2 तीमुथियुस 3:10 - सादरी नवाँ नियम

¹⁰ मगर हे तीमुथियुस, तोंय मोर उपदेस, चाइल चलन, आउर मोर योजना, मोंय कइसन बिसवास करोना, मोंय मुसीबतमन के कइसन सहलों, आदमीमन के कइसन प्रेम काइर हों, आउर दुःखमन में कइसन धीरज धाइर हों, इ सोउब गोइठमन के तोंय जानिसला।

2 तीमुथियुस 3:10 Iomraidhean Croise

लूका 1:3

से लगिन हे श्रीमान थियुफिलुस, मोंय इ गोइठमन केर बारे में ठीक-ठीक जाँच पड़ताल करलों, आउर मोके बेस लगलक। से लगिन इ गोइठमन के तोर लगिन शुरु से आखरी तक जइसन होई रहे तइसनेहें लिखाथों।

खास चेलामन केर काम 11:23

जब बरनाबास हूवाँ पोहोंचलक तो उ परमेश्‍वर केर किरपा देइख के ढेइर खुश होलक। आउर उ सोउबमन के तन-मन केर साथ प्रभु यीशु में बनल रहेक लगिन उपदेस देलक।

खास चेलामन केर काम 2:42

उमन खास चेलामन से शिक्षा पावेक, आउर संगति रखेक आउर प्रभु भोज में मेसा होवेक में लगल रहैं आउर उमन एके संगे खात रहैं आउर प्रार्थना करेक में लीन रहैं।

खास चेलामन केर काम 20:18

जब उमन उकर ठिना आलैं तो पौलुस उमन से कहलक, “तोहरे जानाला कि आसिया परदेस में मोर आवेक केर पहिला दिन से हें मोर ब्यवहार तोहर संगे का लेखे रहलक।

खास चेलामन केर काम 26:4

मोंय छोटपन से अपन जाइतमन केर माझे आउर यरुशलेम शहर में हें जिंदगी बिताय हों। से लगिन सोउब यहूदी आदमीमन जानैना कि मोर चाइल-चलन कइसन अहे।

रोमानियनमन 16:17

अब हे बिसवासी भाईमन, मोंय तोहरेमन से बिनती करोना कि जेमन एक दोसर से झगरा लाडै़ना, आउर जेमन एइसन काम करैना जेकर से बिसवासीमन ठोकर खायना, उमन के जाइन लेवा आउर उमन से दूर रहा।

2 कुरिनथियनमन 1:17

जब मोंय एइसन फैसला करलों तो सोइच समइझ के करलों, मोंय दुनिया केर आदमीमन नियर करेक नी चाहत रहों, जेमन हाँ हों कहैना फिन पाछे से निहीं हों कहैना।

इफिसियनमन 4:14

ताकि आगे हमरे छउवामन नियर नी रहब, आउर ना उ डोंगा नियर, जे पानी केर लहरा से हिने-हुने उछलत रहेला आउर हवा से कखनों इ दिशा, तो कखनों उ दिशा घूमते रहेला। हमरे के धोखेबाज आदमीमन केर झूठा शिक्षामन से, जे सच्चा नियर लगेला बहकेक नखे।

फिलिप्पियनमन 2:20

काले कि मोर ठिना एइसन स्वभाव केर आउर केऊ दोसर आदमी नखैं, जेमन तोहर भलाई लगिन सच्चा मन से चिंता करैना।

फिलिप्पियनमन 2:22

मगर तोहरे तीमुथियुस के तो जानाला कि उकर चरितर अच्छा अहे, जइसन बेटा आबा केर संगे करेला, तइसनेहें उ शुभ समाचार के फैलाएक में मोर संगे मेहनइत काइर हे।

1थिस्सलुनीकियनमन 1:5

काले कि हमरे यीशु मसीह केर बारे में शुभ समाचार, तोहर ठिना बोली भइर से निहीं मगर पवितर आत्मा केर शक्ति से आउर बड़का भरसा केर संगे पोंहचाली। तोहरे जानाला कि जब हमरे तोहरे केर संग रही, तो तोहर भलाई केर लगिन कइसन जिंदगी बिताय रही।

