2 तीमुथियुस 4:14 - सादरी नवाँ नियम

¹⁴ सिकंदर ठठेरा मोर से ढेइर बुराई काइर हे, प्रभु उके उकर बुराई काममन केर मोताबिक बदला देवी।

2 तीमुथियुस 4:14 Iomraidhean Croise

रोमानियनमन 12:19

हे दुलार भाई बहिनमन बदला ना लेवा, मगर परमेश्‍वर के दंड देवेक केर मोका देवा, काले कि पवितर किताब में लिखल अहे प्रभु कहेला, “बदला लेवेक मोर काम हेके।”

रोमानियनमन 2:6

उ हर एक के उ मनक काम केर मोताबिक बदला देवी।

2 थिस्सलुनीकियनमन 1:6

काले कि परमेश्‍वर हमेशा धारमिकता से न्याय करेला, आउर उ उसन आदमीमन के दुःख देवी जेमन तोहरे के दुःख पोंहचाय हैं।

1 तीमुथियुस 1:20

ओहेमन में से हुमिनयुस आउर सिकंदर हेकैं, जेमन के मोंय कलीसिया से बाहरे निकलाय देलों आउर शैतान के सोंइप देलों कि उमन परमेश्‍वर केर निंदा करेक ना सिखाओक।

2 तीमुथियुस 4:15

तोंय हों उकर से ढेइर सावधान रह, काले कि उ यीशु मसीह केर बारे हमर शिक्षामन केर ढेइर हें बिरोध काइर हे।

1 यूहन्ना 5:16

अगर केऊ अपन संगी बिसवासी के एइसन पाप करते देखी जेकर नतीजा मौत ना लगे, तो उ परमेश्‍वर से उकर लगिन प्रार्थना करोक जे एइसन पाप काइर हे, जेकर नतीजा मौत ना लगे तो परमेश्‍वर उके जुग-जुग केर जिंदगी देवी। पाप एइसन हों होवेला जेकर नतीजा मौत हेके, इकर बारे में मोंय प्रार्थना करेक नी कहोना।

प्रकाशितवाक्य 18:20

हे स्वरग आउर हे पवितर आदमीमन, आउर चुनल खास चेलामन आउर परमेश्‍वर केर संदेश के बताएक वाला आदमीमन खुशी मनावा, काले कि परमेश्‍वर फैसला काइर के उकर से तोहर पलटा लेई हे।

प्रकाशितवाक्य 18:6

उ महान नगर जइसन तोहरेमन से करलक ठीक तइसनेहें तोहरेमन हों उकर से ब्यवहार करा, आउर उकर काम केर मोताबिक उके दूई गुणा बदला देवा। जे कटोरा में उ भाइर देई रहे ओहे कटोरा में उकर लगिन दूई गुणा भाइर देवा।

प्रकाशितवाक्य 6:10

आउर उमन जोर से आवाज देई के कहलैं, “हे मालिक, तोंय पवितर आउर सच्चा हेकिस। तोंय कब तक फैसला नी करबे? आउर धरती में रहेक वाला आदमीमन से हमर लोहू केर पलटा केखन तक नी लेबे?”