2 तीमुथियुस 4:18 - सादरी नवाँ नियम

¹⁸ आउर प्रभु मोके हरेक बुरा काम से छुड़ाई, आउर अपन स्वरग राइज में छुटकारा काइर के पोंहचाई। उकरे महिमा जुग-जुग होते रहोक आमीन।

2 तीमुथियुस 4:18 Iomraidhean Croise

मत्ती 13:43

उ बेरा धरमी आदमीमन अपन आबा केर राइज में बेइर नियर चमकबैं। जे केऊ मोर इ गोइठ के धेयान से सुनाथा, उमन से मोंय कहाथों कि इकर बारे में समझेक केर कोशिश करा।

मत्ती 25:34

तब मोंय राजा अपन भतखाइया बटे केर आदमीमन से कहमूँ, ‘हे मोर आबा केर धाइन आदमीमन, आवा, स्वरग राइज केर अधिकारी बाइन जावा, जे दुनिया केर शुरु से तोहर लगिन तेयार करल अहे।

मत्ती 6:13

आउर हमरे के परीक्षा में ना लान, मगर शैतान केर बहकाएक से बचाव, काले कि राइज आउर पराक्रम आउर महिमा सोउब बेरा तोर हें हेके। आमीन।

लूका 11:4

आउर हमरे केर पापमन के क्षमा कर, काले कि हमरे हों जेमन हमर बिरोध में पाप करैना, उमन के क्षमा करिला, आउर हमरे के परीक्षा में ना लान।’ ”

लूका 12:32

तोहरेमन भेड़ीमन केर एगो छोटका झूँड़ नियर अहा, से लगिन कोनोवें गोइठ से ना डरावा। काले कि तोहर आबा परमेश्‍वर केर इच्छा अहे कि उ तोहरेमन के राइज देवी।

लूका 22:29

जइसन मोर आबा मोर लगिन एगो राइज ठहराय हे, तइसनेहें मोंय हों तोहर लगिन राइज ठहराथों,

यूहन्ना 17:15

मोंय तोर से इ प्रार्थना नी कराथों कि तोंय उमन के दुनिया से उठाय ले, मगर मोंय इ लगिन प्रार्थना कराथों कि तोंय उमन के उ दुष्ट शैतान से बचाय के रखबे।

रोमानियनमन 11:36

काले कि सोउब कुछ उकरे बटे से आवेला, ओहे सोउब कुछ के बनाय हे, आउर उकरे लगिन सोउब कुछ अहे, उकरे महिमा जुग-जुग होते रहोक आमीन।

रोमानियनमन 16:27

एके गो बुद्धिमान परमेश्‍वर केर महिमा यीशु मसीह केर द्वारा जुग-जुग होते रहोक। आमीन।

1 कुरिनथियनमन 1:21

काले कि परमेश्‍वर अपन गेयान से पहिलेहें देइख हे कि दुनिया केर आदमीमन उके अपन गेयान से कहियो नी जानबैं, परमेश्‍वर बिसवास करेक वालामन के बचाएक लगिन हमर शुभ समाचार परचार के इस्तेमाल करलक, जबकि थोरेक आदमीमन इके बेकार गोइठ मतलब मूरख आदमी केर गोइठ समझैना।

1 कुरिनथियनमन 10:13

तोहरेमन कोनों एइसन परीक्षा में नी पाइड़ हा, जे आदमी केर सहेक से बाहर अहे। आउर परमेश्‍वर बिसवास लायक अहे, उ तोहरेमन के सहेक से बाहर परीक्षा में पड़ेक नी देवी, बल्कि परीक्षा से बचेक में मदइत करी।

1 कुरिनथियनमन 15:50

हे बिसवासी भाईमन, इ धरती केर हमर काया माँस आउर लोहू से बनाल जाय हे, हमरे इ कायामन केर संगे जे मोरेक वाला हेके, परमेश्‍वर केर राइज स्वरग में रहेक नी पारब, काले कि हूवाँ मोरेक नखे।

2 कुरिनथियनमन 1:10

ओहे हमरे के माउत केर बड़का संकट से बचालक, आउर हमरे आसरा करिला कि उ आगे हों बचाते रही।

गलातियनमन 1:5

मोंय प्रार्थना करोना कि परमेश्‍वर केर स्तुति जुग-जुग होते रहोक। आमीन।

1थिस्सलुनीकियनमन 5:23

परमेश्‍वर जे शांति देवेला खुद हें तोहरे के सोउब रकम से पवितर करोक, आउर तोहर आत्मा, प्राण आउर काया के हमर प्रभु यीशु मसीह केर दोबारा घूइर आवेक तक पूरा-पूरा निरदोष आउर जोगाय के रखोक।

