2 तीमुथियुस 3:13 - सादरी नवाँ नियम

¹³ मगर दुष्ट आउर बहकाएक वालामन धोखा देते आउर धोखा खाते, बिगड़ते चाइल जाबैं।

2 तीमुथियुस 3:13 Iomraidhean Croise

2 कुरिनथियनमन 6:8

आदमीमन केर बड़ाई करेक आउर तुच्छ जानेक से, हमरे के बुरा आदमी या बेस आदमी कहेक से, हमरे के भरमाएक वाला कहैना, फिन भी हमरे सच्चा हेकी।

1 तीमुथियुस 4:1

मगर पवितर आत्मा खुइल के बतायला कि आखरी दिनमन में थोरेक आदमीमन यीशु मसीह केर सच्चा शिक्षामन उपरे बिसवास करेक छोइड़ देबैं, उमन अशुद्ध आत्मामन केर शिक्षामन के मानबैं, जे उमन के भटकायला आउर उमन उ झूठा शिक्षामन उपरे बिसवास करबैं जे दुष्ट आत्मामन बटले आवेला।

2 तीमुथियुस 3:8

झूठा सिखाएक वालामन मसीह केर सच्चा संदेश के परचार करेक से रोकेक केर कोशिश करैना, जइसन यन्नेस आउर यम्ब्रेस मूसा केर बिरोध काइर रहैं। उमन केर बुद्धि भ्रष्ट होई जाय हे, आउर उमन मसीह उपरे बिसवास नी करैना।

तीतुस 3:3

काले कि हमरे हों बिसवासी बनेक से पहिले निरबुद्धि, आउर आगया नी मानेक वाला, आउर भ्रम में पड़ल रही, आउर लगातार रकम-रकम केर बुरा काममन के करत रही, आउर सुख बिलास केर काममन के करेक में बंधाल रही, आउर हमरे अपन समय के दुष्ट काममन के करेक में बितात रही, आउर दोसरमन से हिसिंगा-डाह करेक में जिंदगी के बितात रही, दोसरमन हमरे से नफरत करत रहैं आउर हमरे एक दोसर संगे नफरत करत रही।

2 पतरस 2:20

जब आदमीमन प्रभु यीशु मसीह के अपन प्रभु आउर छुटकारा देवाइया माइन लेई रहैं, तब प्रभु उमन के इ दुनिया केर बुराई से बचाय लेई रहे। मगर अब एक बेर फिन उमन बुरा काममन में फाँइस जाय हैं आउर उ बुरा काम अब उमन के अपन वश में करेला, इ लगिन तब मसीह के नी मानेक से उमन केर दशा उ मनक बिसवासी बनेक से पहिले केर दशा से हों बुरा होई जाय हे।

2 पतरस 3:3

सोउब से जरुरी गोइठ तोहरे के समझेक चाही कि मसीह केर घूइर आवेक से पहिले एइसन आदमीमन होबैं, जे तोहर मजाक उड़ाबैं, काले कि तोहरे बिसवास कराला कि मसीह फिन से घूइर आवी। उमन आदत से मजबूर होई के बुरा काममन के करबैं।

प्रकाशितवाक्य 12:9

तब उ बड़का अजगर मतलब ओहे पुरना साँप, जे इबलीस आउर शैतान कहायला, आउर गोटा दुनिया केर आदमीमन के भरमाएक वाला हेके, उकर दूतमन केर संगे उके धरती में गिराय देवल गेलक।

प्रकाशितवाक्य 13:14

आउर उ चिन्हामन केर खातिर जेके उ जानवर केर सामने देखाएक केर अधिकार उके देवल जाय रहे, उ धरती केर रहेक वाला आदमीमन के बहकात रहे आउर उमन से इ कहत रहे कि जे जानवर के तलवाइर लाइग रहे, उ जी जाय हे, उकर मूर्ति बनावा।

प्रकाशितवाक्य 18:23

दीया केर इंजोत कहियो तोर में फिन नी चमकी आउर दूल्हा आउर दुलहिन केर आवाज कहियो तोर में फिन नी सुनाई देई, काले कि तोर बेपारीमन धरती केर खास आदमीमन रहैं, आउर तोर ओझा से सोउब जाइतमन भरमाल जाय रहैं।