1 तीमुथियुस 1:3

हे तीमुथियुस जइसन कि तोंय जानिसला कि इफिसुस शहर में थोरेक एइसन आदमीमन अहैं, जेमन गलत शिक्षा देवैना। उमन लगातार झूठा कहानीमन आउर पुरखामन केर लम्बा बंशावली के सिखायना, जब मोंय इफिसुस शहर से मकिदुनिया परदेस में जाएक लगिन तेयार रहों, तो मोंय तोके इफिसुस शहर में हें रहेक लगिन कहलों आउर उ आदमीमन के इ बताएक लगिन कहलों कि उमन एइसन शिक्षा ना देवोक। जब उमन एइसन गोइठ के सिखायना तो आदमीमन उमन केर बारे में बक-झक करैना। इकर नतीजा इ हेके कि उ सिखाएक वालामन उ काम के नी कराथैं, जेके परमेश्‍वर उमन के करेक ले देई रहे, उ काम के उमन सिरिफ परमेश्‍वर उपरे भरसा काइर के हें करेक पारैना।

1 तीमुथियुस 4:6

अगर तोंय सोउब बिसवासी भाईमन के लगातार इ गोइठमन के याइद करवाते रहबे, जेकर पालन काइर के तोंय बिसवास में मजबूत होई हिस, तो तोंय मसीह केर एगो अच्छा सेवक बनबे।

1 तीमुथियुस 6:11

मगर हे तीमुथियुस, तोंय परमेश्‍वर केर सेवा करेक वाला आदमी हेकिस, तोंय इ सोउब चीजमन के करेक से बचबे आउर धरमी बाइन के, भक्ति, बिसवास, प्रेम, धीरज आउर नरम भाव से आदमीमन केर संगे रह।

2 तीमुथियुस 2:22

जवानी केर बुरा लालसामन से बाइच के रह, आउर जेमन शुद्ध मन से प्रभु केर आराधना करैना, उमन संगे धरम, आउर बिसवास, आउर प्रेम, आउर मेल-मिलाप केर पिछा कर।

2 तीमुथियुस 4:2

कि तोंय परमेश्‍वर केर संदेश के परचार कर आउर जब आदमीमन परमेश्‍वर केर संदेश के सुनेक चाहैना, आउर जब सुनेक नी चाहैना सोउब समय तेयार रह, आदमीमन का गलती काइर हैं उके तोंय बताव आउर उ मनक पापमन केर खातिर उमन के डाँट। मगर उमन के उसकाव हों आउर धीरज से सिखाव।

2 तीमुथियुस 4:3

काले कि एइसन समय आवी कि आदमीमन खरा उपदेस के सुनेक नी खोजबैं, मगर उमन अपन मन केर इच्छा मोताबिक चलबैं आउर ढेइर सिखाएक वालामन के खोइज लेबैं। जेमन ओहे गोइठमन के बताबैं जेके उमन सुनेक खोजैना।

2 तीमुथियुस 4:7

मोंय यीशु मसीह केर सेवा करेक में कड़ा मेहनइत काइर हों, जेके करेक लगिन यीशु मसीह मोके देई रहे, मोंय आखरी समय तक बिसवास में बनल अहों।

तीतुस 2:7

तोके सोउब गोइठमन में एगो नमूना नियर बेस काम काइर के दोसरमन के देखाएक चाही, ताकि दोसरमन हों उके करबैं। जब तोंय सिखाबे तो सही नीयत आउर आदर पावेक लायक सिखाबे

इब्रानीमन 13:9

से लगिन रकम-रकम केर आउर अजीब उपदेसमन से ना भरमाय देवल जबा, काले कि तोहरे केर मन लगिन इ भला होवी कि तोहरे परमेश्‍वर केर किरपा से मजबूत बनल रहा, ना कि खाएक केर नियममन के माइन के, जेके माइन के केकरो फायदा नी होलक।

2 पतरस 3:11

इ पक्का अहे कि परमेश्‍वर इ लेखे सोउब चीजमन के नाश काइर देवी तो सोचा तोहरे के कइसन चाल चलेक चाही? तोहरे के पवितर चाइल-चलन आउर धरमी जिंदगी जियेक चाही जेकर से परमेश्‍वर खुश होवेला।