2 तीमुथियुस 3:12 - सादरी नवाँ नियम

¹² मगर जेतना आदमीमन मसीह यीशु में भक्ति केर संगे जिंदगी बिताएक चाहैना उमन सोउब सताल जाबैं।

2 तीमुथियुस 3:12 Iomraidhean Croise

मत्ती 16:24

तब यीशु अपन चेलामन से कहलक, “जे केऊ मोर चेला बनेक चाहैना, उमन अपन दुनियादारी केर मोह माया के छोइड़ देवोक आउर मोर लगिन क्रूस उठाएक आउर मोइर जाएक ले हों तेयार रहोक। आउर मोर पिछे होई लेवोक।

मत्ती 23:34

से लगिन देखा, मोंय अपन संदेश के बताएक वालामन, गेयानीमन आउर मूसा केर नियम के सिखाएक वालामन के तोहर ठिना भेजाथों, आउर तोहरेमन उमन में से कायनों झन के माइर मोराबा आउर कायनों झन के क्रूस उपरे चढ़ाबा, आउर कायनों झन के अपन प्रार्थना घर में कोड़रा से मारबा, आउर एक नगर से दोसर नगर में कुदाते पिछा करबा।

मरकुस 10:30

उ जरूर एहे जुग में सताव केर संगे इनाम केर रूप में घरमन, भाई-बहिनमन, आयोमन, छउवा-पुतामन आउर खेतमन सौ गुणा पावी। आउर आवेक वाला दिन में परमेश्‍वर उके जुग-जुग केर जिंदगी देई।

यूहन्ना 16:2

उमन तोहरेमन के यहूदी मनक प्रार्थना घरमन में से निकलाय देबैं, हिंयाँ तक कि उ समय आवाथे, जब तोहरेमन के मोराएक वालामन इ बुझबैं कि उमन परमेश्‍वर केर सेवा कराथैं।

यूहन्ना 16:33

मोंय तोहरेमन के इ गोइठमन के आगे हें बताय देलों, ताकि तोहरेमन के शांति मिलोक। दुनिया में तोहरेमन के दुःख सहेक होवी, मगर ढाढ़स बाँधा, मोंय दुनिया केर सरदार शैतान के हराय देई हों।”

यूहन्ना 17:14

मोंय तोर बचन के उमन के बताय देई हों, आउर दुनिया केर आदमीमन उमन से घिरना करलैं। काले कि जइसन मोर दुनिया से कोनों नाता नखे, तइसनेहें उमन केर हों दुनिया से कोनों नाता नखे।

खास चेलामन केर काम 14:22

उमन हरेक नगर में चेलामन के मजबूत आउर बिसवास में स्थिर रहेक लगिन इ उपदेस देवत रहैं कि हमरे के ढेइर दुःख साइह के स्वरग राइज में जाएक होवी।

1 कुरिनथियनमन 15:19

अगर मसीह से हमरे सिरिफ एहे जिंदगी भइर ले आसरा करिला, तो हमरे इ दुनिया में सोउब आदमीमन से बगरा अभागा हेकी।

2 कुरिनथियनमन 1:12

हमरे के इ गोइठ उपरे घमंड अहे कि हमरे केर बिवेक बिसवास दिवायला कि हमरे आदमीमन केर साथ, आउर खास काइर के तोहरे केर साथ, जे ब्यवहार काइर ही उ दुनिया केर गेयान केर मोताबिक निहीं, बल्कि उ सच्चाई आउर ईमानदारी केर मोताबिक रहे, जे परमेश्‍वर केर किरपा केर बरदान हेके।

2 कुरिनथियनमन 4:9

हमरे के आदमीमन सतायना, मगर परमेश्‍वर हमरे के नी छोड़ेला, माइर के गिराय तो देवैना, मगर परमेश्‍वर नाश होवेक से बचाय लेवेला।

