2 तीमुथियुस 3:16 - सादरी नवाँ नियम

¹⁶ पवितर किताब केर हरेक बचन, जेके परमेश्‍वर उमन केर दिमाग में साजलक जेमन उके लिखलैं, आउर इ आदमीमन के सिखाएक लगिन, आउर जेमन गलती करैना उमन के डाँटेक लगिन, आदमीमन केर दोष के सुधराएक लगिन आउर सही जिंदगी जियेक लगिन फायदा पोंहचाएक वाला हेके।

2 तीमुथियुस 3:16 Iomraidhean Croise

मत्ती 13:52

यीशु उमन से कहलक, “से लगिन मूसा केर नियम के सिखाएक वाला हरेक आदमी जे स्वरग राइज केर शिक्षा पाय हे, उ आदमी एगो एइसन घर मालिक जइसन अहे, जे अपन भंडार से नवाँ आउर पुरना चीजमन के निकलायला।”

मत्ती 21:42

यीशु उमन से कहलक, “का तोहरेमन कहियो पवितर किताब में इ नी पढ़ला कि जे पखना के राज मिस्त्रीमन बेकार जाइन के फेइक देई रहैं, ओहे कोना केर नेव केर पखना बाइन गेलक? इ प्रभु केर काम हेके, आउर हमर नजइर में अदभुत अहे।

मत्ती 22:43

यीशु उमन से पूछलक, “तो राजा दाऊद आत्मा केर अगुवाई से उके प्रभु काले कहेला? दाऊद कहलक,

मत्ती 26:54

अगर मोंय एइसन करमूँ तो पवितर किताब में लिखल गोइठ कइसन पूरा होवी, जेकर होवेक जरुरी अहे?”

मत्ती 26:56

मगर एखन जे कुछ होवाथे, उ इकर लगिन कि परमेश्‍वर केर संदेश के बताएक वालामन केर लिखल बचन पूरा होवोक।” तब सोउब चेलामन उके छोइड़ के भाइग गेलैं।

मरकुस 12:24

यीशु उमन से कहलक, “तोहरेमन पवितर किताब के नी बुझाला, जे मोरेक केर पाछे आदमीमन के जिंदा रहेक केर बारे में बतायला, तोहरेमन एहो नी बुझाला कि परमेश्‍वर ठिना मोरल आदमीमन के फिन से जिंदा करेक केर शक्ति अहे। से लगिन तोहरेमन भूल में अहा।

मरकुस 12:36

हिंयाँ तक कि राजा दाऊद खुद हें पवितर आत्मा केर चलाएक से कहलक, ‘परमेश्‍वर मोर प्रभु से कहलक, “तोंय मोर सिंहासन केर भतखाइया बटे बाइठ, जब तक कि मोंय तोर बैरीमन के हराय के पूरा-पुरी तोर गोड़ हेंठे नी काइर देमूँ।”’

यूहन्ना 10:35

जेमन ठिना परमेश्‍वर केर बचन पोहोंचलक, अगर उमन के पवितर किताब में ईश्‍वर कहल जाहे, तो इ गोइठ सच हेके।

यूहन्ना 3:20

काले कि जे केऊ बुराई काम करेला, उ इंजोत से बैर रखेला, आउर इंजोत केर भीरे नी आवेला, एइसन ना होवोक कि उकर काममन केर उपरे दोष लगाल जाई।

खास चेलामन केर काम 1:16

“हे भाईमन, पवितर आत्मा ढेइर समय पहिले राजा दाऊद केर मुँह से यहूदा केर बारे में बताय रहे, जे कि यीशु के धारेक वाला आदमीमन केर अगुवा बाइन गेलक। इ होवेक जरुरी रहे ताकि यहूदा केर बारे में पवितर किताब में लिखल गोइठ पूरा होवोक।

खास चेलामन केर काम 18:25

उ प्रभु केर डहर केर शिक्षा पाय रहे। उ पूरा मन लगाय के यीशु केर बारे में आदमीमन के ठीक-ठीक सुनात रहे, आउर सिखात रहे, मगर उ सिरिफ यूहन्ना केर बपतिस्मा जल संस्कार केर गोइठ के जानत रहे।

