2 तीमुथियुस 4:5 - सादरी नवाँ नियम

⁵ मगर तोंय सोउब समय खुद के काबू में रख, चाहे तोके कोनोवें दुःख उठाएक काले नी पड़ी, सोउब दुःखमन के सह आउर शुभ समाचार केर परचार लगिन कड़ा मेहनइत कर। एगो परमेश्‍वर केर दास नियर उ सोउब काममन के कर जेके करेक ले परमेश्‍वर तोके जिम्मा सोंइप हे।

2 तीमुथियुस 4:5 Iomraidhean Croise

मत्ती 25:16

तब जेके पाँच गो सोना केर सिक्का मिल रहे, उ तुरते जाय के उकर से लेन-देन करलक आउर पाँच गो सोना केर सिक्का आउर कमालक।

मरकुस 13:34

मोर धरती के छोड़ेक आउर घूइर आवेक केर तरीका इ लेखे अहे, जइसन एगो आदमी जे परदेस जाएक बेरा अपन घर के छोइड़ जायला, आउर जाएक से आगे अपन धांगरमन के काम बतायला आउर घर केर पहरादार के उकर घूइर आवेक तक जागते रहेक केर आगया देवेला।

मरकुस 13:37

जे गोइठ मोंय तोहरेमन के कहाथों ओहे गोइठ मोंय सोउब से कहाथों, मोर घूइर आवेक तक तेयार रहा।”

लूका 12:37

धाइन अहैं उ धांगरमन, जेमन के मालिक अपन घूइर आवेक केर आसरा करते पावेला। मोंय तोहर से सच कहाथों कि उ धांगर नियर तेयार होई के, उमन के खाएक लगिन बइठाई, आउर भीरे आय के उ मनक सेवा करी।

खास चेलामन केर काम 21:8

आउर अगला दिन हमरे हूवाँ से चाइल के कैसरिया शहर में आली। हूवाँ हमरे शुभ समाचार परचार करेक वाला फिलिप्पुस केर घर गेली आउर उकर हिंयाँ रहली। फिलिप्पुस उ सात आदमीमन में से एगो रहे, जेमन के यरुशलेम शहर में यीशु केर चुनल खास चेलामन बिधवा जनानामन केर देख-भाल करेक लगिन चुइन रहैं।

रोमानियनमन 15:19

मोके पवितर आत्मा बटले शक्ति देवल गेलक जेकर से मोंय शक्तिशाली चिन्हामन आउर चमत्कार काममन के करलों। से लगिन मोंय यरुशलेम शहर से लेई के इल्‍लुरिकुम परदेस केर आसे-पासे जहाँव कहों रहलों, मोंय सोउब आदमीमन के यीशु मसीह केर बारे में शुभ समाचार केर परचार करलों।

इफिसियनमन 4:11

आउर यीशु मसीह थोरेक आदमीमन के अपन चुनल खास चेला ठहराय के, आउर थोरेक के परमेश्‍वर केर संदेश के बताएक वाला, थोरेक के शुभ समाचार सुनाएक वाला, थोरेक के चरवाहा, आउर थोरेक के उपदेस देवेक वाला ठहराय के देई देलक।

इफिसियनमन 4:12

उ आदमीमन के इ सोउब बरदानमन के इ लगिन देलक, ताकि उमन परमेश्‍वर केर आदमीमन के परमेश्‍वर केर लगिन काम करेक ले तेयार करबैं। आउर मसीह केर काया, मतलब, कलीसिया मजबूत होवेक पारोक।

कुलुसियनमन 1:25

परमेश्‍वर तोहरेमन के अपन संदेश के पूरा-पुरी समझाएक लगिन मोके ठहराय हे, सेहे लगिन मोंय कलीसिया केर सेवक बाइन हों।

कुलुसियनमन 4:17

फिन अरखिप्पुस से कहबा कि जे सेवा प्रभु में तोके जिम्मा देवल जाय हे, उके सावधानी केर संगे पूरा करबे।

