2 तीमुथियुस 2:25 - सादरी नवाँ नियम

²⁵ आउर बिरोधीमन के हों नरम होई के समझाओक, काले कि एहो होवेक परायला, परमेश्‍वर उमन के पाप के छोड़ेक आउर मसीह केर सच्चाई के जानेक में मदइत करी।

2 तीमुथियुस 2:25 Iomraidhean Croise

मत्ती 11:29

मोर पाछे होई लेवा आउर मोर से सिखा, काले कि मोंय मन से सीधा आउर हृदय से नरम अहों, इ लेखे तोहरेमन अपन मन में आराम पाबा।

मत्ती 21:32

काले कि यूहन्ना बपतिस्मा जल संस्कार देवेक वाला धरमी जिंदगी जियेक केर डहर बताएक लगिन तोहर ठिना आलक, आउर तोहरेमन उकर उपरे बिसवास नी करला, मगर मालगुजारी लेवाइयामन आउर बेश्यामन उकर उपरे बिसवास काइर के पाप करेक छोइड़ देलैं। तोहरेमन इ सोउब के देखला, फिन भी पाछे पसताप काइर के उकर उपरे बिसवास नी करला।”

मरकुस 1:15

आउर कहलक, “परमेश्‍वर केर ठहराल समय पूरा होई जाय हे, आउर परमेश्‍वर केर राइज भीरे पोंहइच जाय हे, पाप करेक छोइड़ देवा आउर शुभ समाचार केर उपरे बिसवास करा।”

यूहन्ना 5:34

मगर मोंय अपन बारे में आदमी मनक मुँह से गवाही सुनेक नी चाहोना, सेकरो में मोंय तोहरेमन के उ गवाही केर बारे में बताय हों, जेके यूहन्ना बपतिस्मा जल संस्कार देवेक वाला देई रहे ताकि तोहरेमन बाइच जबा।

खास चेलामन केर काम 11:18

इ गोइठ सुइन के यहूदी बिसवासीमन चुप होई गेलैं आउर उमन इ कहते परमेश्‍वर केर बड़ाई करेक लगलैं, “परमेश्‍वर परजाइत आदमीमन के हों जुग-जुग केर जिंदगी लगिन अपन पाप काममन के छोड़ेक आउर यीशु मसीह केर उपरे बिसवास करेक केर मोका देई हे।”

खास चेलामन केर काम 2:38

पतरस उमन के जबाब देलक, “पाप करेक छोइड़ देवा, तोहर में से हर एक झन अपन-अपन पापमन केर क्षमा लगिन यीशु मसीह केर नाँव से बपतिस्मा जल संस्कार लेवा, तब तोहरे पवितर आत्मा केर दान पाबा।

खास चेलामन केर काम 20:21

मगर यहूदी आदमीमन आउर यूनानी आदमीमन केर सामने गवाही देते रहलों कि उमन पाप काम करेक छोइड़ के परमेश्‍वर बटे घुरोक आउर हमरे केर प्रभु यीशु मसीह केर उपरे बिसवास करोक।

खास चेलामन केर काम 5:21

खास चेलामन बिहान होते हें यहूदी मनक मंदिर में जाय के जइसन उमन के बताल जाय रहे उपदेस देवेक लगलैं। मगर यहूदी महापुरोहित आउर उकर संगमन आय के यहूदी अगुवा मनक महासभा केर सदस्यमन के आउर इसराइली मनक धरम केर सोउब अगुवामन के जमा करलैं आउर खास चेलामन के लानेक लगिन मन्दिर केर पहरादारमन के जेहेल घर में भेजलैं।

खास चेलामन केर काम 5:31

परमेश्‍वर उखे प्रभु आउर छुटकारा देवाइया ठहराय के अपन भतखाइया आरा बइठाय के उके ऊँचा पद देलक, ताकि उ इसराइली आदमीमन के पाप काम के छोड़ेक केर शक्ति आउर पापमन के क्षमा देवोक।

खास चेलामन केर काम 8:22

तोंय अपन इ पाप करेक छोइड़ दे आउर प्रभु से प्रार्थना कर कि उ तोर बुरा बिचार के क्षमा काइर देई।

गलातियनमन 6:1

हे बिसवासी भाईमन, अगर केऊ आदमी कोनों पाप में धराय हों जाई, तो तोहरेमन जे पवितर आत्मा केर अगुवाई में चलाला, नरम भाव से उके धरम केर डहर में चलेक लगिन मदइत करा। आउर सावधान रहबा ताकि तोहरे खुद पाप करेक लगिन भटकाय देवल ना जबा।

1 तीमुथियुस 2:4

उ चाहेला कि सोउब आदमीमन बाइच जाओक आउर सच्चाई के बढ़ियाँ से जाइन जाओक।

1 तीमुथियुस 6:11

मगर हे तीमुथियुस, तोंय परमेश्‍वर केर सेवा करेक वाला आदमी हेकिस, तोंय इ सोउब चीजमन के करेक से बचबे आउर धरमी बाइन के, भक्ति, बिसवास, प्रेम, धीरज आउर नरम भाव से आदमीमन केर संगे रह।

2 तीमुथियुस 3:7

इ जनानामन लगातार नवाँ चीजमन के सीखते तो रहैना, मगर मसीह केर बारे में सच्चा शिक्षामन के कहियो बुझेक नी पारैना।

तीतुस 1:1

इ चिट्ठी मोंय पौलुस बटले हेके, मोंय परमेश्‍वर केर दास आउर यीशु मसीह केर चुनल खास चेला हेकों। मोके परमेश्‍वर केर चुनल आदमीमन केर बिसवास के मजबूत करेक आउर यीशु मसीह केर सच्चा शिक्षामन के जानेक में मदइत करेक लगिन ठहराल जाय हे, ताकि उमन एइसन जिंदगी जिओक जे परमेश्‍वर के खुश करेला।

तीतुस 3:2

केखो बदनाम ना करोक आउर ना केकरो से झगरा लड़ोक, मगर किरपा करेक वाला स्वभाव से रहोक, आउर सोउब आदमीमन केर संगे नरम बाइन के रहोक।

याकूब 1:17

काले कि हरेक बेस बरदान आउर हरेक बेस दान परमेश्‍वर केर बटे से हें मिलेला, जे आकाश में सूरज, चाँद, आउर तइरगनमन के बनाय हे। परमेश्‍वर हमेशा एक जइसन रहेला आउर उ छाँई नियर नी बदलेला।

1 पतरस 3:15

मगर मसीह के प्रभु माइन के उकर आराधना करा, अगर केऊ उ आसरा केर बारे में पूछी जेके बिसवासी होवेक केर चलते हमरे सोउब आपस में साझा करिला, तो सोउब बेरा उके समझाएक लगिन तेयार रहा, मगर इके नरम आउर आदर से करबा।

1 यूहन्ना 5:16

अगर केऊ अपन संगी बिसवासी के एइसन पाप करते देखी जेकर नतीजा मौत ना लगे, तो उ परमेश्‍वर से उकर लगिन प्रार्थना करोक जे एइसन पाप काइर हे, जेकर नतीजा मौत ना लगे तो परमेश्‍वर उके जुग-जुग केर जिंदगी देवी। पाप एइसन हों होवेला जेकर नतीजा मौत हेके, इकर बारे में मोंय प्रार्थना करेक नी कहोना।