2 तीमुथियुस 1:9 - सादरी नवाँ नियम

⁹ जे हमरे के बचालक आउर पवितर जिंदगी जियेक लगिन बोलालक, उ हमरे के हमर बेस काममन केर चलते निहीं। मगर अपन योजना केर मोताबिक यीशु मसीह के हमर लगिन दुनिया में मोरेक ले भेजेक केर चलते हमर उपरे किरपा करलक।

2 तीमुथियुस 1:9 Iomraidhean Croise

मत्ती 1:21

उ बेटा जनम देवी आउर तोंय उकर नाँव यीशु रखबे, काले कि उ अपन आदमीमन के उ मनक पाप से बचाई।”

लूका 10:21

ओहे बेरा यीशु पवितर आत्मा में होई के खुशी से भाइर गेलक, आउर कहलक, “हे परमेश्‍वर आबा, आकाश आउर धरती केर प्रभु, मोंय तोर धन्यबाद करोना कि इ गोइठमन के गेयानीमन, आउर समझदार आदमीमन से लुकाय के रखले। आउर उ आदमी मनक उपरे दिस्तार काइर हिस, जेमन छउवामन नियर बचन के सुइन के उकर में बिसवास करैना। हाँ, हे परमेश्‍वर आबा, काले कि तोके एहे बेस लगलक।

यूहन्ना 17:24

हे आबा परमेश्‍वर, मोंय चाहाथों कि जेमन के तोंय मोके देई हिस, उमन जहाँ मोंय अहों हूवाँ मोर संगे रहोक, जेकर से उमन मोर महिमा के देखेक पारोक, जेके तोंय मोके देई हिस, काले कि तोंय दुनिया केर सिरजेक से आगे मोर से प्रेम काइर हिस।

यूहन्ना 17:9

मोंय उमन लगिन प्रार्थना नी कराथों, जेमन दुनिया से नाता रखैना मगर उमन लगिन प्रार्थना कराथों, जेमन के तोंय मोके देई हिस, काले कि उमन तोर हेकैं।

यूहन्ना 6:37

आबा परमेश्‍वर जेमन के मोके जिम्मा देवेला, उमन मोर ठिना आबैं आउर जेमन मोर ठिना आबैं, उमन के मोंय मोर ठिना सोउब दिन लगिन रखमूँ।

खास चेलामन केर काम 15:18

इ गोइठमन के ओहे प्रभु कइह हे, जेकर बारे में दुनिया केर सिरजन से समाचार देते आय हे।’

खास चेलामन केर काम 2:47

आउर परमेश्‍वर केर महिमा करत रहैं, आउर सोउब आदमीमन उमन से खुश रहैं, आउर जेमन छुटकारा पावत रहैं, उमन के प्रभु रोज दिन उमन में मिलाय देवत रहे।

रोमानियनमन 11:14

ताकि कोनों नियर मोंय अपन इसराइली आदमीमन में हिसिंगा करुवाय के उमन में से कायनों झन के बचाय लेमूँ।

रोमानियनमन 11:29

काले कि परमेश्‍वर कहियो अपन बरदानमन से, आउर बोलाएक से पिछे नी मुढ़ेला।

रोमानियनमन 16:25

अब परमेश्‍वर केर स्तुति होवोक, जे तोहरेमन के बिसवास में मजबूत बनाएक पारेला, उ शुभ समाचार केर द्वारा आउर यीशु मसीह केर संदेश केर द्वारा जेके मोंय आदमीमन के बतावना। इ मसीह केर बारे में संदेश भेद केर गोइठ हेके, जे शुरु से लुकल रहे मगर अब दिस्तार होलक।

रोमानियनमन 3:20

इ लगिन कि मूसा केर नियम के पूरा करेक से केऊ आदमी परमेश्‍वर केर सामने धरमी नी ठहरी, काले कि मूसा केर नियम हमरे के बतायला कि हमरे पापी अही।

