2 तीमुथियुस 3:17 - सादरी नवाँ नियम

¹⁷ ताकि इके पालन काइर के परमेश्‍वर केर आदमी हर रकम से बेस काम करेक लगिन तेयार रहोक।

2 तीमुथियुस 3:17 Iomraidhean Croise

खास चेलामन केर काम 9:36

याफा नगर में तबिता नाँव केर एगो बिसवासी जनाना चेला रहत रहे, यूनानी भाषा में उकर नाँव दोरकास रहे। उ ढेइर बेस-बेस काम आउर गरीब आदमीमन केर मदइत करत रहे।

2 कुरिनथियनमन 9:8

आउर परमेश्‍वर तोहरे के तोहर जरुरत से बगरा आशीष देवेक पारेला, ताकि तोहरे ठिना हर समय सोउब कुछ रही, जेकर तोहरे के जरुरत अहे, आउर दोसरमन के बाँटेक लगिन ढेइर बचल हों रही।

इफिसियनमन 2:10

काले कि हमरे परमेश्‍वर केर बनाल हेकी, उ हमरे के यीशु मसीह में उकर भला काममन के करेक लगिन बनाय हे, जे काममन के करेक लगिन परमेश्‍वर हमरे के पहिले से तेयार काइर हे।

1 तीमुथियुस 6:11

मगर हे तीमुथियुस, तोंय परमेश्‍वर केर सेवा करेक वाला आदमी हेकिस, तोंय इ सोउब चीजमन के करेक से बचबे आउर धरमी बाइन के, भक्ति, बिसवास, प्रेम, धीरज आउर नरम भाव से आदमीमन केर संगे रह।

2 तीमुथियुस 2:21

से लगिन अगर केऊ खुद के उ सोउब से जे मइला अहे सफा करी, तो उ आदर केर बासन नियर पवितर गिनाई, जेके खास मोका में इस्तेमाल करल जायला। आउर उ अपन मालिक केर काम में आवेक लायक बाइन जाई, आउर हरेक बेस काम के करेक लगिन तेयार होवी।

तीतुस 1:16

झूठा सिखाएक वलामन कहैना, हमरे परमेश्‍वर के जानिला, मगर उ मनक काम सफा-सफा बतायला कि उमन परमेश्‍वर के नी जानैना। काले कि उमन घिनघिना आउर आगया नी मानेक वाला हेकैं, आउर कोनों बेस काम केर लाएक नखैं।

तीतुस 2:14

जे खुद के हमर लगिन बलिदान काइर देलक, आउर हमरे के सोउब रकम केर अधरम से छुटकारा देलक आउर शुद्ध काइर के हमरे के अपन लगिन खास आदमी बनाय लेलक, जे भला काम करेक लगिन पूरा पुरी तेयार रहोक।

तीतुस 3:1

बिसवासीमन के याइद दिवाव कि उमन हाकिममन आउर अधिकारीमन केर आदर करोक, आउर उमन केर आगया के मानोक, आउर दोसरमन लगिन बेस काम के करोक।

इब्रानीमन 10:24

आवा हमरे एक दोसर के प्रेम करेक लगिन उसकाते रहब आउर भला काममन के करते रहब।