2 तीमुथियुस 3:2 - सादरी नवाँ नियम

² काले कि आदमीमन सिरिफ अपनेहें चिंता करबैं, धन केर लोभी होबैं, बड़े-बड़े गोइठ गोठियाबैं, घमंडी होबैं, दोसर मनक निंदा करबैं, आयो-आबा केर आगया नी मानबैं, उमन मदइत करेक वालामन के हों धन्यबाद नी देबैं, आउर अपवितर होबैं,

2 तीमुथियुस 3:2 Iomraidhean Croise

मत्ती 15:6

तो उके अपन आयो-आबा केर आदर करेक केर जरुरत नखे, इ लेखे तोहरेमन अपन पुरखा मनक बनाल नेग-दस्तूर के मानेक लगिन परमेश्‍वर केर बचन के टाइल देवाला।

लूका 12:15

तब यीशु उमन से कहलक, “सावधान रहा, आउर सोउब रकम केर लोभ से खुद के बचाय के रखा। काले कि ढेइर सम्पति से केखो सच्चा जिंदगी नी मिलेला।”

लूका 16:14

फरीसी दल केर आदमीमन जेमन धन-दौलत केर लोभी रहैना। इ सोउब गोइठमन के सुइन के यीशु केर मजाक उड़ाएक लगलैं।

लूका 6:35

मगर तोहरेमन अपन दुश्मनमन से प्रेम करा आउर उ मनक भलाई करा। आउर फिन पावेक केर आसरा राइख के उधरा ना देबा। तब तोहर इनाम महान होवी आउर तोहरेमन परमप्रधान केर संतान बाइन जबा, काले कि परमेश्‍वर बुरा आदमीमन केर आउर जेमन परमेश्‍वर के धन्यबाद नी देवैना, उ मनक उपरे हों दया करेला।

खास चेलामन केर काम 5:36

काले कि थोरेक दिन पहिले थियूदास हों इ दावा करत रहे कि मोंय हों महान आदमी हेकों। आउर लगभग चाइर सौ आदमीमन उकर चेला बाइन गेलैं, मगर उ माइर मोराल गेलक, आउर उके मानेक वाला सोउब आदमीमन तितिर-बितिर होई गेलैं आउर उ मनक नामो-निशान मिट गेलक।

रोमानियनमन 11:18

तो डाइरमन उपरे घमंड ना करबा जे काइट के फेकल जायला, आउर अगर तोहरे घमंड करबा, तो जाइन लेवा कि तोहरे जाइर के निहीं मगर जाइर तोहरे के संभरायला।

2 कुरिनथियनमन 5:15

आउर मसीह इकर चलते सोउब केर लगिन मोरलक कि जेमन जिंदा अहैं, उमन अब आगे खुद के खुश करेक लगिन ना जिओक, मगर उमन के मसीह केर लगिन जियेक चाही, जे उमन लगिन मोरलक आउर फिन जी उठलक।

फिलिप्पियनमन 2:21

काले कि सोउबमन अपन फायदा केर खोजार में रहैना, ना कि यीशु मसीह केर।

कुलुसियनमन 3:5

इ लगिन तोहरे उ बुरा काममन के करेक छोइड़ देवा जे तोहरे केर पापी स्वभाव में जुड़ल अहे। जे इ धरती में अहे मतलब ब्यभिचार, अशुद्ध काम, बुरा बिचार, बुरा लालसा आउर लोभ जे मूर्ति पूजा केर बराबइर अहे।

2 थिस्सलुनीकियनमन 2:4

जे परमेश्‍वर केर बिरोध करी आउर आउरो सोउब चीजमन केर हों बिरोध करी, जेकर आदमीमन भक्ति करैना, आउर उ अपने आप के सोउब से ऊँचा उठाई, हिंयाँ तक कि उ परमेश्‍वर केर मंदिर में बाइठ के खुद के ईश्‍वर बताई।

1 तीमुथियुस 1:20

ओहेमन में से हुमिनयुस आउर सिकंदर हेकैं, जेमन के मोंय कलीसिया से बाहरे निकलाय देलों आउर शैतान के सोंइप देलों कि उमन परमेश्‍वर केर निंदा करेक ना सिखाओक।

1 तीमुथियुस 1:9

इ जाइन के कि मूसा केर नियम धरमी आदमीमन लगिन निहीं मगर अधरमीमन आउर अत्याचारीमन, भक्तिहीनमन आउर पापीमन, अपवितरमन आउर अशुद्ध आदमीमन, आयो-आबा के मोराएक वालामन आउर हत्यारामन,

1 तीमुथियुस 3:3

उ पियंक्कड़ आउर मार पीट करेक वाला आउर लड़ाई झगरा करेक वाला आउर धन केर लोभ करेक वाला नी होवेक चाही, मगर नरम स्वभाव वाला होवेक चाही।

1 तीमुथियुस 6:10

धन केर लोभ सोउब रकम केर बुराईमन केर जाइर हेके, थोरेक आदमीमन एहे धन के पावेक केर कोशिश करते धीरे-धीरे मसीह केर शिक्षामन केर उपरे बिसवास करेक छोइड़ देलैं आउर उमन बरने-बरन केर दुःख से पीड़ित अहैं, एगो एइसन आदमी नियर जे खुद के एगो हँथियार से बेइध लेई हे।

