2 तीमुथियुस 4:16 - सादरी नवाँ नियम

¹⁶ जब पहिली बेर मोके हाकिम केर सामने रोम देस में, जे आदमीमन मोर उपरे दोष लगाय रहैं उकर जबाब देवेक लगिन ठड़ाएक रहे, तब केऊ हों मोर साथ नी देलैं, बल्कि सोउब मोके छोइड़ देलैं। मोंय प्रार्थना करोना कि परमेश्‍वर उमन के मोर से दूर होवेक केर पाप के क्षमा करोक।

2 तीमुथियुस 4:16 Iomraidhean Croise

मरकुस 14:50

तब सोउब चेलामन यीशु के छोइड़ के भाइग गेलैं।

लूका 12:11

जब आदमीमन तोहरेमन के बंदी बनाय के यहूदी मनक प्रार्थना घरमन में, आउर राजामन, आउर अधिकारीमन केर आगे लेई जाबैं, तो आगे से इ चिंता ना करबा कि तोहरेमन के हूवाँ का कहेक अहे, चाहे का जबाब देवेक अहे।

यूहन्ना 16:32

देखा, उ बेरा आवाथे, आउर आइये जाहे, जब तोहरेमन सोउब तितिर-बितिर होई के अपन-अपन घर घूइर जबा, आउर मोके एकले छोइड़ देबा। फिन भी मोंय एकले नखों काले कि मोर आबा परमेश्‍वर मोर संगे अहे।

खास चेलामन केर काम 22:1

पौलुस कहलक, “हे भाईमन आउर आबामन, अब मोंय अपन बचाव में कोनों कहेक चाहाथों, उके सुना।”

खास चेलामन केर काम 25:16

मगर मोंय उमन के जबाब देलों, ‘रोम देस केर रहेक वाला आदमी केर इ नियम नखे कि जब तक दोषी आदमी आउर दोष लगाएक वालामन केर आमने-सामने सवाल-जबाब नी करल जाई आउर दोषी के अपन बचाव में कोनों कहेक केर मोका नी देवल जाई तब तक उके दंड देवेक सही नखे।’

खास चेलामन केर काम 7:60

फिन ठेहुना टेइक के जोर से कहलक, “हे प्रभु, उ मनक इ पाप के क्षमा काइर दे।” आउर इ कइह के मोइर गेलक।

1 कुरिनथियनमन 13:5

प्रेम करेक वालामन अनुचित ब्यवहार नी करैना, आउर उमन स्वार्थी नी होवैना, उमन तुरते नी खिसायना, आउर अपन बिरोध में करल काम के याइद नी करैना।

1 कुरिनथियनमन 9:3

जेमन मोके एगो यीशु केर चुनल खास चेला केर रूप में, मोर अधिकार उपरे सवाल पूछैना, उमन लगिन एहे मोर जबाब हेके।

2 कुरिनथियनमन 7:11

से लगिन धेयान देवा, परमेश्‍वर बटले आवल दुःख तोहरेमन में का-का बदलाव के लानलक, जोश से भरल लालसा, अपन बचाव लगिन सफाई देवेक केर इच्छा, अन्याय केर परती खीस, संकट केर परती सावधानी, मोर से भेंट करेक केर खूब इच्छा, सेवा करेक लगिन जोश, आउर पापी के दंड देवेक लगिन एइसन धुन, जेकर चलते तोहरे इ साबित काइर देला कि सोउब कुछ के ठीक करेक में तोहरे कोनों कसर नी छोइड़ हा।

फिलिप्पियनमन 1:17

आउर थोरेक आदमीमन तो सीधा मन से निहीं मगर हमरेमन से हिसिंगा करेक केर चलते मसीह केर परचार करैना, इ सोइच के कि एइसन करेक से जेहेल में मोर दुःख आउर बगरा बढ़ोक।

फिलिप्पियनमन 1:7

तोहर लगिन मोर इ बिचार सही हेके काले कि मोंय तोहरेमन से ढेइर प्रेम करोना, काले कि जब मोंय जेहेल घर में अहों, चाहे शुभ समाचार केर रक्षा कराथों आउर इके साबित कराथों, तो तोहरे मोर इ किरपा में शामिल होई जावाला जेके परमेश्‍वर मोर उपरे काइर हे।

2 तीमुथियुस 1:15

तोंय जानिसला कि आसिया परदेस में रहेक वाला कायनों बिसवासीमन मोके छोइड़ देलैं, जेमन में फूगिलुस आउर हिरमुगिनेस हेकैं।

2 तीमुथियुस 4:10

काले कि देमास इ दुनिया केर चीजमन से प्रेम काइर के मोके छोइड़ देलक, आउर थिस्सलुनीके शहर चाइल गेलक, आउर भाई क्रेसकेंस गलातिया परदेस आउर तीतुस दलमतिया परदेस चाइल गेलक।

2 तीमुथियुस 4:15

तोंय हों उकर से ढेइर सावधान रह, काले कि उ यीशु मसीह केर बारे हमर शिक्षामन केर ढेइर हें बिरोध काइर हे।

1 पतरस 3:15

मगर मसीह के प्रभु माइन के उकर आराधना करा, अगर केऊ उ आसरा केर बारे में पूछी जेके बिसवासी होवेक केर चलते हमरे सोउब आपस में साझा करिला, तो सोउब बेरा उके समझाएक लगिन तेयार रहा, मगर इके नरम आउर आदर से करबा।