2 तीमुथियुस 2:12 - सादरी नवाँ नियम

¹² अगर हमरे धीरज से उकर लगिन दुःख सहते रहब, तो उकर संगे राजा नियर राइज हों करब, मगर हमरे उके जानेक से इंकार काइर देवब, तो उ हों हमरे के कइह देवी कि मोंय तोहरे के नी जानोना।

2 तीमुथियुस 2:12 Iomraidhean Croise

मत्ती 10:33

मगर जे केऊ मोके आदमीमन केर सामने इंकार करी, तो मोंय हों अपन स्वरगीय आबा केर सामने उके अपन चेला मानेक से इंकार करमूँ।

मत्ती 26:35

पतरस उकर से कहलक, “अगर मोके तोर संगे मोरेक हों होवी, फिन भी मोंय नी कहमूँ कि मोंय तोके नी जानोना।” आउर एइसन हें सोउब चेलामन हों कहलैं।

मत्ती 26:75

तब पतरस के यीशु केर कहल गोइठ याइद आलक कि “मुरगा केर बोलेक से आगे तोंय तीन बेर मोर से मुकइर जबे।” आउर उ बाहरे जाय के फफाइख-फफाइख के काँदेक लगलक।

मरकुस 10:33

यीशु कहलक, “देखा, हमरे यरुशलेम शहर जाथी, मोंय आदमी केर बेटा यहूदी मुध पुरोहितमन आउर मूसा केर नियम के सिखाएक वालामन केर हाँथे धरुवाल जामूँ, उमन मोके मोराएक केर लायक ठहराबैं, आउर परजाइत आदमीमन केर हाँथे जिम्मा देबैं।

मरकुस 8:38

जे केऊ इ ब्यभिचारी आउर पापी जाइत केर माझे मोर से आउर मोर बचन केर मोताबिक चलेक से लजाई, तो मोंय आदमी केर बेटा हों जब अपन आबा केर तेज चमक सहित पवितर स्वरगदूतमन केर संगे आमूँ तब उकर से लजामूँ।”

लूका 12:9

मगर आदमीमन केर सामने जे मोके इंकार करी, तो मोंय हों परमेश्‍वर केर स्वरगदूत मनक सामने उके अपन चेला मानेक से इंकार करमूँ।

लूका 22:29

जइसन मोर आबा मोर लगिन एगो राइज ठहराय हे, तइसनेहें मोंय हों तोहर लगिन राइज ठहराथों,

लूका 22:30

ताकि तोहरेमन मोर राइज में मोर टेबुल में खाबा-पीबा आउर बारह गो सिंहासन में बाइठ के इसराइल केर बारहों गोतरमन केर न्याय करबा।”

लूका 9:26

जे केऊ मोर से आउर मोर जुग-जुग केर बचन केर मोताबिक चलेक से लजाई, तो मोंय आदमी केर बेटा हों, जब अपन, आउर आबा केर, आउर पवितर स्वरगदूतमन केर तेज चमक सहित आमूँ, तो उकर से लजामूँ।

खास चेलामन केर काम 14:22

उमन हरेक नगर में चेलामन के मजबूत आउर बिसवास में स्थिर रहेक लगिन इ उपदेस देवत रहैं कि हमरे के ढेइर दुःख साइह के स्वरग राइज में जाएक होवी।

रोमानियनमन 5:17

काले कि जब एक आदमी केर पाप केर चलते माउत सोउब आदमीमन में आलक, तो जेमन किरपा आउर धरमी बनेक केर बरदान भरपूरी से पावैना उमन एक आदमी, मतलब यीशु मसीह से जरूर हें जुग-जुग केर जिंदगी पाबैं आउर उकर संगे राइज करबैं काले कि उमन यीशु मसीह उपरे भरसा काइर हैं।

रोमानियनमन 8:17

आउर अगर संतान हेकी, तो हकदार हों हेकी बल्कि परमेश्‍वर केर हकदार आउर मसीह केर संगी हकदार हेकी, जब एखन हमरे उकर संगे दुःख उठाथी तो उकर संगे महिमा हों पावब।

फिलिप्पियनमन 1:28

आउर कोनों गोइठ में बिरोधीमन से नी डराला। तोहरे केर साहस उमन लगिन नाश होवेक केर चिन्हा हेके, मगर तोहर लगिन इ परमेश्‍वर बटे से छुटकारा केर चिन्हा हेके।

1 तीमुथियुस 5:8

अगर केऊ अपन रिश्तेदारमन केर मदइत नी करी आउर खास काइर के अपन परिवार केर जरुरत के पूरा नी करी, तो उ बिसवास से भटइक जाय हे, आउर अबिसवासी से हों बुरा बाइन जाय हे।

