2 तीमुथियुस 3:8 - सादरी नवाँ नियम

⁸ झूठा सिखाएक वालामन मसीह केर सच्चा संदेश के परचार करेक से रोकेक केर कोशिश करैना, जइसन यन्नेस आउर यम्ब्रेस मूसा केर बिरोध काइर रहैं। उमन केर बुद्धि भ्रष्ट होई जाय हे, आउर उमन मसीह उपरे बिसवास नी करैना।

2 तीमुथियुस 3:8 Iomraidhean Croise

खास चेलामन केर काम 15:24

हमरे सुइन ही कि हमर हिंयाँ से थोरेक बिसवासी भाईमन हूवाँ जाय के तोहरे के अपन गोइठमन से घबराय देलैं, आउर तोहर मन के दुबिधा में काइर देई हैं, मगर हमरे उमन के इ आगया नी देई रही।

रोमानियनमन 1:28

आउर जब उमन परमेश्‍वर के अपनाएक बेकार समझलैं तो परमेश्‍वर हों उ सोउब अनुचित काममन के करेक लगिन उमन के उ मनक निकम्मा मन केर वश में छोइड़ देलक।

रोमानियनमन 16:18

काले कि एइसन आदमीमन हमर प्रभु मसीह केर निहीं, मगर अपन फायदा लगिन सेवा करैना, आउर उमन मिठा-मिठा गोइठमन से सीधा-सादा आदमीमन के बहकाय देवैना।

इफिसियनमन 4:14

ताकि आगे हमरे छउवामन नियर नी रहब, आउर ना उ डोंगा नियर, जे पानी केर लहरा से हिने-हुने उछलत रहेला आउर हवा से कखनों इ दिशा, तो कखनों उ दिशा घूमते रहेला। हमरे के धोखेबाज आदमीमन केर झूठा शिक्षामन से, जे सच्चा नियर लगेला बहकेक नखे।

1 तीमुथियुस 1:19

आउर तोके मसीह उपरे बिसवास में बनल रहेक चाही आउर तोर में एगो शुद्ध बिवेक होवेक चाही। थोरेक आदमीमन उ शुद्ध बिवेक के छोइड़ देलैं जेकर नतीजा इ होलक कि अब उमन बिसवास में नखैं।

1 तीमुथियुस 4:2

कपट से भरल आउर झूठा ओहेमन हेकैं जेमन झूठा शिक्षामन के सिखायना, उमन केर बिवेक जे सही गलत के नी बतायला, मोइर जाय हे, जइसन कि एगो गरम लोहा उके दाइग देई हे।

1 तीमुथियुस 6:5

आउर उमन केर माझे में बेकार झगरा शुरु होवेला, जेमन केर बुद्धि बिगइड़ जाय हे आउर उमन सच्चाई से भटइक जाय हैं, जेमन समझैना कि परमेश्‍वर केर बारे में सिखाएक रुपया कमाएक केर जरिया हेके।

2 तीमुथियुस 4:15

तोंय हों उकर से ढेइर सावधान रह, काले कि उ यीशु मसीह केर बारे हमर शिक्षामन केर ढेइर हें बिरोध काइर हे।

तीतुस 1:10

मोंय एइसन इ लगिन कहाथों, काले कि ढेइर आदमीमन सही शिक्षा केर बिरोध में ठड़ाय हैं, जेमन बेकार गोइठमन के सिखायना आउर दोसरमन के धोखा देवैना। खास काइर के उ यहूदीमन एइसन करैना जेमन बिसवासी बाइन हैं। उमन इ चाहैना कि सोउब बिसवासीमन यहूदी नियम केर मोताबिक खतना करवाओक।

तीतुस 1:16

झूठा सिखाएक वलामन कहैना, हमरे परमेश्‍वर के जानिला, मगर उ मनक काम सफा-सफा बतायला कि उमन परमेश्‍वर के नी जानैना। काले कि उमन घिनघिना आउर आगया नी मानेक वाला हेकैं, आउर कोनों बेस काम केर लाएक नखैं।

2 पतरस 2:14

उमन हर एक जनाना केर संगे गलत संबंध रखेक चाहैना, जेके उमन देखैना। उमन पाप करेक केर मोका सोउब बेरा खोजते रहैना, उमन उ आदमीमन के धोखा देवैना जेमन मसीह में मजबूती से भरसा नी करैना, आउर उमन के पाप बटे लेई जायना। उमन केर बगरा से बगरा चीजमन के पावेक केर लालसा केर खातिर परमेश्‍वर उमन के दंड देवी।

1 यूहन्ना 2:18

हे दुलार छउवामन, इ आखरी समय हेके आउर जइसन तोहरेमन सुइन हा कि मसीह केर बिरोधी आवेक वाला अहे, उकर मोताबिक एखन हों ढेइर मसीह केर बिरोध करेक वालामन उइठ ठड़ाय हैं। इकर से हमरे जानिला कि इ आखरी समय हेके।

1 यूहन्ना 4:1

हे दुलार भाईमन, हरेक आदमी उपरे बिसवास ना करा जेमन पवितर आत्मा बटले बोलेक केर दावा करैना। मगर उमन के परखा कि उमन परमेश्‍वर बटले हेकैं कि निहीं, काले कि ढेइर बगरा झूठा परमेश्‍वर केर संदेश के बताएक वाला आदमीमन इ दुनिया में फाइल जाय हैं।

प्रकाशितवाक्य 2:20

मगर मोके तोर बिरोध में इ कहेक अहे कि तोंय उ जनाना इजेबेल के रहेक देविसला जे खुद के परमेश्‍वर केर संदेश बताएक वाला कहेला, आउर मोर सेवकमन के ब्यभिचार करेक आउर मूर्तिमन लगिन बलि चढ़ाल चीजमन के खाएक लगिन सिखाय के बहकायला।

प्रकाशितवाक्य 2:6

मगर हाँ, तोर में इ गोइठ तो अहे कि तोंय निकोलास केर चेलामन केर काममन से घिरना करिसला, जेमन से मोंय हों घिरना करोना।