2 तीमुथियुस 2:10 - सादरी नवाँ नियम

¹⁰ जेमन के परमेश्‍वर चुइन हे, मोंय उमन केर फायदा लगिन सोउब रकम केर दुःख सहोना। ताकि उमन हों यीशु मसीह उपरे बिसवास करोक आउर छुटकारा पाओक, आउर उ महिमा के पाओक जे जुग-जुग लगिन अहे।

2 तीमुथियुस 2:10 Iomraidhean Croise

मत्ती 24:22

मगर परमेश्‍वर अपन चुनलमन केर खातिर उ दुःख-तकलीफ केर दिनमन के घटाय देई, अगर उ दिनमन के नी घटातक, तो केऊ हों नी बचतैं।

मत्ती 24:24

काले कि झूठा मसीह आउर झूठा परमेश्‍वर केर संदेश बताएक वालामन उइठ खड़ा होबैं उमन बड़का-बड़का चिन्हा आउर चमत्कार केर काममन के देखाबैं आउर होई सके तो उमन चुनलमन के हों बहकाय देबैं।

मत्ती 24:31

आउर मोंय अपन दूतमन के जोर से तुरही बजाते भेजमूँ, आउर उमन आकाश केर इ छोर से उ छोर तक, चाइरो दिशा से मोर चुनल आदमीमन के जमा करबैं।

लूका 18:7

परमेश्‍वर हों अपन चुनल आदमीमन लगिन जेमन दिन-राइत उके गोहराते रहैना, उ मनक मदइत करेक में देरी नी करी।

लूका 22:57

मगर पतरस मुकइर के कहलक, “हे बहिन, मोंय उ आदमी के नी जानोना।”

यूहन्ना 11:52

आउर यीशु ओहेमन लगिन सिरिफ नी मोरी, मगर उ परमेश्‍वर केर आउरो संतानमन लगिन मोरी, जेमन छितराल अहैं ताकि उमन के जमा करोक।

यूहन्ना 17:24

हे आबा परमेश्‍वर, मोंय चाहाथों कि जेमन के तोंय मोके देई हिस, उमन जहाँ मोंय अहों हूवाँ मोर संगे रहोक, जेकर से उमन मोर महिमा के देखेक पारोक, जेके तोंय मोके देई हिस, काले कि तोंय दुनिया केर सिरजेक से आगे मोर से प्रेम काइर हिस।

यूहन्ना 17:9

मोंय उमन लगिन प्रार्थना नी कराथों, जेमन दुनिया से नाता रखैना मगर उमन लगिन प्रार्थना कराथों, जेमन के तोंय मोके देई हिस, काले कि उमन तोर हेकैं।

रोमानियनमन 2:7

परमेश्‍वर उमन के जेमन बेस काम में स्थिर रइह के महिमा, आउर आदर, आउर नाश नी होवेक वाला जिंदगी केर खोजार में अहैं, उमन के उ जुग-जुग केर जिंदगी देवी।

रोमानियनमन 9:23

आउर दया पावल आदमीमन उपरे जेमन के परमेश्‍वर अपन महिमा केर लगिन पहिलेहें से तेयार काइर हे, अपन ढेइर महिमा के देखाई।

1 कुरिनथियनमन 1:21

काले कि परमेश्‍वर अपन गेयान से पहिलेहें देइख हे कि दुनिया केर आदमीमन उके अपन गेयान से कहियो नी जानबैं, परमेश्‍वर बिसवास करेक वालामन के बचाएक लगिन हमर शुभ समाचार परचार के इस्तेमाल करलक, जबकि थोरेक आदमीमन इके बेकार गोइठ मतलब मूरख आदमी केर गोइठ समझैना।

1 कुरिनथियनमन 9:22

जब मोंय उमन केर संगे रहलों जेमन बिसवास में कमजोर अहैं, तो मोंय ओहेमन नियर ब्यवहार करलों, ताकि मोंय उमन के मसीह केर पिछे चलेक में मदइत करेक पारमूँ। मोंय सोउब आदमीमन लगिन सोउब नियर बनलों, ताकि मोंय कोनों नी कोनों नियर कायनों झन केर छुटकारा करुवाएक पारमूँ।

2 कुरिनथियनमन 1:6

अगर हमरे दुःख पाविला, तो इ तोहर शांति आउर छुटकारा लगिन हेके, आउर अगर हमरे शांति पाविला, तो इ तोहर शांति लगिन हेके, जेकर असर से तोहरेमन धीरज केर साथ उ दुःख तकलीफमन के साइह लेवाला, जेके हमरे हों सहिला।

2 कुरिनथियनमन 12:15

जे कोनों मोर ठिना अहे, उके तोहरेमन के देई के मोंय ढेइर खुश होमूँ, आउर मोंय तोहरे के परमेश्‍वर केर पिछे चलेक ले मदइत करेक लगिन खुद के हों देई देमूँ, मोंय तोहरेमन से ढेइर प्रेम करोना, मगर एइसन दिसेला कि तोहरेमन मोर से ढेइर थोर प्रेम कराला।

