2 तीमुथियुस 3:4 - सादरी नवाँ नियम

⁴ जेमन, उमन उपरे भरसा करैना ओहोमन के इनकार काइर देबैं, लापरवाह होबैं, खुद के दोसरमन से बेस सोचबैं, आउर उमन परमेश्‍वर के निहीं, बल्कि भोग बिलास केर हें खोजार करबैं।

2 तीमुथियुस 3:4 Iomraidhean Croise

खास चेलामन केर काम 19:36

अब जबकि इ गोइठमन बिलकुल सच हेके तो उचित अहे कि तोहरे चुप रहा आउर बेगर सोच बिचार काइर के कोनों ना करा।

खास चेलामन केर काम 7:52

परमेश्‍वर केर संदेश के बताएक वालामन में से केके तोहर बाप दादामन नी सतालैं? उमन उ परमेश्‍वर केर संदेश के बताएक वालामन के माइर मोरालैं, जेमन धरमी आदमी मतलब मसीह केर आवेक केर भविष्यवाणी काइर रहैं आउर अब तोहरे हों जब यीशु आलक तो उके धरुवाय के मरुवाय देला।

रोमानियनमन 11:20

इ ठीक अहे, उमन तो अबिसवास केर चलते बेस जैतून केर गाँछ से टुटाल गेलैं, मगर तोहरेमन बिसवास से बनल रहाला, इ लगिन घमंडी ना होवा मगर परमेश्‍वर से डरावा।

रोमानियनमन 16:18

काले कि एइसन आदमीमन हमर प्रभु मसीह केर निहीं, मगर अपन फायदा लगिन सेवा करैना, आउर उमन मिठा-मिठा गोइठमन से सीधा-सादा आदमीमन के बहकाय देवैना।

1 तीमुथियुस 3:6

फिन उ आदमी नवाँ बिसवासी नी होवेक चाही, कहीं एइसन ना होवोक कि उ घमंडी बाइन जाई, आउर परमेश्‍वर उके ओहे नियर दंड देवी जइसन शैतान के घमंडी होवेक केर चलते दंड देलक।

1 तीमुथियुस 5:6

मगर उ बिधवामन जेमन अपन पूरा समय भोग बिलास में बिताय देवैना, उमन जिंदा रहते हों एगो मोरल आदमी नियर अहैं।

1 तीमुथियुस 6:17

इ दुनिया केर धनी आदमीमन के आगया दे कि उमन घमंडी ना बनोक आउर जल्दी सिराएक वाला धन उपरे आसरा ना राइख के परमेश्‍वर उपरे आसरा रखोक, जे हमर सोउब जरुरत केर चीजमन के भरपूर देवेला।

यहूदा 1:19

इ आदमीमन, उमन हेकैं, जेमन तोहर माझे फूट काइर देवैना। इमन अपन बुरा इच्छा केर मोताबिक चलैना आउर इमन में पवितर आत्मा नखे।

यहूदा 1:4

काले कि थोरेक आदमीमन जे यीशु मसीह में बिसवास करेक केर देखावा करैना उमन तोहर माझे आय मिल हैं, उमन परमेश्‍वर के नी मानैना आउर गलत शिक्षा देवैना कि परमेश्‍वर अपन किरपा से हमरे केर पापमन के क्षमा काइर देवेला, एहे लगिन हमरे गलत काम में जिंदगी जियेक पारिला। उमन यीशु मसीह के इनकार करैना जे हमर एके गो मालिक आउर प्रभु हेके। ढेइर समय पहिले पवितर किताब में लिखल जाय रहे कि परमेश्‍वर एइसन आदमीमन के सजा देवी।