीह उ दिन तक, जब तक उ घूइर के नी आवी, जे कोनों उ मोके देई हे उकर रखवाली करी।

2 तीमुथियुस 1:18

न्याय केर दिन प्रभु उनेसिफुरुस केर उपरे अपन महान दया देखाओक। तोंय बढ़ियाँ से जानिसला कि उ इफिसुस शहर में मोर कतइ मदइत काइर हे।

2 तीमुथियुस 2:5

फिन जब केऊ कोनों खेल-कूद में भाग लेवेला, तो उ तब तक इनाम जितेक नी पारी, जब तक कि उ नियम केर मोताबिक नी खेली।

2 तीमुथियुस 4:1

जब यीशु मसीह एगो राजा नियर राइज करेक लगिन आवी, तब उ जेमन जिंदा अहैं आउर जेमन मोइर जाय हैं, सोउब आदमीमन केर न्याय करी। से लगिन मोंय आबा परमेश्‍वर आउर मसीह यीशु के गवाह माइन के तोर से बिनती करोना

तीतुस 2:13

आउर हमरे उ आसरा मतलब हमरे केर महान परमेश्‍वर आउर छुटकारा देवाइया यीशु मसीह के तेज चमक केर संगे दोबारा घूइर आवेक केर इंतजार कराथी।

इब्रानीमन 12:11

जे बेरा ताड़ना मिलेला, उ बेरा बेस नी लगेला बल्कि दुःख लगेला, मगर पाछे जेमन उकर से शिक्षा पावैना उमन के शांति मिलेला, काले कि उमन सही तरीका से जिंदगी जियेक शुरु करैना।

इब्रानीमन 9:28

ठीक ओहे नियर मसीह हों सोउब आदमीमन केर पापमन के उठाय लेवेक लगिन एक बेर बलिदान होलक। जब उ फिन से आवी तब उ पाप केर लगिन बलिदान होवेक ले निहीं, मगर जे उकर आसरा देखेला उके छुटकारा देवेक लगिन आवी।

याकूब 1:12

धाइन अहे उ आदमी, जे परीक्षा में स्थिर रहेला, काले कि उ खरा निकइल के जिंदगी केर उ मुकुट के पावी, जेकर करार प्रभु अपन प्रेम करइयामन से काइर हे।

1 पतरस 1:4

हमरे उ जयजाद के पावेक केर आसरा कराथी, जेके परमेश्‍वर हमर लगिन तेयार काइर हे, जे चीजमन के केऊ कहियो नाश करेक नी पारी। आउर उ कहियो पुरना नी होवी, परमेश्‍वर उ चीजमन के स्वरग में हमरे लगिन राइख हे।

1 पतरस 5:4

जब यीशु मसीह, जे कि हमरे केर मुध चरवाहा हेके, दोबारा फिन से घूइर आवी, तब तोहरे के एगो इनाम देवी जे कहियो अपन चमक के नी हेराई।

प्रकाशितवाक्य 1:7

देखा, उ बदरीमन केर संगे आवेक वाला अहे, आउर हर एक आदमीमन उके देखबैं, बल्कि जेमन उके बरछा से बेइध रहैं, उमन हों उके देखबैं, आउर धरती केर सोउब आदमीमन बिलाप करबैं। हाँ, इ होवी। आमीन।

प्रकाशितवाक्य 19:11

फिन मोंय देखलों कि स्वरग खोलल अहे, हूवाँ मोर सामने एगो चरका घोड़ा रहे आउर उकर उपरे एक झन चढ़ल रहे, जे बिसवास लायक आउर सच्चा कहायला। उ जे गोइठ परमेश्‍वर केर नजइर में सही है उकर मोताबिक परमेश्‍वर केर दुश्मनमन केर बिरोध फैसला करेला आउर लड़ाई करेला।

प्रकाशितवाक्य 2:10

जे दुःख तोके झेलेक होवी, उमन से ना डराव। काले कि देख, शैतान तोहर में से थोरेक आदमीमन के जेहेल घर में साजेक वाला अहे, ताकि तोहरेमन परखल जबा, आउर तोहरेमन के दस दिन तक दुःख उठाएक होवी। प्राण देवेक तक बिसवासी रहा, तो मोंय तोहरे के जिंदगी केर मुकुट देमूँ।

प्रकाशितवाक्य 22:20

जे इ गोइठमन केर गवाही देवेला, उ इ कहेला, “हाँ, मोंय जल्दी आवेक वाला अहों।” आमीन। हे प्रभु यीशु आव!

प्रकाशितवाक्य 4:10

तब चोबिसो मुखियामन सिंहासन में बइठेक वाला केर सामने गिरबैं आउर उकर जे जुग-जुग जिंदा अहे, भक्ति करबैं आउर उमन अपन-अपन मुकुट सिंहासन केर सामने इ कहते डाइल देबैं:

प्रकाशितवाक्य 4:4

उ सिंहासन केर चाइरो बटे चोबीस गो सिंहासन अहे आउर उ सिंहासनमन में चोबीस मुखियामन चरका लुगा पिंध के बइठल अहैं, आउर उ मनक मूँड़ उपरे सोना केर मुकुट अहे।