2 तीमुथियुस 2:18 - सादरी नवाँ नियम

¹⁸ उमन सच्चाई केर उपरे बिसवास करेक छोइड़ देलैं। उमन कहैना, परमेश्‍वर पहिलेहें से मोरल बिसवासीमन के जुग-जुग केर जिंदगी देवेक लगिन उठाय लेई हे। इकर नतीजा इ होलक कि उमन थोरेक बिसवासीमन के मसीह केर शिक्षा उपरे बिसवास करेक से रोइक देलैं।

2 तीमुथियुस 2:18 Iomraidhean Croise

मत्ती 15:13

यीशु जबाब देलक, “उ फरीसी आदमीमन एइसन बुदामन नियर अहैं, जेमन के मोर स्वरगीय आबा नी रोइप हे, उ सोउबमन के आबा परमेश्‍वर उखराय देवी।

मत्ती 22:29

यीशु उमन के जबाब देलक, “तोहरेमन पवितर किताब के नी बुझाला, जे मोरेक केर पाछे आदमीमन के जिंदा रहेक केर बारे में बतायला। तोहरेमन एहो नी बुझाला कि परमेश्‍वर ठिना मोरल आदमीमन के फिन से जिंदा करेक केर शक्ति अहे, से लगिन तोहरेमन भूल में अहा।

लूका 8:13

रुगड़ी भूंई नियर उ आदमीमन अहैं, जेमन बचन के सुनैना आउर रिझे-रिझे अपनाय लेवैना, मगर अपन मन में भीतरे तक बचन के नी बसाएक केर चलते उमन थोरेक दिन लगिन बिसवास करैना, आउर बचन केर चलते जब उ मनक उपरे बिपइत या ससइत आवेला तो उमन भटइक जायना।

खास चेलामन केर काम 5:39

आउर अगर परमेश्‍वर केर बटे से अहे, तो तोहरे इके कहियो मेटाएक नी पारबा, कहीं एइसन ना होवोक कि तोहरे परमेश्‍वर से लड़ेक वाला बाइन जबा।”

1 कुरिनथियनमन 11:19

मगर सचमुच में तोहरे केर माझे फूट होवेक चाही, ताकि जेमन परमेश्‍वर केर हेकैं, उमन केर पता चाइल जाई।

1 कुरिनथियनमन 15:12

अब मोंय तोहरे से इ पुछोना, काले कि हमरे सोउब तोहरे के इ परचार काइर ही कि मसीह मोरलमन में से जी उठलक, तो तोहर में से केखो इ नी कहेक चाही कि परमेश्‍वर बिसवासीमन के मोरल पाछे नी जियाई!

कुलुसियनमन 3:1

जइसन परमेश्‍वर मसीह के मोरल में से फिन जिंदा करलक, तइसनेहें तोहरे हों मसीह केर संगे जियाल गेला, तो उ चीजमन केर इच्छा करा जे स्वरग में परमेश्‍वर ठिना तोहर लगिन अहे, जहाँ मसीह परमेश्‍वर केर भतखाइया आरा सोउब से इज्जतदार ठाँव में बाइठ हे।

1 तीमुथियुस 1:19

आउर तोके मसीह उपरे बिसवास में बनल रहेक चाही आउर तोर में एगो शुद्ध बिवेक होवेक चाही। थोरेक आदमीमन उ शुद्ध बिवेक के छोइड़ देलैं जेकर नतीजा इ होलक कि अब उमन बिसवास में नखैं।

1 तीमुथियुस 6:10

धन केर लोभ सोउब रकम केर बुराईमन केर जाइर हेके, थोरेक आदमीमन एहे धन के पावेक केर कोशिश करते धीरे-धीरे मसीह केर शिक्षामन केर उपरे बिसवास करेक छोइड़ देलैं आउर उमन बरने-बरन केर दुःख से पीड़ित अहैं, एगो एइसन आदमी नियर जे खुद के एगो हँथियार से बेइध लेई हे।

1 तीमुथियुस 6:21

थोरेक आदमीमन इ झूठा गेयान के माइन के मसीह केर सच्चा शिक्षा केर उपरे बिसवास नी करैना। मोंय प्रार्थना करोना कि परमेश्‍वर केर किरपा तोहरे सोउबमन केर उपरे बनल रहोक।

2 तीमुथियुस 2:14

इ गोइठमन केर बारे में बिसवासीमन के घरी-घरी सिखाव, जेके मोंय तोके सिखाय हों। आउर परमेश्‍वर के एगो गवाह नियर माइन के उमन के चेताय दे कि उमन शबदमन केर अर्थमन उपरे बक-झक ना करोक। जेकर से कोनों फायदा नी होवेला, बल्कि सूनाइयामन बिगइड़ जायना।

तीतुस 1:11

इमन के सिखाएक केर आगया ना दे, काले कि जब इमन उ गोइठमन के सिखायना जेके नी सिखाएक चाही, तब उमन पूरा परिवार केर आदमी मन केर बिसवास के मेटाय देवैना। उमन एइसन रुपया कमाएक लगिन करैना।

इब्रानीमन 3:10

इकर चलते मोंय उ समय केर आदमीमन से खिसाल रहों, आउर कहलों, ‘इमन मोके ठोकराय देलैं, आउर जे मोंय उमन के आगया देई रहों उके मानेक से इनकार काइर देलैं।’

याकूब 5:19

हे मोर भाईमन, अगर तोहर में से केऊ बिसवासी सच्चाई केर डहर से भटइक जाई आउर केऊ दोसर उके सच्चाई केर डहर में घुराय लानी,

1 यूहन्ना 2:19

उ मसीह बिरोधीमन तो हमरेमन में से हें आय हैं, मगर उमन हमर अपन नी रहैं। अगर उमन हमरेमन केर होतैं तो हमरेमन केर संगे रहतैं। मगर उमन हमरेमन के छोइड़ के चाइल गेलैं, ताकि उमन इ देखाएक पारोक कि उमन हमर माझे केर ना लगैं।