खास चेलामन केर काम 20:20

आउर जे-जे गोइठमन तोहर फायदा केर रहे, उमन के बताएक में मोंय नी हिचकिचालों, आउर आदमीमन केर सामने आउर घर-घर जाय के उकर बारे में शिक्षा देवेक से पिछे नी हटलो।

खास चेलामन केर काम 20:27

काले कि मोंय तोहरे के उ सोउब कुछ के बतालों, जेके परमेश्‍वर तोहरे के जनुवाएक चाहेला। मोंय कोनों के नी लुकालों।

खास चेलामन केर काम 28:25

जब उ मनक बिचार आपस में नी मिललक तो उमन हूवाँ से जाएक लगलैं, तब पौलुस उमन से इ गोइठ कहलक, “पवितर आत्मा परमेश्‍वर केर संदेश के बताएक वाला यशायाह केर मुँह से तोहर पुरखामन से ठीक हें कइह हे,

रोमानियनमन 15:4

जेतना गोइठमन पहिले से पवितर किताब में लिखल अहे, उमन हमरे हें केर शिक्षा लगिन लिखल जाय हे, ताकि हमरे धीरज आउर बिसवास में मजबूत होवब, जेके हमरे पवितर किताब से पाविला, ताकि हमरे ठिना आसरा रही।

रोमानियनमन 2:20

तोहरेमन सोचाला कि हमरे मूरखमन के सिखाएक वाला आउर छउवामन के उपदेस देवेक वाला हेकी। तोहरेमन के पक्का भरसा अहे कि गेयान आउर सच्चाई केर नमूना जे मूसा केर नियम में अहे, उ हमरे के मिल हे।

रोमानियनमन 3:2

मगर हाँ, यहूदी बनेक से ढेइर फायदा अहे, सोउब से खास बात तो इ अहे कि परमेश्‍वर केर बचन उमन के सोंपल गेलक।

रोमानियनमन 4:23

आउर इ बचन कि बिसवास उके धरमी ठहरालक, ना सिरिफ उकरे लगिन लिखल गेलक।

1 कुरिनथियनमन 12:7

परमेश्‍वर हरेक आदमी के आत्मा हाजिर अहे, इकर कोनों नी कोनों सबूत देवेला, ताकि सोउब बिसवासीमन केर मदइत करल जाओक।

गलातियनमन 3:8

आउर पवितर किताब में ढेइर पहिले इ लिखल अहे कि परमेश्‍वर परजाइत आदमीमन के बिसवास से धरमी ठहराई, पहिलेहें से अब्राहम के इ शुभ समाचार सुनाय देलक कि तोर में सोउब जाइतमन आशीष पाबैं।

2 तीमुथियुस 2:25

आउर बिरोधीमन के हों नरम होई के समझाओक, काले कि एहो होवेक परायला, परमेश्‍वर उमन के पाप के छोड़ेक आउर मसीह केर सच्चाई के जानेक में मदइत करी।

2 तीमुथियुस 4:2

कि तोंय परमेश्‍वर केर संदेश के परचार कर आउर जब आदमीमन परमेश्‍वर केर संदेश के सुनेक चाहैना, आउर जब सुनेक नी चाहैना सोउब समय तेयार रह, आदमीमन का गलती काइर हैं उके तोंय बताव आउर उ मनक पापमन केर खातिर उमन के डाँट। मगर उमन के उसकाव हों आउर धीरज से सिखाव।

इब्रानीमन 11:1

बिसवास उ चीजमन केर आसरा करेक हेके कि हमरे के उ चीजमन पक्का मिल जाई, जेके पावेक केर हमरे भरसा करिला, आउर इ भरसा करेक कि जे चीजमन के हमरे देखेक नी पारिला, उ चीजमन सचमुच में अहे।

इब्रानीमन 3:7

से लगिन जइसन कि पवितर किताब में पवितर आत्मा कहेला, “अगर आइज तोहरेमन उकर आवाज के सुनाथा,

इब्रानीमन 4:12

परमेश्‍वर केर बचन तो जिंदा आउर काम करेक वाला हेके, उ दुइयो आरा धार करल तलवाइर से हों बगरा चोखा अहे। उ आत्मा आउर प्राण, आउर काया केर जोड़, आउर गुदा तक पोंहइच जायला, आउर हमरे केर हिरदय केर सोच आउर बिचार के परखेला।