2 तीमुथियुस 2:7 - सादरी नवाँ नियम

⁷ जे मोंय सिखावना उकर उपरे तोंय धेयान दे, आउर प्रभु तोके सोउब गोइठमन केर बारे में समझेक लगिन मदइत करी।

2 तीमुथियुस 2:7 Iomraidhean Croise

लूका 21:15

काले कि मोंय तोहरेमन के एइसन बोल आउर बुद्धि देमूँ कि सोउब बिरोधी आदमीमन तोहरे केर सामना करेक चाहे गोइठ काटेक नी पारबैं।

लूका 24:45

तब यीशु पवितर किताब केर गोइठमन के बुझेक लगिन उ मनक बुद्धि के खोइल देलक

लूका 9:44

“जे गोइठमन के मोंय तोहरेमन के कहाथों, उके धेयान से सुना आउर याइद रखा, काले कि मोंय आदमी केर बेटा आदमी मनक हाँथ में धराएक वाला अहों।”

यूहन्ना 14:26

मगर मदइत करेक वाला मतलब पवितर आत्मा, जेके आबा परमेश्‍वर मोर अधिकार के देई के भेजी, उ तोहरेमन के सोउब गोइठमन के सिखाई, आउर जे कुछ मोंय तोहरेमन से कइह हों, उ सोउब के तोहरेमन के याइद करवाई।

यूहन्ना 16:13

मगर जब उ सच्चाई केर आत्मा आवी, तो उ परमेश्‍वर केर बारे में जे भी सच्चाई अहे, उके बुझेक में तोहरेमन केर मदइत करी। काले कि उ अपन बटे से नी कही, मगर जे कुछ परमेश्‍वर बटे से सुनी उखे कही, आउर तोहरेमन के आवेक वाला गोइठमन केर बारे में बताई।

खास चेलामन केर काम 7:10

परमेश्‍वर यूसुफ के सोउब दुःखमन से छोड़ाय के मिसर देस केर राजा फिरौन केर नजइर में दया आउर बुद्धि देलक, आउर राजा फिरौन उके मिसर देस केर आउर अपन पूरा राजमहल केर अधिकारी बनाय देलक।

1 कुरिनथियनमन 12:8

परमेश्‍वर केर आत्मा एक आदमी के बुद्धि से भरल संदेश के बोलेक केर बरदान देवेला, आउर ओहे आत्मा दोसर आदमी के गेयान से भरल संदेश के बोलेक केर बरदान देवेला।

फिलिप्पियनमन 4:8

से लगिन हे संगी बिसवासी भाईमन, जे गोइठमन सच हेके, आउर जे गोइठमन आदर केर लायक हेके, आउर जे गोइठमन उचित हेके, आउर जे गोइठमन पवितर हेके, आउर जे गोइठमन दोसरमन के सुहायला, आउर जे गोइठमन मन के शोभेला, जे गोइठमन बढ़ियाँ हेके आउर जेके दोसरमन बेस पतियायना ओहे गोइठमन में तोहरे धेयान लगावा।

कुलुसियनमन 1:9

एहे लगिन हमरे हों जे दिन से इ सुइन ही, तोहर लगिन लगातार प्रार्थना आउर बिनती कराथी कि परमेश्‍वर केर आत्मा तोहरेमन के गेयान आउर समझ देवोक ताकि तोहरे उकर इच्छा के पूरा पुरी बुझेक पारबा।

1 तीमुथियुस 4:15

उ बरदान के सावधानी से इस्तेमाल कर आउर उकरे में धेयान लगाय रह, ताकि तोंय अपन बिसवास में बढ़ाथिस इके सोउब आदमीमन देखेक पारोक।

2 तीमुथियुस 2:6

जे किसान मेहनइत करेला, फसल केर हिस्सा पहिले उके मिलेक चाही।

2 तीमुथियुस 2:8

तोंय लगातार यीशु मसीह केर बारे में सोचते रह। जे राजा दाऊद केर बंश हेके, आउर परमेश्‍वर उके मोरलमन में से जियालक, इ ओहे शुभ समाचार हेके जेके मोंय आदमीमन केर माझे परचार करोना।

इब्रानीमन 12:3

इ लगिन उकर नमूना उपरे धेयान देवा जे पापीमन केर एइसन बिरोध इ लगिन सहलक कि तोहर मन निराश होई के हार ना माइन जाओक।

इब्रानीमन 13:7

जेमन तोहर अगुवा रहैं, आउर जेमन तोहरेमन के परमेश्‍वर केर बचन सुनाय हैं, उमन के याइद करा आउर उ मनक चाइल-चलन के धेयान से देखा कि उमन कइसन जिंदगी जिलैं आउर मोरलैं। आउर उमन केर बिसवास देइख के तोहरे हों उमन नियर परमेश्‍वर उपरे बिसवास करा।

इब्रानीमन 3:1

हे मोर संगी बिसवासी भाईमन जेमन परमेश्‍वर केर हेका, तोहरेमन स्वरग में उकर से मिलेक लगिन बोलाल जाय हा, यीशु मसीह उपरे धेयान देवा जे हमर लगिन परमेश्‍वर केर शुभ समाचार केर दूत आउर महापुरोहित हेके।

इब्रानीमन 7:4

इकर उपरे धेयान देवा कि मलिकिसिदक कइसन महान रहे जेके पुरखा अब्राहम लड़ाई में दुश्मनमन से जीत के लेवल सोउब चीजमन केर दसवाँ हिस्सा देलक।

याकूब 1:5

अगर तोहर में से केखो बुद्धि केर घटी अहे, तो परमेश्‍वर से प्रार्थना करा आउर उ तोहरे के बुद्धि देवी। उ बेगर दोष लगाले सोउब के खुला मन से देवेला।

याकूब 3:15

इ गेयान उ ना लगे, जे परमेश्‍वर बटले आवेला मगर इ दुनियादारी आउर काया आउर शैतान केर बटले अहे।

याकूब 3:17

मगर जे गेयान परमेश्‍वर बटले आवेला उ पहिले तो पवितर होवेला, फिन शांति के पतियाएक वाला, कोमल, सभ्य, दया से भरल, बेस फारमन से लादल आउर भेद-भाव आउर कपट नी करेक वाला होवेला।

1 यूहन्ना 5:20

हमरेमन एहो जानिला कि परमेश्‍वर केर बेटा यीशु मसीह इ दुनिया में आय जाय हे आउर उ हमरेमन के समझ देई हे कि हमरे उ सच्चा परमेश्‍वर के चिन्हब, हमरेमन उकर में जे सच्चाई हेके मतलब उकर बेटा यीशु मसीह में रहिला। सच्चा परमेश्‍वर आउर जुग-जुग केर जिंदगी एहे हेके।