1 तीमुथियुस 2:2

राजामन लगिन आउर उ सोउब आदमीमन केर लगिन प्रार्थना करा जेमन सरकारी अधिकारी हेकैं, ताकि उमन हमरे के शांति आउर चैन से रहेक में सहायता करोक, आउर हमरे परमेश्‍वर केर आराधना करेक पारब आउर दोसरमन से उचित ब्यवहार करब।

1 तीमुथियुस 3:16

आउर इकर में शंका नखे कि परमेश्‍वर जे शिक्षामन के खोइल देई हे, उ पूरा पुरी सच्चा अहे। मतलब, उ जे आदमी केर रूप में दिस्तार होलक, आउर उके पवितर आत्मा बटले परमेश्‍वर केर बेटा केर रूप में साबित करल गेलक, स्वरगदूतमन उके देखलैं, चेलामन दुनिया केर सोउब देस में उकर बारे में आदमीमन के खुश खबरी सुनालैं, दुनिया भइर केर आदमीमन उकर उपरे बिसवास करलैं, आउर परमेश्‍वर उके उपरे स्वरग में उठाय लेलक।

1 तीमुथियुस 6:3

अगर केऊ झूठा शिक्षा देवेला, आउर उ सही शिक्षामन से सहमत नी होवेला जे परमेश्‍वर के आदर देवेला, आउर जेके हमर प्रभु यीशु मसीह देई रहे।

तीतुस 1:1

इ चिट्ठी मोंय पौलुस बटले हेके, मोंय परमेश्‍वर केर दास आउर यीशु मसीह केर चुनल खास चेला हेकों। मोके परमेश्‍वर केर चुनल आदमीमन केर बिसवास के मजबूत करेक आउर यीशु मसीह केर सच्चा शिक्षामन के जानेक में मदइत करेक लगिन ठहराल जाय हे, ताकि उमन एइसन जिंदगी जिओक जे परमेश्‍वर के खुश करेला।

तीतुस 2:12

आउर अपन किरपा से परमेश्‍वर हमरे के सिखायला कि हमरे ओइसन ब्यवहार करेक छोइड़ देवब जे उके खुश नी करेला। आउर जे चीजमन केर इच्छा अबिसवासीमन करैना उकर इच्छा हमरे नी करब, आउर जबकि हमरे एखन इ दुनिया में हें अही, तो बुद्धिमानी आउर भक्ति केर संग इ नियर काम करब जे परमेश्‍वर के खुश करेला।

1 पतरस 3:14

अगर तोहरेमन सही अहा आउर सही काम करेक केर खातिर दुःख हों सहाला, तो परमेश्‍वर तोहरे के आशीष देवी, तइसनेहें करा जइसन परमेश्‍वर केर संदेश के बताएक वाला यशायाह लीख रहे, “उ आदमीमन से ना डरावा, जेमन तोहरे के डरुवायना आउर इ गोइठ केर फिकिर ना करा कि आदमीमन का करेक पारैना।”

2 पतरस 3:11

इ पक्का अहे कि परमेश्‍वर इ लेखे सोउब चीजमन के नाश काइर देवी तो सोचा तोहरे के कइसन चाल चलेक चाही? तोहरे के पवितर चाइल-चलन आउर धरमी जिंदगी जियेक चाही जेकर से परमेश्‍वर खुश होवेला।

प्रकाशितवाक्य 12:4

उकर पूँइछ आकाश केर एक तिहाई तइरगनमन के खींच के धरती में फेइक देलक। उ अजगर उ जनाना केर भीरे ठड़ालक, जे छउवा जनम देवेक केर बाथा में रहे ताकि छउवा केर जनमते हें उके लील जाओक।

प्रकाशितवाक्य 7:14

मोंय उके जबाब देलों, “हे मालिक, तोंय हें जानिसला।” उ मोर से कहलक, “इमन उमन हेकैं, जे उ बड़का दुःख में से निकइल के आय हैं, इमन अपन-अपन लुगा के मेमना केर लोहू में धोई के चरका काइर हैं।