2 तीमुथियुस 3:6 - सादरी नवाँ नियम

⁶ एहेमन में से थोरेक आदमीमन दोसर मनक घर में जायना आउर मूरख जनानामन के अपन कब्जा में काइर लेवैना। जेमन पापमन से दबल आउर सोउब रकम केर बुरा इच्छामन केर कब्जा में अहैं।

2 तीमुथियुस 3:6 Iomraidhean Croise

मत्ती 11:28

हे सोउब मेहनइत करेक वाला आउर बोझा से जँताल आदमीमन, मोर ठिना आवा, मोंय तोहरेमन के आराम देमूँ।

मत्ती 23:13

हे ढोंगी मूसा केर नियम के सिखाएक वाला आउर फरीसी दल केर आदमीमन, तोहर उपरे हाय! तोहरेमन आदमीमन केर लगिन स्वरग राइज केर दुरा के बंद काइर देवाला, तोहरेमन खुद हें उकर में नी ढूकाला आउर जेमन ढूकेक खोजैना ओहोमन के ढूकेक नी देवाला।

मत्ती 23:14

हे ढोंगी मूसा केर नियम के सिखाएक वाला आउर फरीसी आदमीमन, तोहर उपरे हाय! तोहरेमन बिधवा जनाना मनक घर के धोखा से लुइट लेवाला आउर खुद के धरमी देखाएक लगिन ढेइर देरी तक प्रार्थना करते रहाला, से लगिन तोहरेमन के बगरा सजा भेटाई।

मत्ती 4:24

आउर उकर इ खबर गोटा सीरिया परदेस में फाइल गेलक। आदमीमन सोउब बेमरियामन के जेमन कायनों रकम केर बेमारीमन आउर दुःखमन में जकड़ल रहैं आउर जेमन में भूतमन रहैं, आउर मिरगी गिरेक वालामन आउर लकवा मारल आदमीमन के उकर ठिना लानलैं आउर यीशु उमन के ठीक करलक।

मरकुस 4:19

मगर दुनिया केर चिंता-फिकिर, आउर धन केर मोह-माया, आउर चीज-बसूत केर लोभ, उ मनक मन में भाइर जायला आउर बचन के दबाय देवेला, आउर उमन बेगर फार केर जिंदगी जियैना।

1 कुरिनथियनमन 12:2

तोहरेमन जानाला कि जब तोहरे परमेश्‍वर के नी जानत रहा, तब तोहरे के केऊ दोसर आदमी उ मूर्तिमन केर पूजा करेक लगिन चलात रहे, जे मूर्तिमन बोलेक नी पारेला।

1 तीमुथियुस 5:6

मगर उ बिधवामन जेमन अपन पूरा समय भोग बिलास में बिताय देवैना, उमन जिंदा रहते हों एगो मोरल आदमी नियर अहैं।

1 तीमुथियुस 6:9

मगर जेमन धनी होवेक चाहैना उमन सोउब रकम केर पाप करेक लगिन सहजे धोखा खाय जायना, आउर एगो शिकार नियर शिकारी केर फँसरी में फाँइस जायना। उमन एइसन चीजमन के करेक खोजैना जे बेकार आउर नोकसान करेक वाला हेके, जे उमन के बरबाद आउर नाश काइर देवी।

तीतुस 1:11

इमन के सिखाएक केर आगया ना दे, काले कि जब इमन उ गोइठमन के सिखायना जेके नी सिखाएक चाही, तब उमन पूरा परिवार केर आदमी मन केर बिसवास के मेटाय देवैना। उमन एइसन रुपया कमाएक लगिन करैना।

तीतुस 3:3

काले कि हमरे हों बिसवासी बनेक से पहिले निरबुद्धि, आउर आगया नी मानेक वाला, आउर भ्रम में पड़ल रही, आउर लगातार रकम-रकम केर बुरा काममन के करत रही, आउर सुख बिलास केर काममन के करेक में बंधाल रही, आउर हमरे अपन समय के दुष्ट काममन के करेक में बितात रही, आउर दोसरमन से हिसिंगा-डाह करेक में जिंदगी के बितात रही, दोसरमन हमरे से नफरत करत रहैं आउर हमरे एक दोसर संगे नफरत करत रही।

2 पतरस 2:18

जब उमन आदमीमन के गेयान देवैना, तो उमन बेकार आउर घमंड से भरल शबदमन केर इस्तेमाल करैना। उमन आदमीमन के बतायना कि उमन उ लज्जा केर काममन के करेक लगिन आजाद अहैं जेके उमन केर काया करेक चाहेला आउर उमन के फिर से पाप करेक लगिन भरमाय देवैना, जे एखन-एखन दुष्ट जिंदगी से बाइच के निकइल हैं।

2 पतरस 3:17

इ लगिन हे दुलार बिसवासी भाई-बहिनमन, तोहरे पहिलेहें से इ गोइठमन के जाइन हा, से लगिन सावधान रहा, ताकि अधरमी आदमीमन केर बहकाएक में फाँइस के मसीह में अपन बिसवास के हेराय ना देवा।

यहूदा 1:16

आदमीमन हमेशा परमेश्‍वर केर बिरोध बोलैना आउर दोसर आदमीमन में गलती खोजैना। उमन लगातार उ बुरा काममन के करैना जे उमन केर मन करेक चाहेला। उमन अपन बारे में घमंड करैना आउर अपन लाभ लगिन दोसर आदमीमन केर मुँह देखी बड़ाई करैना।

यहूदा 1:18

उमन तोहरेमन से कहत रहैं, “आखरी समय में एइसन मजाक करेक वालामन आबैं, जे अपन अधरम केर वासनामन केर इच्छामन केर मोताबिक चाल चलबैं।”

यहूदा 1:4

काले कि थोरेक आदमीमन जे यीशु मसीह में बिसवास करेक केर देखावा करैना उमन तोहर माझे आय मिल हैं, उमन परमेश्‍वर के नी मानैना आउर गलत शिक्षा देवैना कि परमेश्‍वर अपन किरपा से हमरे केर पापमन के क्षमा काइर देवेला, एहे लगिन हमरे गलत काम में जिंदगी जियेक पारिला। उमन यीशु मसीह के इनकार करैना जे हमर एके गो मालिक आउर प्रभु हेके। ढेइर समय पहिले पवितर किताब में लिखल जाय रहे कि परमेश्‍वर एइसन आदमीमन के सजा देवी।