2 तीमुथियुस 2:15 - सादरी नवाँ नियम

¹⁵ कड़ा मेहनइत कर ताकि तोंय खुद के परमेश्‍वर केर सामने एइसन आदमी नियर देखाएक पारबे, जेके उ ग्रहण करेला। तोंय एगो एइसन काम करेक वाला बाइन जा, जे बढ़ियाँ से काम करेला। ताकि तोके अपन काम केर चलते लजाएक नी पड़ी, आउर तोंय सच्चा संदेश के ठीक रीति से सिखाते रहबे।

2 तीमुथियुस 2:15 Iomraidhean Croise

मत्ती 13:52

यीशु उमन से कहलक, “से लगिन मूसा केर नियम के सिखाएक वाला हरेक आदमी जे स्वरग राइज केर शिक्षा पाय हे, उ आदमी एगो एइसन घर मालिक जइसन अहे, जे अपन भंडार से नवाँ आउर पुरना चीजमन के निकलायला।”

मरकुस 4:33

यीशु एहे नियर ढेइर उदाहरन देई-देई के उमन केर बुझेक केर मोताबिक बचन सुनात रहे।

लूका 12:42

प्रभु जबाब देलक, “एक बिसवास लाएक आउर बुद्धिमान भंडारी उ हेके, जेके मालिक अपन घर केर धांगरमन के संभराएक, आउर उमन के समय से खाएक देवेक केर जिम्मेदारी देवेला।

खास चेलामन केर काम 2:22

हे इसराइली आदमीमन, मोर गोइठमन के धेयान से सुना। नासरत नगर केर रहेक वाला यीशु एगो एइसन आदमी रहे, जेके परमेश्‍वर बटले तोहर सामने साबित करल जाय रहे, उ चमत्कार आउर ताजुब केर काममन आउर चिन्हामन से जेके परमेश्‍वर उकर से करलक, तोहरे खुद जानाला कि इ सच हेके।

खास चेलामन केर काम 20:27

काले कि मोंय तोहरे के उ सोउब कुछ के बतालों, जेके परमेश्‍वर तोहरे के जनुवाएक चाहेला। मोंय कोनों के नी लुकालों।

रोमानियनमन 14:18

ओहे खास हेके। जे केऊ इ नियर मसीह केर सेवा करेला, परमेश्‍वर उकर से खुश होवेला, आउर दोसर आदमीमन इके पसिंद करैना।

रोमानियनमन 16:10

भाई अपिल्लेस के जोहार, जे मसीह में सच्चा निकललक, आउर भाई अरिस्तुबुलुस केर घराना के हों जोहार।

रोमानियनमन 6:13

आउर अपन काया केर अंगमन के बुरा काममन के करेक लगिन ना सोंपा, मगर मोरलमन में से जी उठल जाइन के खुद केर जिंदगी के परमेश्‍वर के सोंइप देवा, आउर अपन काया केर अंगमन के भला काममन के करेक लगिन परमेश्‍वर के सोंइप देवा।

1 कुरिनथियनमन 2:6

फिन भी जब मोंय बिसवास में मजबूत बिसवासीमन ठिना रहोना, तो गेयान केर गोइठमन के गोठियावना, मगर इ दुनिया केर आदमीमन केर गेयान आउर इ दुनिया केर हाकिममन केर गेयान निहीं, जेमन नाश होवेक वाला अहैं।

2 कुरिनथियनमन 10:18

काले कि जे अपन बड़ाई करेला उ निहीं, मगर जेकर बड़ाई प्रभु करेला, उ प्रभु केर देखेक में बेस अहे।

2 कुरिनथियनमन 3:6

जे हमरे के नवाँ करार केर सेवक बनेक केर लायक बनालक, मूसा केर लिखल नियम केर निहीं बल्कि पवितर आत्मा केर, काले कि मूसा केर लिखल नियम के पूरा नी करले दंड मिलेला, मगर पवितर आत्मा जुग-जुग केर जिंदगी देवेला।

2 कुरिनथियनमन 4:2

मगर हमरे लाज केर लुकल काममन के नी करिला, आउर हमरे चलाँकी से नी चलिला, ना हें परमेश्‍वर केर बचन में मिलावट करिला, मगर हमरे परमेश्‍वर केर भीरे सिरिफ सच्चाई के सिखाइला, आउर हरेक आदमी पक्का जाइन गेलक कि हमरे भरसा करेक केर लायक अही।