यहूदा 1:4

काले कि थोरेक आदमीमन जे यीशु मसीह में बिसवास करेक केर देखावा करैना उमन तोहर माझे आय मिल हैं, उमन परमेश्‍वर के नी मानैना आउर गलत शिक्षा देवैना कि परमेश्‍वर अपन किरपा से हमरे केर पापमन के क्षमा काइर देवेला, एहे लगिन हमरे गलत काम में जिंदगी जियेक पारिला। उमन यीशु मसीह के इनकार करैना जे हमर एके गो मालिक आउर प्रभु हेके। ढेइर समय पहिले पवितर किताब में लिखल जाय रहे कि परमेश्‍वर एइसन आदमीमन के सजा देवी।

प्रकाशितवाक्य 1:6

आउर हमरे के एगो राइज, आउर अपन आबा परमेश्‍वर केर लगिन पुरोहित हों बनाय देलक, उकरे हें महिमा आउर शक्ति जुग-जुग बनल रहोक। आमीन।

प्रकाशितवाक्य 1:9

मोंय यूहन्ना जे तोहर संगी बिसवासी आउर मसीह केर लगिन दुःख सहेक में, आउर आबा परमेश्‍वर केर राइज में, आउर धीरज केर संगे उ दुःखमन के सहेक में तोहर संगी हेकों, जे उ आदमीमन उपरे आवेला जेमन केर रिश्ता उकर संगे अहे। मोके पतमुस टापू में कैदी बनाय के भेइज देवल जाय रहे। काले कि मोंय आबा परमेश्‍वर केर बचन के परचार काइर रहों आउर यीशु केर सच्चा संदेश के बताय रहों।

प्रकाशितवाक्य 2:13

मोंय इ तो जानोना कि तोंय हूवाँ रहिसला जहाँ शैतान केर सिंहासन अहे, आउर तोंय मोर नाँव में स्थिर रहिसला। तोंय मोर उपरे बिसवास करेक से उ दिनमन में हों पिछे नी हटले, जेकर में मोर बिसवास लायक गवाह अन्तिपास, तोहर माझे उ ठाँव में मोराल गेलक जहाँ शैतान रहेला।

प्रकाशितवाक्य 20:4

फिन मोंय थोरेक सिंहासन देखलों। उ मनक उपरे थोरेक आदमीमन बाइठ रहैं। आउर उमन के फैसला करेक केर अधिकार देवल गेलक। मोंय उमन केर आत्मामन के हों देखलों, जेमन केर मूँड़ यीशु केर गवाही देवेक आउर परमेश्‍वर केर बचन केर परचार केर खातिर काटल जाय रहे, आउर जेमन ना तो उ खूंखार जानवर केर, आउर ना उकर मूर्ति केर पूजा काइर रहैं, आउर ना उकर छाप अपन माथा आउर हाँथ उपरे लेई रहैं। उमन जिंदा होई के मसीह केर संगे हजार बरिस तक राइज करते रहलैं।

प्रकाशितवाक्य 20:6

धाइन आउर पवितर उ हेके, जे इ पहिला जी उठेक केर भागीदार हेके। एइसन आदमीमन उपरे दूसरा माउत केर कोनोवें अधिकार नखे, मगर उमन परमेश्‍वर आउर मसीह केर पुरोहित होबैं, आउर उकर संगे हजार बरिस तक राइज करबैं।

प्रकाशितवाक्य 3:10

काले कि तोंय मोर धीरजरूपी आगया केर पालन काइर हिस, से लगिन मोंय हों तोके परीक्षा केर उ बेरा बचाय रखमूँ, जे धरती में रहेक वाला आदमीमन के परखेक लगिन गोटा दुनिया में आवेक वाला अहे।

प्रकाशितवाक्य 3:21

जे जीत जाई, मोंय उके अपन संगे अपन सिंहासन में बइठामूँ, जइसन मोंय हों जीत के अपन आबा केर संगे उकर सिंहासन में बाइठ गेलों।

प्रकाशितवाक्य 3:8

मोंय तोर काममन के जानोना, देख, मोंय तोर सामने एगो दुरा खोइल के राइख हों, जेके केऊ बंद करेक नी पारी, तोर शक्ति थोरेसन तो अहे, फिन भी तोंय मोर बचन केर पालन काइर हिस आउर मोर नाँव केर इंकार नी करले।

प्रकाशितवाक्य 5:10

आउर उमन के हमर परमेश्‍वर लगिन तोंय एइसन आदमी बनाय देई हिस, जेमन केर उपरे उ राइज करेला आउर पुरोहित बनाले जे उकर सेवा करैना आउर उमन दुनिया में राइज करबैं।”