2 थिस्सलुनीकियनमन 3:3

मगर प्रभु बिसवास करेक केर लायक अहे, उ तोहरेमन के बिसवास में पोक्ता करी आउर दुष्ट शैतान से बचाय के रखी।

1 तीमुथियुस 1:17

अब जुग-जुग केर राजा जे सोउब दिन लगिन जिंदा अहे, जेके केऊ नी देइख हैं, जे एके गो सच्चा परमेश्‍वर हेके, उकर आदर आउर महिमा जुग-जुग होते रहोक। आमीन।

1 तीमुथियुस 6:16

सिरिफ ओहे एकला अहे जे सोउब दिन लगिन जिंदा अहे, उ एतना चमकदार इंजोत में रहेला कि केऊ हों उकर भीरे पोंहचेक नी पारी, उके ना तो केऊ आदमी देइख हे आउर ना कहियो देखेक पारी। उके आदर मिलोक आउर उकर शक्ति जुग-जुग रहोक। आमीन।

2 तीमुथियुस 1:12

इ एहे खातिर होई हे जेकर से मोंय हिंयाँ जेहेल में हों दुःख उठाथों, आउर नी लजावना, काले कि मोंय मसीह के जानोना जेकर उपरे मोंय बिसवास काइर हों, आउर मोके पूरा भरसा अहे कि यीशु मसीह उ दिन तक, जब तक उ घूइर के नी आवी, जे कोनों उ मोके देई हे उकर रखवाली करी।

2 तीमुथियुस 4:1

जब यीशु मसीह एगो राजा नियर राइज करेक लगिन आवी, तब उ जेमन जिंदा अहैं आउर जेमन मोइर जाय हैं, सोउब आदमीमन केर न्याय करी। से लगिन मोंय आबा परमेश्‍वर आउर मसीह यीशु के गवाह माइन के तोर से बिनती करोना

इब्रानीमन 11:16

मगर उमन एगो बढ़ियाँ मतलब स्वरग देस केर आसरा में अहैं, से लगिन परमेश्‍वर उ मनक परमेश्‍वर कहाएक से खुश होवेला, काले कि उ उमन लगिन एगो नगर बनाय हे।

इब्रानीमन 12:22

मगर तोहरेमन सिय्योन पहार ठिना आय हा, जहाँ स्वरग केर यरुशलेम अहे, आउर जे जिंदा परमेश्‍वर केर नगर हेके, जहाँ लाखो स्वरगदूतमन खुशी मनायना।

याकूब 2:5

हे मोर भाईमन सुना, का परमेश्‍वर इ दुनिया केर गरीबमन के नी चुनलक कि उमन बिसवास में धनी आउर उ राइज केर अधिकारी होबैं, जेकर करार परमेश्‍वर उमन से काइर हे जेमन उकर से प्रेम करैना?

1 पतरस 1:5

आउर परमेश्‍वर अपन महान शक्ति से तोहरे के संभराय के राइख हे, काले कि तोहरे यीशु में भरसा कराला, उ तोहरे के मसीह केर घूइर आवेक दिन तक संभराय के राखी, तब तोहरेमन जानबा कि पाप आउर माउत से परमेश्‍वर तोहर पूरा पुरी छुटकारा काइर हे।

1 पतरस 5:11

उ माइन पावेक केर लायक अहे, काले कि उकर शक्ति केर कोनों आखरी नखे। आमीन।

2 पतरस 1:11

आउर इ कि परमेश्‍वर उ राइज में ढेइर खुशी से तोहर स्वागत करी जहाँ यीशु मसीह अहे, जे हमर प्रभु आउर छुटकारा देवाइया हेके आउर उ सोउब दिन लगिन राजा केर रूप में राइज करी।

2 पतरस 3:18

मगर हमर प्रभु आउर छुटकारा देवाइया यीशु मसीह केर किरपा आउर गेयान में बढ़ते जावा। उकरे महिमा एखन हों होवोक, आउर युग-युग होते रहोक। आमीन।

यहूदा 1:1

इ चिट्ठी मोंय यहूदा केर बटले हेके। मोंय यीशु मसीह केर एगो सेवक आउर याकूब केर छोट भाई हेकों। मोंय इ चिट्ठी तोहरेमन के लिखाथों जेके परमेश्‍वर अपन उपरे बिसवास करेक लगिन बोलाय हे। आबा परमेश्‍वर तोहरेमन से प्रेम करेला आउर तोहरे के यीशु मसीह में सही-सलामत राइख हे।