2 कुरिनथियनमन 5:9

इ लगिन हमर मन केर इ खुशी अहे कि चाहे हमरे उकर संगे स्वरग में रहब, चाहे हिंयाँ धरती में रहब, मगर उके खुश करते रहब।

गलातियनमन 1:10

इ गोइठ पक्का अहे कि मोंय आदमीमन के खुश करेक निहीं मगर परमेश्‍वर के खुश करेक चाहोना। अगर मोंय अब तक आदमीमन के हें खुश करते रहतो, तो मसीह केर सेवक नी बनतो।

इफिसियनमन 1:13

आउर जब तोहरे हों छुटकारा केर शुभ समाचार के सुनला आउर यीशु मसीह उपरे बिसवास करला, तो परमेश्‍वर तोहरे के पवितर आत्मा के देलक। जेके उ अपन आदमीमन के देवेक केर करार काइर रहे। पवितर आत्मा तोहरे उपरे एगो छाप नियर अहे जे इ बतायला कि तोहरे परमेश्‍वर केर हेका।

1थिस्सलुनीकियनमन 2:4

मगर परमेश्‍वर हमरे के लायक समइझ के शुभ समाचार सोंइप हे। से लगिन हमरे आदमीमन के निहीं, बल्कि हमरे केर हृदय के परखेक वाला परमेश्‍वर के खुश करेक लगिन उपदेस देवीला।

1थिस्सलुनीकियनमन 5:14

आउर हे भाईमन, हमरे तोहरेमन से अरजी करिला कि जेमन आलसी अहैं उमन के चेतावनी देवा, आउर उमन के उसकावा जेमन डरपोक अहैं, कमजोरमन केर सहायता करा, आउर सोउब कर लगिन सहेक वाला बना।

1 तीमुथियुस 4:6

अगर तोंय सोउब बिसवासी भाईमन के लगातार इ गोइठमन के याइद करवाते रहबे, जेकर पालन काइर के तोंय बिसवास में मजबूत होई हिस, तो तोंय मसीह केर एगो अच्छा सेवक बनबे।

इब्रानीमन 4:11

से लगिन हमरे के उ आराम केर ठाँव में जाएक लगिन कड़ा मेहनइत करेक अहे, हमर में से केखो उमन नियर नी होवेक चाही, जेमन परमेश्‍वर केर आगया के मानेक से इनकार काइर देलैं, जब हमरे परमेश्‍वर केर आगयामन के मानब तब हें हमरे आराम केर ठाँव में जाएक पारब।

याकूब 1:12

धाइन अहे उ आदमी, जे परीक्षा में स्थिर रहेला, काले कि उ खरा निकइल के जिंदगी केर उ मुकुट के पावी, जेकर करार प्रभु अपन प्रेम करइयामन से काइर हे।

याकूब 1:18

उ अपनेहें इच्छा से हमरे के सच्चाई केर बचन से अपन संतान बनाय हे, ताकि हमरे उकर सिरजाल चीजमन में से एक रकम केर पहिला फार नियर होवब।

2 पतरस 1:10

इ खातिर, बिसवासी भाईमन खुद के आउर दोसर आदमीमन के इ देखाएक लगिन आउर हें बेस ब्यवहार करेक केर कोशिश करा कि परमेश्‍वर हकीकत में तोहरे के चुइन हे, आउर अपन होवेक लगिन बोलाय हे। अगर तोहरे एइसन करबा तो सच में तोहरे परमेश्‍वर से अलग नी होबा।

2 पतरस 1:15

इ लगिन मोंय इ गोइठमन के तोहरे के बताएक लगिन एइसन कठिन मेहनइत कराथों ताकि मोर मोरेक केर पाछे सोउब बेरा इमन के याइद करेक पारबा।

2 पतरस 3:14

इ लगिन, हे दुलार बिसवासी भाई-बहिनमन, जबकि तोहरेमन इ गोइठमन केर होवेक केर आसरा देखाथा, तो एइसन जिंदगी जियेक लगिन सोउब लेखे से कोशिश करा, जे परमेश्‍वर के खुश करेला। आउर तोहरे शुद्ध, निरदोष आउर एक दोसर केर संगे शांति से रहा।