1थिस्सलुनीकियनमन 5:6

इ लगिन हमरे के दोसरमन नियर निंदाते नी रहेक चाही मगर जागते आउर सावधान रहेक चाही।

1 तीमुथियुस 4:12

केखो तोर जवानी केर जिंदगी के घिरना करेक केर मोका ना मिलोक, मगर तोंय अपन बोली में, ब्यवहार में, दोसरमन से प्रेम करेक में, यीशु मसीह उपरे बिसवास करेक में, आउर पवितर जिंदगी जियेक में बिसवासीमन लगिन नमूना बाइन जा।

1 तीमुथियुस 4:15

उ बरदान के सावधानी से इस्तेमाल कर आउर उकरे में धेयान लगाय रह, ताकि तोंय अपन बिसवास में बढ़ाथिस इके सोउब आदमीमन देखेक पारोक।

2 तीमुथियुस 1:8

इ लगिन दोसरमन के हमर यीशु मसीह केर बारे में बताएक से ना लजाबे, आउर ना हें तोके इ गोइठ से लजाएक चाही कि मोंय उकर सेवा करेक केर चलते जेहेल में अहों। बल्कि तोके उ शक्ति केर इस्तेमाल करेक चाही जे शक्ति के परमेश्‍वर तोके देवेला, आउर शुभ समाचार सुनाएक केर खातिर मोंय जे दुःख सहाथों उकर में तोंय मोर साथ दे।

2 तीमुथियुस 2:10

जेमन के परमेश्‍वर चुइन हे, मोंय उमन केर फायदा लगिन सोउब रकम केर दुःख सहोना। ताकि उमन हों यीशु मसीह उपरे बिसवास करोक आउर छुटकारा पाओक, आउर उ महिमा के पाओक जे जुग-जुग लगिन अहे।

2 तीमुथियुस 2:3

यीशु मसीह केर एगो बेस फौजी नियर मोर संगे दुःख सह।

2 तीमुथियुस 4:17

मोंय यीशु मसीह केर बारे में संदेश के परजाइत आदमीमन के सफा-सफा बताएक पारलों, ताकि उमन शुभ समाचार के सुनोक, मगर प्रभु मोर मदइतगार रहलक, आउर मोके शक्ति देलक ताकि मोर द्वारा पूरा-पूरा परचार होवोक, आउर सोउब जाइत केर आदमीमन सुइन लेवोक, मोंय तो बाघ केर मुँह से बचेक नियर माउत से छोड़ाल गेलों।

इब्रानीमन 13:17

अपन आत्मिक अगुवामन केर गोइठमन के माना आउर उमन जे कहैना उके करा, काले कि उमन तोहरे के धेयान से देखैना ताकि तोहरे भटइक ना जबा, आउर उमन के अपन सेवा केर बारे में परमेश्‍वर ठिना हिसाब देवेक पड़ी, आउर इ काम के उमन उदास होई के निहीं, बल्कि खुशी से करोक, काले कि उदास होई के करेक वालामन के कोनों फायदा नी होवी।

1 पतरस 1:13

इ लगिन अपन-अपन मन के तेयार करा, जइसन आदमीमन काम करेक ले तेयार होवेक लगिन अपन डाँड़ा के बंधायना। खुद के काबू में रखा आउर उ किरपा केर पूरा आसरा रखा, जेके यीशु मसीह के दोबारा आवेक से तोहरे के देवल जाई।

प्रकाशितवाक्य 3:2

से लगिन सावधान होई जा, तोर भीतरे जे मोर उपरे थोरेक बिसवास बाइच हे उके मजबूत कर, ताकि इ पूरा रीति से ना सिराय जाओक। काले कि मोंय तोर कोनों काम के अपन परमेश्‍वर केर भीरे पूरा नी पालों।