2 तीमुथियुस 3:11 - सादरी नवाँ नियम

¹¹ तोंय उ भयानक दुःखमन केर बारे में हों जानिसला जे अंताकिया शहर, इकुनियुम आउर लुस्त्रा नगर केर आदमीमन बटले मोर उपरे पाइड़ रहे। आउर कइसन मोंय हूवाँ सताव के सहलों, मगर प्रभु मोके उ सोउब से छोड़ाय लेलक।

2 तीमुथियुस 3:11 Iomraidhean Croise

खास चेलामन केर काम 13:14

आउर पिरगा नगर से होई के उमन पिसिदिया परदेस केर अंताकिया शहर में पोहोंचलैं आउर उमन आराम केर दिन यहूदी मनक प्रार्थना घर में जाय के बाइठ गेलैं।

खास चेलामन केर काम 13:45

मगर यहूदी अगुवामन भीड़ के देइख के हिसिंगा से भाइर गेलैं आउर निंदा करते पौलुस केर गोइठमन केर बिरोध में कहेक लगलैं।

खास चेलामन केर काम 14:8

लुस्त्रा नगर में एगो आदमी बइठल रहे, जे जनम से हें लंगड़ा रहे आउर कहियो चलेक-फिरेक नी पाइर रहे।

खास चेलामन केर काम 20:19

आउर का लेखे मोंय आँसू बहाय-बहाय के खुद के नरम बनाय के उ सोउब बिपत्तिमन में प्रभु केर सेवा करते रहलों, जे यहूदी अगुवामन केर जाल फंदा केर खातिर मोर उपरे आय रहे।

खास चेलामन केर काम 23:10

जब झगरा ढेइर बाइढ़ गेलक तो पलटन केर सरदार के डार होलक कि कहीं इमन पौलुस के टुकरा-टुकरा ना काइर देबैं, से लगिन उ पलटनमन के हुकूम देलक कि पौलुस के सभा केर माझे से निकलाय के किला में लेई जाओक।

खास चेलामन केर काम 26:17

आउर मोंय तोके इसराइल केर आदमीमन से आउर परजाइत आदमीमन से बचामूँ, जेमन ठिना अब मोंय तोके भेजाथों।

खास चेलामन केर काम 26:22

मगर मोंय परमेश्‍वर केर मदइत से आइज तक जिंदा अहों, जेकर से आइज तोहरे केर आउर छोट बाड़ सोउब केर सामने सच्चाई केर गवाही देवाथों। जे गोइठमन केर बारे में मूसा आउर परमेश्‍वर केर संदेश के बताएक वालामन भविष्यवाणी काइर रहैं, उ गोइठमन के छोइड़ आउर कोनों गोइठ नी कहोना।

खास चेलामन केर काम 9:16

आउर मोंय उके बतामूँ कि आदमीमन के मोर बारे में बताएक केर चलते उके कइसन-कइसन दुःख उठाएक होवी।”

रोमानियनमन 15:31

ताकि मोंय यहूदिया परदेस केर अबिसवासीमन से बाइच के रहमूँ, आउर यरुशलेम शहर में परमेश्‍वर केर पवितर आदमीमन, जे मदइत केर पैसा मोंय उमन लगिन लेगमूँ उके लेई के खुश होबैं।

2 कुरिनथियनमन 1:5

काले कि जेतना बगरा हमरे मसीह केर दुःखमन में भागी होविला, ओतनेहें बगरा हमरे के दिलासा हों मिलेला।

2 कुरिनथियनमन 1:7

तोहरे केर बारे में हमरे के पक्का आसरा अहे, काले कि हमरे जानिला कि जे नियर तोहरेमन हमरे केर दुःखमन में शामिल अहा, ओहे नियर हमरे केर शांति में हों शामिल होबा।

2 कुरिनथियनमन 12:10

इकर खातिर मोंय मसीह लगिन कमजोरीमन में आउर निंदामन में, आउर गरीबीमन में, आउर हुड़दंगमन में, आउर संकटमन में, खुश अहों, काले कि जेखन मोंय कमजोर होओना, तखनेहें मोंय मसीह केर शक्ति से बलवान होवोना।

2 तीमुथियुस 4:7

मोंय यीशु मसीह केर सेवा करेक में कड़ा मेहनइत काइर हों, जेके करेक लगिन यीशु मसीह मोके देई रहे, मोंय आखरी समय तक बिसवास में बनल अहों।

2 पतरस 2:9

इ सोउब काम के जे आबा परमेश्‍वर बितल दिन में करलक, तो इकर से साफ पता चलेला कि परमेश्‍वर जानेला कि धरमी आदमी के का लेखे परीक्षा से निकलाई आउर दुष्ट आदमीमन के का लेखे फैसला होवेक केर दिन तक सजा देवेक लगिन रखी।