2 तीमुथियुस 2:22 - सादरी नवाँ नियम

²² जवानी केर बुरा लालसामन से बाइच के रह, आउर जेमन शुद्ध मन से प्रभु केर आराधना करैना, उमन संगे धरम, आउर बिसवास, आउर प्रेम, आउर मेल-मिलाप केर पिछा कर।

2 तीमुथियुस 2:22 Iomraidhean Croise

खास चेलामन केर काम 7:59

जब उमन स्तिफनुस के पखना से मारत रहैं तब उ इ कइह के प्रार्थना करत रहे, “हे प्रभु यीशु, मोर आत्मा के लेई ले।”

खास चेलामन केर काम 9:14

आउर हिंयाँ हों इके यहूदी मुध पुरोहितमन केर बटे से इ अधिकार मिल हे कि जे आदमीमन तोर उपरे बिसवास करैना, उमन के बाइंध के यरुशलेम शहर लेई जाओक।”

रोमानियनमन 14:17

काले कि परमेश्‍वर केर राइज में खाएक आउर पियेक खास ना लगे, मगर परमेश्‍वर केर देखेक में धरमी बनेक, आउर मेल-मिलाप आउर उ खुशी जे पवितर आत्मा से मिलेला,

रोमानियनमन 14:19

इ लगिन हमरे के उ गोइठमन में मन लगाएक अहे, जेकर से मेल-मिलाप आउर एक दोसर केर सुधार होवी।

1 कुरिनथियनमन 1:10

हे बिसवासी भाईमन, मोंय हमर प्रभु यीशु मसीह केर अधिकार से तोहरेमन से हाँथ जोइर के अरजी करोना कि तोहरे सोउब एक दोसर केर गोइठ के माना, आउर तोहर माझे फूट ना होवोक मगर एक हें मन आउर एक हें बिचार काइर के मिल के रहा।

1 कुरिनथियनमन 1:2

इ चिट्ठी के हमरे परमेश्‍वर केर उ कलीसिया केर नाँव में लिखाथी, जे कुरिन्थुस शहर में अहे, जहाँ केर बिसवासीमन के परमेश्‍वर यीशु मसीह केर द्वारा अपन आदमी केर रूप में अलग काइर हे आउर अपन पवितर आदमी बनेक लगिन बोलाय हे, जे नियर कि परमेश्‍वर उ सोउबमन के चुइन हे, जेमन सोउब ठाँव में हमर प्रभु यीशु मसीह केर सेवा करैना, काले कि उ हमरे सोउब केर प्रभु हेके।

1 कुरिनथियनमन 10:14

इकर चलते हे मोर दुलार बिसवासी भाई बहिनमन, मूर्ति पूजा करेक से बाइच के रहबा।

1 कुरिनथियनमन 14:1

एक दोसर के प्रेम करेक ले खूब कोशिश करा, आउर आत्मा केर बरदानमन के पावेक केर लालसा करा, खास काइर के परमेश्‍वर केर संदेश के बताएक केर कोशिश करा।

1 कुरिनथियनमन 6:18

ब्यभिचार से बिलकुल अलग रहा। जेतना आउर पाप आदमी करेला, उ काया केर बाहरे अहे, मगर ब्यभिचार करेक वाला अपनेहें काया केर बिरोध में पाप करेला।

1 तीमुथियुस 1:14

मगर हमर प्रभु केर किरपा, बिसवास आउर प्रेम केर संगे भरपूरी से मोर उपरे होलक, काले कि मोंय मसीह यीशु केर संगे एकजूट अहों।

1 तीमुथियुस 1:5

तोहरे के इ आगया देवेक केर मोर मकसद इ हेके कि तोहरे एक दोसर के सच्चा मन, शुद्ध बिवेक आउर पूरा बिसवास से प्रेम करा।

1 तीमुथियुस 2:8

मोंय चाहोना कि सोउब जगा सभामन में मरदानामन परमेश्‍वर लगिन अपन दुइयो हाँथ के उठाय के बेगर खीस आउर बेगर बक-झक केर प्रार्थना करोक।

1 तीमुथियुस 4:12

केखो तोर जवानी केर जिंदगी के घिरना करेक केर मोका ना मिलोक, मगर तोंय अपन बोली में, ब्यवहार में, दोसरमन से प्रेम करेक में, यीशु मसीह उपरे बिसवास करेक में, आउर पवितर जिंदगी जियेक में बिसवासीमन लगिन नमूना बाइन जा।

1 तीमुथियुस 6:11

मगर हे तीमुथियुस, तोंय परमेश्‍वर केर सेवा करेक वाला आदमी हेकिस, तोंय इ सोउब चीजमन के करेक से बचबे आउर धरमी बाइन के, भक्ति, बिसवास, प्रेम, धीरज आउर नरम भाव से आदमीमन केर संगे रह।

इब्रानीमन 12:14

सोउब से मेल-जोल रखा आउर पवितर जिंदगी जियेक केर कोशिश करा, काले कि बेगर पवितर जिंदगी जिले केऊ परमेश्‍वर के देखेक नी पारबैं।

1 पतरस 2:11

हे दुलार भाईमन, तोहरे इ दुनिया में परदेसीमन आउर डहर चलुवामन नियर रहाथा। मोंय तोहर से बिनती करोना कि दुनिया केर उ सोउब बुरा इच्छामन से बचा, काले कि उ तोहर आत्मा केर बिरोध में लड़ते रहेला।

1 पतरस 3:11

उके पक्का हें उ करेक बंद काइर देवेक चाही जे बुरा अहे, इकर बदला उके ओहे करेक चाही जे ठीक अहे। दोसरमन केर संगे शांति से रहेक केर कोशिश करा।

3 यूहन्ना 1:11

हे दुलारा संगी, उमन केर नकल ना करबे जेमन बुरा काम करैना, मगर उमन केर नियर चलबे जेमन भलाई केर काम करैना। जे भलाई करेला उ परमेश्‍वर केर संतान हेके मगर जे बुराई करेला उ परमेश्‍वर के नी जानेला।