1 तीमुथियुस 6:4

तो उ आदमी घमंडी होई गेलक, आउर कोनों नी समझेला। एइसन आदमी बेकार गोइठमन आउर शबदमन केर बारे में बक-झक आउर झगरा करेक केर इच्छा रखेला, जेकर से जलन, झगरा, आउर परमेश्‍वर केर निंदा, आउर उकर सच्चाई केर बारे में शंका होवेला,

2 तीमुथियुस 3:4

जेमन, उमन उपरे भरसा करैना ओहोमन के इनकार काइर देबैं, लापरवाह होबैं, खुद के दोसरमन से बेस सोचबैं, आउर उमन परमेश्‍वर के निहीं, बल्कि भोग बिलास केर हें खोजार करबैं।

याकूब 2:8

पवितर किताब में लिखल अहे, “तोहरे अपन पड़ोसी से अपन नियर प्रेम करा।” अगर तोहरे इकर मोताबिक इ खास आगया के पूरा कराला तो बेस हें कराला।

याकूब 4:16

मगर अब तोहरेमन अपन अहंकार से बनाल योजना उपरे घमंड कराला, एइसन सोउब घमंड बुरा होवेला।

याकूब 4:6

उ किरपा जे परमेश्‍वर हमरेमन के देवेला ढेइर शक्तिशाली अहे, एहे लगिन पवितर किताब में लिखल अहे, “परमेश्‍वर घमंडीमन से बिरोध करेला, मगर नरम आदमीमन केर उपरे किरपा करेला।”

1 पतरस 5:5

हे जवान छोड़ा-छोंड़ीमन, एइसनेहें काइर के तोहरे के कलीसिया केर अगुवामन केर अधीन रहेक चाही, तोहरे सोउब के नरम भाव से एक-दोसर केर मदइत करेक चाही, काले कि आबा परमेश्‍वर केर बचन में लिखल अहे, “परमेश्‍वर घमंडी आदमीमन केर बिरोध करेला, मगर नरम आदमीमन उपरे किरपा करेला।”

2 पतरस 2:10

खास काइर के परमेश्‍वर उ झूठा पढ़ाएक वाला आदमीमन के दंड देवी, जे अपन बुरा काममन केर लालसा केर मोताबिक काम करैना आउर जे अपन उपरे परमेश्‍वर केर अधिकार के नी मानैना। उमन ढींठ आउर घमंडी अहैं, उमन महिमा से भरल स्वरगदूतमन केर बारे में बुरा कहेक से हों नी डरायना।

2 पतरस 2:12

मगर इमन निरबुद्धिया जानवरमन नियर काम करैना, ठीक उइसनेहें करैना जइसन उमन केर काया चाहेला आउर जे इ लगिन जनम होवैना कि आदमीमन उमन के फँसाय के मोराएक पारोक। उमन उ चीजमन केर अपमान करैना जेकर बारे में उमन हकीकत में कोनोवें नी जानैना। परमेश्‍वर इमन के तइसनेहें हें नाश करी जइसन आदमीमन जानवरमन के मोरायना।

2 पतरस 2:18

जब उमन आदमीमन के गेयान देवैना, तो उमन बेकार आउर घमंड से भरल शबदमन केर इस्तेमाल करैना। उमन आदमीमन के बतायना कि उमन उ लज्जा केर काममन के करेक लगिन आजाद अहैं जेके उमन केर काया करेक चाहेला आउर उमन के फिर से पाप करेक लगिन भरमाय देवैना, जे एखन-एखन दुष्ट जिंदगी से बाइच के निकइल हैं।

2 पतरस 2:3

इमन के पढ़ाएक वालामन लालची होबैं, आउर उमन बना-बनाल कहनीमन के सुनाय के तोहरे के धोखा देबैं ताकि तोहरे से पैसा कमाएक पारबैं। परमेश्‍वर ढेइर समय पहिलेहें फैसला काइर रहे कि उ उमन के दंड देवी आउर उ एइसन करेक लगिन तेयार अहे। उ पक्का उमन के नाश काइर देवी।

यहूदा 1:16

आदमीमन हमेशा परमेश्‍वर केर बिरोध बोलैना आउर दोसर आदमीमन में गलती खोजैना। उमन लगातार उ बुरा काममन के करैना जे उमन केर मन करेक चाहेला। उमन अपन बारे में घमंड करैना आउर अपन लाभ लगिन दोसर आदमीमन केर मुँह देखी बड़ाई करैना।

प्रकाशितवाक्य 13:1

तब मोंय समुदर में से खूंखार जानवर के निकलते देखलों। उकर दस गो सींग आउर सात गो मूँड़ रहे। उकर दसो सींगमन में एक-एक राजमुकुट रहे आउर उकर मूँड़मन उपरे परमेश्‍वर केर निंदा करेक वाला नाँव लिखल रहे।

प्रकाशितवाक्य 16:11

आउर अपन बाथामन आउर फोड़ामन केर खातिर स्वरग केर परमेश्‍वर केर निंदा करलैं, मगर अपन-अपन पाप काम के करेक नी छोड़लैं।

प्रकाशितवाक्य 16:21

आकाश से आदमीमन केर उपरे मन-मन भइर केर बड़का ओला गिरलक, इ बिपइत ढेइर भारी रहे, आदमीमन इ बिपइत केर चलते परमेश्‍वर केर निंदा करलैं।

प्रकाशितवाक्य 16:9

आउर आदमीमन ढेइर आँच से झुलइस गेलैं, आउर परमेश्‍वर केर नाँव केर जेके इ बिपइतमन उपरे अधिकार अहे, निंदा करलैं मगर पाप करेक नी छोड़लैं आउर परमेश्‍वर के हों महिमा नी देलैं।