2 तीमुथियुस 3:14 - सादरी नवाँ नियम

¹⁴ हे तीमुथियुस, जे कोनों हमरे तोके सिखाय ही उकरे मोताबिक चलते रह, जेकर में तोंय पोक्ता बिसवास काइर हिस। आउर इके याइद रख कि इ गोइठमन के तोंय केकर से सीख हिस।

2 तीमुथियुस 3:14 Iomraidhean Croise

खास चेलामन केर काम 17:31

काले कि परमेश्‍वर एक दिन ठहराय हे, जेकर में उ अपन ठहराल आदमी से दुनिया केर आदमी मनक न्याय करी। आउर परमेश्‍वर उ ठहराल आदमी के मोरलमन में से फिन जियाय के इ गोइठ केर सबूत देई दे हे।”

रोमानियनमन 14:5

केऊ तो एक दिन के दोसर दिन से बाइढ़ के मानेला, आउर केऊ सोउब दिन के एक बराबइर मानेला। हर एक झन अपन मन में हें ठाइन लेवोक।

कुलुसियनमन 2:2

आउर मोंय तोहरे सोउब के बिसवास में मजबूत करेक चाहोना जेकर से तोहरे प्रेम में एक संगे जोड़ल जबा आउर सच्चाई केर भरपूर समझ में धनवान बाइन जबा आउर परमेश्‍वर आबा केर लुकल गोइठ के जे मसीह हेके जाइन जबा।

1थिस्सलुनीकियनमन 1:5

काले कि हमरे यीशु मसीह केर बारे में शुभ समाचार, तोहर ठिना बोली भइर से निहीं मगर पवितर आत्मा केर शक्ति से आउर बड़का भरसा केर संगे पोंहचाली। तोहरे जानाला कि जब हमरे तोहरे केर संग रही, तो तोहर भलाई केर लगिन कइसन जिंदगी बिताय रही।

1थिस्सलुनीकियनमन 2:13

इ लगिन हमरे हों परमेश्‍वर केर धन्यबाद लगातार करिला कि जब तोहरे उ संदेश के सुनला, जेके हमरे तोहर माझे परचार करली, तो तोहरे उके परमेश्‍वर केर बचन समइझ के ग्रहण करला आउर उ संदेश परमेश्‍वर बटले हें रहे। आउर अब तोहरेमन मसीह उपरे बिसवास कराला परमेश्‍वर केर इ संदेश तोहरे में काम कराथे।

1 तीमुथियुस 4:16

इकर बारे में सावधान रह कि तोंय कइसन रहिसला आउर का सिखाइसला, काले कि अगर एइसन करते रहबे, तो तोंय अपन आउर अपन सुनइयामन लगिन हों बचेक केर कारण होबे।

2 तीमुथियुस 1:13

से लगिन उ सच्चा शिक्षा के याइद रख, जेके तोंय मोर से सुइन हिस, आउर इ सोउब तोंय बिसवास आउर प्रेम से काइर के नमूना बान, काले कि तोंय यीशु मसीह केर संगे जुड़ल अहिस।

2 तीमुथियुस 2:2

आउर जे गोइठमन के ढेइर आदमीमन केर सामने यीशु मसीह केर बारे में संदेश के सिखाएक बेरा तोंय मोर से सुइन हिस, उमन के बिसवासी आदमीमन के सोंइप दे, जेमन दोसरमन के हों सिखाएक केर लाएक होबैं।

2 तीमुथियुस 3:15

जब तोंय एगो छोटका छउवा रहिस, सेहे बेरा से पवितर किताब केर गोइठमन के तोंय सीख हिस। जे तोके इ बुझेक में मदइत करेला कि जब तोंय यीशु मसीह उपरे बिसवास करिसला तो परमेश्‍वर तोके बचायला।

तीतुस 1:9

आउर उके मसीह केर बारे में बिसवास लाएक संदेश उपरे पोक्ता बिसवास करेक चाही जेके हमरे सिखाय ही। ताकि उ दोसरमन के सही शिक्षा केर पालन करेक ले उसकायक पारी, आउर जेमन सही शिक्षा केर बिरोध करैना उ उमन के गलत ठहराएक पारी।

इब्रानीमन 10:22

तो आवा हमरे अपन मन के शुद्ध काइर के आउर मसीह केर लोहू के हिरदय में छिड़काय के, आउर सफा पानी से अपन काया के धोई के, सच्चा मन आउर पूरा बिसवास केर संगे परमेश्‍वर ठिना आवब।

इब्रानीमन 6:11

से लगिन तोहरे कड़ा मेहनइत करा आउर कोढ़िया ना होवा, तोहरे के धीरज आउर बिसवास केर साथ लगातार इ भला काममन के आखरी तक करते रहेक चाही। आउर परमेश्‍वर जे आशीषमन के देवेक लगिन करार काइर हे उके पावेक लगिन उकर उपरे पक्का आसरा करा।