2 तीमुथियुस 4:7 - सादरी नवाँ नियम

⁷ मोंय यीशु मसीह केर सेवा करेक में कड़ा मेहनइत काइर हों, जेके करेक लगिन यीशु मसीह मोके देई रहे, मोंय आखरी समय तक बिसवास में बनल अहों।

2 तीमुथियुस 4:7 Iomraidhean Croise

लूका 11:28

यीशु कहलक, “हाँ, मगर उमन बगरा धाइन अहैं, जेमन परमेश्‍वर केर बचन के सुनैना, आउर उकर मोताबिक चलैना।”

लूका 8:15

मगर थोरेक आदमीमन उ उपजाऊ भूंई नियर अहैं, जेमन बचन सुइन के भला आउर ईमानदार मन में जोगाय के रखैना आउर स्थिर रइह के फार लानैना।

यूहन्ना 17:6

तोंय जे आदमीमन के दुनिया केर आदमीमन में से चुइन के मोके देले। उमन के मोंय बतालों कि तोंय के हेकिस, उमन तोर रहैं आउर तोंय उमन के मोके देले आउर उमन तोर बचन के माइन लेई हैं।

यूहन्ना 4:34

यीशु उमन से कहलक, “जे मोके भेइज हे उकर इच्छा के मानेक आउर उकर काम के पूरा करेक, जेकर जिम्मा उ मोके देई हे, एहे मोर खाएक हेके।

खास चेलामन केर काम 13:25

जब यूहन्ना अपन ठहराल सेवा केर काम के पूरा करेक वाला रहे, तो उ कहलक, ‘तोहरे मोके जे बुझाथा, उ मोंय ना लगों। मगर देखा, जे मोर पाछे आवेक वाला अहे, उ मोर से महान अहे, मोंय तो उकर गोड़ केर जूता के खोलेक केर लाएक हों नखों।’

खास चेलामन केर काम 20:24

मगर मोके अपन प्राण से कोनों मोह-माया नखे, मोंय तो सिरिफ उ सेवकाई के पूरा करेक चाहाथों, जेके प्रभु यीशु मसीह मोके जिम्मा देई हे, मतलब परमेश्‍वर केर किरपा केर शुभ समाचार के सच्चाई से परचार करमूँ।

गलातियनमन 2:2

मोंय हूवाँ इ लगिन गेलों काले कि परमेश्‍वर मोके जाएक कइह रहे। जब मोंय हूवाँ गेलों, तो हूवाँ केर बढ़ियाँ समझल जाएक वाला अगुवामन से अलगे मिललों आउर उ शुभ समाचार केर बारे में बतालों, जेके मोंय परजाइत आदमीमन केर माझे परचार काइर रहों। ताकि जे मोंय बितल समय में काइर हों, चाहे जे मोंय आवेक वाला समय में करमूँ उ बेकार ना होवोक।

फिलिप्पियनमन 1:30

तोहरेमन के हों ओइसनेहें दुःख उठाएक अहे जइसन तोहरेमन मोके दुःख उठाते देइख रहा, जब मोंय तोहर संगे फिलिप्पी शहर में रहों, आउर एखन हों जे दुःख मोके जेहेल में होवाथे उके सुनाथा।

1 तीमुथियुस 1:18

हे बेटा तीमुथियुस, मोंय तोके उ गोइठमन के याइद करेक ले कहाथों, जे पहिले भविष्यवाणीमन में तोर बारे में कहल जाय रहे, मोंय तोके इ आगया सोपाथों कि तोंय उमन केर मोताबिक झूठा सिखाएक वालामन केर बिरोध में लड़ाई के लड़ते रह।

1 तीमुथियुस 6:12

लड़ाई में एगो बेस पलटन नियर जे हार नी मानेला, तोके हों परमेश्‍वर केर उपरे भरसा करेक आउर उकर आगयामन के मानेक नी छोड़ेक चाही, तोंय उ जुग-जुग केर जिंदगी के मजबूती से धाइर ले जेकर लगिन तोंय बोलाल जाय हिस, आउर तोंय ढेइर गवाहमन केर सामने मजबूती से कइह रहिस कि मसीह केर उपरे भरसा करिसला।

1 तीमुथियुस 6:20

हे तीमुथियुस, पक्का काइर ले कि तोंय ओहे करिसला जेके परमेश्‍वर तोके जिम्मा देई हे, तोंय एइसन गोइठमन आउर शिक्षामन से दूर रह जे परमेश्‍वर केर सच्चा शिक्षा केर बिरोध करेला, जेके उमन गलत तरीका से गेयान कहैना।

2 तीमुथियुस 1:14

आउर उ सच्चाई केर रखवाली कर जे पवितर आत्मा केर शक्ति से तोके जिम्मा देवल जाय हे, आउर जे हमर में बसल अहे।

2 तीमुथियुस 3:10

मगर हे तीमुथियुस, तोंय मोर उपदेस, चाइल चलन, आउर मोर योजना, मोंय कइसन बिसवास करोना, मोंय मुसीबतमन के कइसन सहलों, आदमीमन के कइसन प्रेम काइर हों, आउर दुःखमन में कइसन धीरज धाइर हों, इ सोउब गोइठमन के तोंय जानिसला।

प्रकाशितवाक्य 3:10

काले कि तोंय मोर धीरजरूपी आगया केर पालन काइर हिस, से लगिन मोंय हों तोके परीक्षा केर उ बेरा बचाय रखमूँ, जे धरती में रहेक वाला आदमीमन के परखेक लगिन गोटा दुनिया में आवेक वाला अहे।

प्रकाशितवाक्य 3:8

मोंय तोर काममन के जानोना, देख, मोंय तोर सामने एगो दुरा खोइल के राइख हों, जेके केऊ बंद करेक नी पारी, तोर शक्ति थोरेसन तो अहे, फिन भी तोंय मोर बचन केर पालन काइर हिस आउर मोर नाँव केर इंकार नी करले।

प्रकाशितवाक्य 6:11

आउर उमन में से हरेक के चरका लुगा देवल गेलक आउर उमन से कहल गेलक कि थोरेक देरी आउर धीरज धरा, जब तक कि तोहर संगी सेवकमन आउर भाई-बहिन केर हिसाब पूरा नी होई जाई, जे उमन केर नियर माइर मोराल जाएक अहैं।