2 कुरिनथियनमन 4:15

काले कि इ सोउब दुःखमन, जेके हमरे सहली तोहर फायदा लगिन हेके, ताकि परमेश्‍वर केर किरपा बगरा से बगरा आदमीमन के मालूम होई जाओक कि परमेश्‍वर केतना दयालु अहे, आउर ढेइर आदमीमन परमेश्‍वर केर आदर आउर महिमा करोक।

2 कुरिनथियनमन 4:17

काले कि हमरे केर इ बेरा केर मुसीबतमन थोरहें अहे आउर बगरा दिन तक नी रही। काले कि उ मुसीबतमन केर बदली में जुग-जुग केर महिमा मिली, जे हमरे केर सोचेक से कहीं बाइढ़ के अहे।

इफिसियनमन 3:13

इ लगिन मोंय बिनती करोना कि तोहर लगिन जे दुःख मोंय सहाथों उकर चलते निराश ना होबा, काले कि इकर से तोहरे केर फायदा होवी।

कुलुसियनमन 1:24

अब मोंय उ दुःखमन केर चलते खुशी मनावना जे तोहर लगिन सहोना, मोंय लगातार अपन काया में पीड़ामन के सहोना जइसन मसीह अपन काया में जे कलीसिया हेके पीड़ा सहलक। मतलब मोंय हों अपन काया में दुःख साइह के कलीसिया केर लगिन पूरा काइर देवोना।

कुलुसियनमन 1:27

काले कि परमेश्‍वर चाहत रहे कि उकर आदमीमन इ जाइन लेवोक कि मसीह केर धन आउर महिमा तोहरे परजाइत आदमीमन लगिन हों अहे। आउर उ भेद इ हेके कि मसीह जे महिमा केर आसरा हेके तोहरे में रहेला।

1थिस्सलुनीकियनमन 5:9

परमेश्‍वर हमरे के इ लगिन नी चुइन हे कि अपन खीस में हमरे के दंड देवी, मगर हमरे अपन प्रभु यीशु मसीह बटले छुटकारा पावेक लगिन चुनल जाय ही।

2 थिस्सलुनीकियनमन 2:14

जेकर लगिन परमेश्‍वर हमर बताल शुभ समाचार केर द्वारा तोहरे के बचाएक लगिन बोलालक, ताकि तोहरेमन हमर प्रभु यीशु मसीह केर महिमा में भागीदार होवेक पारबा।

2 तीमुथियुस 1:1

इ चिट्ठी मोंय पौलुस बटले हेके। परमेश्‍वर मोके इ लगिन चुइन हे कि मोंय यीशु मसीह केर खास चेला बनमूँ, ताकि मोंय उ संदेश केर परचार करेक पारमूँ कि परमेश्‍वर जुग-जुग केर जिंदगी देवेक केर करार काइर हे, जे मसीह यीशु उपरे बिसवास करेक से मिलेला।

2 तीमुथियुस 2:1

इ लगिन हे मोर बेटा तीमुथियुस, तोंय उ किरपा से जे यीशु मसीह में अहे, बलवान होई जा।

2 तीमुथियुस 2:3

यीशु मसीह केर एगो बेस फौजी नियर मोर संगे दुःख सह।

तीतुस 1:1

इ चिट्ठी मोंय पौलुस बटले हेके, मोंय परमेश्‍वर केर दास आउर यीशु मसीह केर चुनल खास चेला हेकों। मोके परमेश्‍वर केर चुनल आदमीमन केर बिसवास के मजबूत करेक आउर यीशु मसीह केर सच्चा शिक्षामन के जानेक में मदइत करेक लगिन ठहराल जाय हे, ताकि उमन एइसन जिंदगी जिओक जे परमेश्‍वर के खुश करेला।

1 पतरस 2:10

पहिले तोहरेमन परमेश्‍वर केर आदमी नी रहा मगर अब उकर आदमी बाइन गेला, पहिले तोहरे परमेश्‍वर केर दया के नी जानत रहा, मगर अब जानाला, काले कि उ तोहर उपरे अपन दया के देखाय हे।

1 पतरस 5:10

परमेश्‍वर जे पूरा रीति से किरपा से भरल अहे, उ हमरे के यीशु मसीह केर संगे एक जूट होवेक केर खातिर, स्वरग में उकर जुग-जुग केर महिमा में साझादार होवेक लगिन बोलाय हे। तोहर थोरेक देरी लगिन दुःख सहेक केर पाछे, परमेश्‍वर तोहरे के बेस बनाय देवी ताकि तोहर में कोनों दोष ना रहोक आउर उ तोहर दिल के मजबूत करी आउर उकर उपरे तोहर भरसा के सचमुच में स्थिर बनाय देवी।