2 तीमुथियुस 3:5 - सादरी नवाँ नियम

⁵ उमन खुद एइसन देखाबैं जइसन कि परमेश्‍वर केर सेवा करैना, मगर उकर शक्ति के नी मानबैं, जे उमन केर जिंदगी के बदलेक पारेला, तोंय एइसन आदमीमन से दूर रहबे।

2 तीमुथियुस 3:5 Iomraidhean Croise

मत्ती 7:15

झूठा संदेश देवेक वालामन से सावधान रहबा, उमन भेड़ीमन केर भेष धाइर के तोहर ठिना आवैना, मगर हकीकत में उमन नोकसान पोंहचाएक वाला भेड़ियामन नियर रहैना।

इफिसियनमन 4:14

ताकि आगे हमरे छउवामन नियर नी रहब, आउर ना उ डोंगा नियर, जे पानी केर लहरा से हिने-हुने उछलत रहेला आउर हवा से कखनों इ दिशा, तो कखनों उ दिशा घूमते रहेला। हमरे के धोखेबाज आदमीमन केर झूठा शिक्षामन से, जे सच्चा नियर लगेला बहकेक नखे।

2 थिस्सलुनीकियनमन 3:14

अगर केऊ हमर इ चिट्ठी केर संदेश के नी मानी, तो पता लगावा कि उ केहर हेके, आउर उकर से जुदाय रहा, ताकि उके लाज लगोक।

2 थिस्सलुनीकियनमन 3:6

हे भाईमन, हमरे अपन प्रभु यीशु मसीह केर उ अधिकार से जेके हमरे के देई हे तोहरेमन के आगया देवीला, एइसन केऊवे बिसवासी भाई-बहिन से जुदा रहा जेमन आलसी अहैं, आउर उ आगयामन के नी मानैना जेमन के हमरे तोहरेमन के सिखाय ही।

1 तीमुथियुस 4:7

अशुद्ध आउर झूठा कहानीमन में अपन समय के ना गवाँव, मगर परमेश्‍वर के आदर देवेक वाला जिंदगी जी के, खुद के लगातार सिखाते रह।

1 तीमुथियुस 4:8

काले कि काया केर साधना से थोरके फायदा होवेला, मगर परमेश्‍वर केर भक्ति से सोउब गोइठमन लगिन फायदा होवेला, काले कि इकर से एखन इ जिंदगी में आउर पाछे आवेक वाला जिंदगी में हों इनाम केर करार करल जाय हे।

1 तीमुथियुस 5:8

अगर केऊ अपन रिश्तेदारमन केर मदइत नी करी आउर खास काइर के अपन परिवार केर जरुरत के पूरा नी करी, तो उ बिसवास से भटइक जाय हे, आउर अबिसवासी से हों बुरा बाइन जाय हे।

1 तीमुथियुस 6:5

आउर उमन केर माझे में बेकार झगरा शुरु होवेला, जेमन केर बुद्धि बिगइड़ जाय हे आउर उमन सच्चाई से भटइक जाय हैं, जेमन समझैना कि परमेश्‍वर केर बारे में सिखाएक रुपया कमाएक केर जरिया हेके।

2 तीमुथियुस 2:16

मगर बेकार गोइठमन के ना सुन, जेकर से परमेश्‍वर के कोनों आदर नी मिलेला। बल्कि एइसन गोइठमन आदमीमन के परमेश्‍वर से आउर बगरा दूर लेई जायला।

2 तीमुथियुस 2:23

बे मतलब केर आउर उटपटांग बक-झक से दूर रह, काले कि तोंय जानिसला, उमन से झगरा होवेला।

तीतुस 1:16

झूठा सिखाएक वलामन कहैना, हमरे परमेश्‍वर के जानिला, मगर उ मनक काम सफा-सफा बतायला कि उमन परमेश्‍वर के नी जानैना। काले कि उमन घिनघिना आउर आगया नी मानेक वाला हेकैं, आउर कोनों बेस काम केर लाएक नखैं।

तीतुस 3:10

अगर केऊ कलीसिया के तोरेक वाला अहे, तो उके कम से कम दूई बेर चेताव कि उ एइसन ना करोक, फिन भी अगर उ एइसनेहें करते रहेला तो उकर से अलगे होई जा।