2 तीमुथियुस 2:4 - सादरी नवाँ नियम

⁴ जब एगो फौजी जे फौज में काम करेला, एके समय में दुनिया केर दोसर काममन के नी करेला, काले कि उ अपन अधिकारी के खुश करेक चाहेला।

2 तीमुथियुस 2:4 Iomraidhean Croise

लूका 8:14

आउर थोरेक आदमीमन उ भूंई नियर अहैं, जहाँ काँटा झूँड़ अहे जेकर उपरे बिहीन गिरलक, उमन बचन के तो सुनैना मगर उमन आगे जाय के चिंता फिकिर, धन आउर जिंदगी केर भोग-बिलास में फाँइस जायना, आउर बचन से उमन के कोनों फायदा नी भेटायला।

2 कुरिनथियनमन 5:9

इ लगिन हमर मन केर इ खुशी अहे कि चाहे हमरे उकर संगे स्वरग में रहब, चाहे हिंयाँ धरती में रहब, मगर उके खुश करते रहब।

गलातियनमन 5:1

मसीह हमरे के आजाद काइर हे ताकि हमरे मूसा केर नियम के मानेक से आजाद रहब। से लगिन अपन आजादी में बनल रहा आउर मूसा केर नियम के मानेक लगिन फिन से खुद के गुलाम ना बनावा।

1थिस्सलुनीकियनमन 2:4

मगर परमेश्‍वर हमरे के लायक समइझ के शुभ समाचार सोंइप हे। से लगिन हमरे आदमीमन के निहीं, बल्कि हमरे केर हृदय के परखेक वाला परमेश्‍वर के खुश करेक लगिन उपदेस देवीला।

2 तीमुथियुस 4:10

काले कि देमास इ दुनिया केर चीजमन से प्रेम काइर के मोके छोइड़ देलक, आउर थिस्सलुनीके शहर चाइल गेलक, आउर भाई क्रेसकेंस गलातिया परदेस आउर तीतुस दलमतिया परदेस चाइल गेलक।

2 पतरस 2:20

जब आदमीमन प्रभु यीशु मसीह के अपन प्रभु आउर छुटकारा देवाइया माइन लेई रहैं, तब प्रभु उमन के इ दुनिया केर बुराई से बचाय लेई रहे। मगर अब एक बेर फिन उमन बुरा काममन में फाँइस जाय हैं आउर उ बुरा काम अब उमन के अपन वश में करेला, इ लगिन तब मसीह के नी मानेक से उमन केर दशा उ मनक बिसवासी बनेक से पहिले केर दशा से हों बुरा होई जाय हे।