2 तीमुथियुस 2:8 - सादरी नवाँ नियम

⁸ तोंय लगातार यीशु मसीह केर बारे में सोचते रह। जे राजा दाऊद केर बंश हेके, आउर परमेश्‍वर उके मोरलमन में से जियालक, इ ओहे शुभ समाचार हेके जेके मोंय आदमीमन केर माझे परचार करोना।

2 तीमुथियुस 2:8 Iomraidhean Croise

मत्ती 1:1

यीशु मसीह केर पुरखामन केर नाँव जेमन राजा दाऊद केर संतान रहैं, आउर राजा दाऊद अब्राहम केर संतान रहे, इ लेखे अहे:

लूका 24:46

आउर उमन से कहलक, “पवितर किताब में इ लिखल अहे कि मसीह दुःख उठाई आउर तीसरा दिन मोरलमन में से फिन जी उठी।

खास चेलामन केर काम 13:23

परमेश्‍वर अपन करार केर मोताबिक एहे राजा दाऊद केर बंश में इसराइल केर आदमीमन लगिन एगो छुटकारा देवाइया यीशु के भेजलक।

खास चेलामन केर काम 2:24

फिन भी परमेश्‍वर उके मोरेक केर पाछे फिन से जिंदा काइर देलक काले कि उकर लगिन मौत केर वश में रहेक अनहोना रहे।

खास चेलामन केर काम 2:30

राजा दाऊद परमेश्‍वर केर संदेश के बताएक वाला रहे। उ जानत रहे कि परमेश्‍वर किरिया खाय के उकर से इ करार काइर हे कि राइज करेक केर कुरसी में मोंय तोर बंश में से एगो आदमी के बइठामूँ।

रोमानियनमन 16:25

अब परमेश्‍वर केर स्तुति होवोक, जे तोहरेमन के बिसवास में मजबूत बनाएक पारेला, उ शुभ समाचार केर द्वारा आउर यीशु मसीह केर संदेश केर द्वारा जेके मोंय आदमीमन के बतावना। इ मसीह केर बारे में संदेश भेद केर गोइठ हेके, जे शुरु से लुकल रहे मगर अब दिस्तार होलक।

रोमानियनमन 2:16

इ उ दिन दिस्तार होवी जे दिन परमेश्‍वर मोर शुभ समाचार केर मोताबिक यीशु मसीह केर द्वारा आदमीमन केर लुकल गोइठमन केर न्याय करी।

1 कुरिनथियनमन 15:1

हे बिसवासी भाईमन, मोंय तोहरेमन के ओहे शुभ समाचार के याइद करवावना जेके पहिले सुनाय चुइक हों, जेके तोहरेमन बिसवास हों काइर रहा आउर जेकर में तोहरेमन एखन तक स्थिर हों बनल अहा।

1 कुरिनथियनमन 15:4

आउर गाड़ल गेलक, आउर पवितर किताब केर मोताबिक तीसरा दिन जी हों उठलक।

2 थिस्सलुनीकियनमन 2:14

जेकर लगिन परमेश्‍वर हमर बताल शुभ समाचार केर द्वारा तोहरे के बचाएक लगिन बोलालक, ताकि तोहरेमन हमर प्रभु यीशु मसीह केर महिमा में भागीदार होवेक पारबा।

1 तीमुथियुस 1:11

इ शिक्षा उ शुभ समाचार केर उपरे टिकल अहे, जे उ महिमा केर बारे में बतायला, जे धाइन परमेश्‍वर से जुड़ल अहे, जेके सुनाएक लगिन मोके जिम्मा देवल जाय हे।

1 तीमुथियुस 2:7

मोंय सच कहाथों, झूठ नी कहाथों, परमेश्‍वर मोके शुभ समाचार केर परचारक, आउर अपन खास चेला बनेक लगिन चुइन हे। उ मोके परजाइत आदमीमन के बिसवास आउर सच्चाई केर बारे में सिखाएक लगिन हों चुइन हे।

2 तीमुथियुस 1:8

इ लगिन दोसरमन के हमर यीशु मसीह केर बारे में बताएक से ना लजाबे, आउर ना हें तोके इ गोइठ से लजाएक चाही कि मोंय उकर सेवा करेक केर चलते जेहेल में अहों। बल्कि तोके उ शक्ति केर इस्तेमाल करेक चाही जे शक्ति के परमेश्‍वर तोके देवेला, आउर शुभ समाचार सुनाएक केर खातिर मोंय जे दुःख सहाथों उकर में तोंय मोर साथ दे।

2 तीमुथियुस 2:7

जे मोंय सिखावना उकर उपरे तोंय धेयान दे, आउर प्रभु तोके सोउब गोइठमन केर बारे में समझेक लगिन मदइत करी।

प्रकाशितवाक्य 5:5

तब उ मुखियामन में से एगो मोर से कहलक, “ना काँद, देख, यहूदा केर गोतर केर उ सिंह, जे दाऊद केर बंश हेके, उ किताब के खोलेक आउर उकर सातों मोहर तोरेक लगिन जीत पाय हे।”