2 तीमुथियुस 4:17 - सादरी नवाँ नियम

¹⁷ मोंय यीशु मसीह केर बारे में संदेश के परजाइत आदमीमन के सफा-सफा बताएक पारलों, ताकि उमन शुभ समाचार के सुनोक, मगर प्रभु मोर मदइतगार रहलक, आउर मोके शक्ति देलक ताकि मोर द्वारा पूरा-पूरा परचार होवोक, आउर सोउब जाइत केर आदमीमन सुइन लेवोक, मोंय तो बाघ केर मुँह से बचेक नियर माउत से छोड़ाल गेलों।

2 तीमुथियुस 4:17 Iomraidhean Croise

मत्ती 10:19

जब तोहरेमन धराल जबा आउर तोहरेमन उपरे मुकद्दमा चली तो आगे से इ चिंता ना करबा कि तोहरेमन के हूवाँ कइसन आउर का कहेक अहे, जे कुछ हूवाँ कहेक होवी सेहे बेरा परमेश्‍वर तोहरेमन के बताई।

लूका 1:1

ढेइर आदमीमन उ गोइठमन के जे हमरे माझे बीत रहे, धेयान से लिखेक केर कोशिश करलैं।

लूका 21:15

काले कि मोंय तोहरेमन के एइसन बोल आउर बुद्धि देमूँ कि सोउब बिरोधी आदमीमन तोहरे केर सामना करेक चाहे गोइठ काटेक नी पारबैं।

खास चेलामन केर काम 23:11

ओहे राइत के प्रभु यीशु पौलुस ठिना ठड़ाय के उकर से कहलक, “हे पौलुस ढाढ़स बाँध, जइसन तोंय यरुशलेम शहर में मोर बारे में गवाही देले, तइसनेहें तोके रोम देस में हों गवाही देवेक होवी।”

खास चेलामन केर काम 9:15

मगर प्रभु यीशु उकर से कहलक, “तोंय चाइल जा। उ मोर चुनल आदमी हेके। उ परजाइत आदमीमन, राजामन, आउर इसराइली आदमीमन केर माझे मोर बारे में परचार करी।

रोमानियनमन 15:31

ताकि मोंय यहूदिया परदेस केर अबिसवासीमन से बाइच के रहमूँ, आउर यरुशलेम शहर में परमेश्‍वर केर पवितर आदमीमन, जे मदइत केर पैसा मोंय उमन लगिन लेगमूँ उके लेई के खुश होबैं।

2 कुरिनथियनमन 12:9

आउर प्रभु मोर से कहलक, “मोर किरपा तोर लगिन काफी अहे, काले कि मोर शक्ति कमजोरी में सिद्ध होवेला।” इ लगिन मोंय ढेइर खुशी से अपन कमजोरीमन उपरे घमंड करमूँ कि मसीह केर शक्ति मोर उपरे छाँई करते रहोक,

इफिसियनमन 3:8

जबकि मोंय परमेश्‍वर केर आदमीमन में से सोउब से छोट अहों, फिन भी मोर उपरे परमेश्‍वर केर किरपा होलक कि मोंय परजाइत आदमीमन के मसीह केर शुभ समाचार सुनामूँ।

1 तीमुथियुस 1:12

मोंय अपन प्रभु यीशु मसीह के जे मोके शक्ति देई हे, धन्यबाद देवोना कि उ मोखे बिसवास लाएक समइझ के अपन सेवा करेक लगिन ठहरालक।

2 तीमुथियुस 2:1

इ लगिन हे मोर बेटा तीमुथियुस, तोंय उ किरपा से जे यीशु मसीह में अहे, बलवान होई जा।

2 तीमुथियुस 2:9

जेकर चलते मोंय एगो पापी नियर जेहेल में दुःख सहाथों, काले कि मोंय शुभ समाचार केर परचार करोना, मगर केऊ आदमी परमेश्‍वर केर बचन के परचार करेक से रोकेक नी पारी।

2 तीमुथियुस 3:11

तोंय उ भयानक दुःखमन केर बारे में हों जानिसला जे अंताकिया शहर, इकुनियुम आउर लुस्त्रा नगर केर आदमीमन बटले मोर उपरे पाइड़ रहे। आउर कइसन मोंय हूवाँ सताव के सहलों, मगर प्रभु मोके उ सोउब से छोड़ाय लेलक।

2 तीमुथियुस 4:5

मगर तोंय सोउब समय खुद के काबू में रख, चाहे तोके कोनोवें दुःख उठाएक काले नी पड़ी, सोउब दुःखमन के सह आउर शुभ समाचार केर परचार लगिन कड़ा मेहनइत कर। एगो परमेश्‍वर केर दास नियर उ सोउब काममन के कर जेके करेक ले परमेश्‍वर तोके जिम्मा सोंइप हे।

तीतुस 1:3

आउर अब बिलकुल ठीक समय में परमेश्‍वर इ शुभ समाचार के हमरे केर सामने दिस्तार करलक, आउर हमरे इकर परचार सोउब कर ठिना करिला। इ काम करेक केर जिम्मेदारी हमरे केर छुटकारा देवाइया परमेश्‍वर, आगया देई के मोके सोंइप हे।

इब्रानीमन 11:33

इमन बिसवास करेक केर चलते राइज जितलैं, धरमी बनेक केर काम करलैं, करार करल चीजमन के पालैं, बाघ उमन के नी खालक।

1 पतरस 5:8

सोउब बेरा तेयार रहा आउर जागते रहा, काले कि शैतान, तोहर दुश्मन तोहर उपरे हमला करेक चाहेला कि तोहरे आबा परमेश्‍वर केर आगयामन के ना माना। उ गरजेक वाला सिंह नियर अहे, जे आगे-पिछे जाय के इ खोजेला कि उ केखो खाएक पारोक।

2 पतरस 2:9

इ सोउब काम के जे आबा परमेश्‍वर बितल दिन में करलक, तो इकर से साफ पता चलेला कि परमेश्‍वर जानेला कि धरमी आदमी के का लेखे परीक्षा से निकलाई आउर दुष्ट आदमीमन के का लेखे फैसला होवेक केर दिन तक सजा देवेक लगिन रखी।