रोमानियनमन 9:11

आउर हिंयाँ तक कि उमन केर जनम से पहिले, या उमन केर भला आउर बुरा करेक से पहिले, परमेश्‍वर रिबका से कहलक “तोर बड़का बेटा छोटका बेटा केर सेवा करी” परमेश्‍वर एइसन इ देखाएक लगिन कहलक कि उ अपन इच्छा केर मोताबिक काम करेला, इ निहीं कि उमन कोनों काइर रहैं।

रोमानियनमन 9:24

मतलब हमरे उपरे जेमन के उ ना सिरिफ यहूदीमन में से, बल्कि परजाइत आदमीमन में से हों चुनलक।

1 कुरिनथियनमन 1:18

काले कि जे आदमीमन दंड पावेक लगिन परमेश्‍वर से अलग होई जाय हैं, उमन सोचैना कि क्रूस उपरे यीशु मसीह केर माउत बेकार अहे, मगर हमरेमन लगिन जेमन उ संदेश उपरे बिसवास काइर ही, इ परमेश्‍वर केर शक्ति से आदमीमन के बचाएक लगिन परमेश्‍वर केर डहर हेके।

इफिसियनमन 1:11

ओहे यीशु केर चलते जेकर से हमरे जुड़ल अही, बपौती अधिकार पावेक नियर हमरे परमेश्‍वर से अधिकार के पाली, जेकर लगिन उ अपन योजना केर मोताबिक पहिलेहें से हमरे के चुइन रहे।

इफिसियनमन 1:9

आउर जे कोनों यीशु मसीह हमर लगिन करलक, उकर से परमेश्‍वर अपन लुकल योजना के हमरे के देखालक।

इफिसियनमन 3:11

इ योजना के परमेश्‍वर दुनिया केर सिरजन से पहिले हें बनाय रहे। जेके उ हमर प्रभु यीशु मसीह केर द्वारा पूरा करलक।

फिलिप्पियनमन 3:14

मोंय निशाना बटे कूदते जाथों, ताकि उ इनाम के पामूँ, जेके देवेक लगिन परमेश्‍वर मोके स्वरग बोलाय हे आउर जेकर लगिन मसीह यीशु अपन जान के देई हे।

1थिस्सलुनीकियनमन 4:7

काले कि परमेश्‍वर हमरे के अशुद्ध जिंदगी जियेक लगिन निहीं, मगर पवितर जिंदगी जियेक लगिन बोलाय हे।

1 तीमुथियुस 1:1

इ चिट्ठी मोंय पौलुस बटले हेके। मोंय हमरे केर छुटकारा देवाइया परमेश्‍वर आउर यीशु मसीह जेकर में हमरे आसरा करिला, उकर अधिकार से यीशु मसीह केर एगो चुनल खास चेला हेकों।

2 तीमुथियुस 1:1

इ चिट्ठी मोंय पौलुस बटले हेके। परमेश्‍वर मोके इ लगिन चुइन हे कि मोंय यीशु मसीह केर खास चेला बनमूँ, ताकि मोंय उ संदेश केर परचार करेक पारमूँ कि परमेश्‍वर जुग-जुग केर जिंदगी देवेक केर करार काइर हे, जे मसीह यीशु उपरे बिसवास करेक से मिलेला।

तीतुस 1:2

जेकर से उमन परमेश्‍वर केर संगे जुग-जुग रहेक लगिन आसरा करैना, काले कि परमेश्‍वर जे कहियो झूठ नी बोलेला दुनिया के सिरजाएक से पहिले करार काइर रहे कि उकर आदमीमन जुग-जुग लगिन जीते रहबैं।

इब्रानीमन 3:1

हे मोर संगी बिसवासी भाईमन जेमन परमेश्‍वर केर हेका, तोहरेमन स्वरग में उकर से मिलेक लगिन बोलाल जाय हा, यीशु मसीह उपरे धेयान देवा जे हमर लगिन परमेश्‍वर केर शुभ समाचार केर दूत आउर महापुरोहित हेके।

1 पतरस 1:20

इ दुनिया केर सिरजाल जाएक से पहिले, परमेश्‍वर पहिलेहें से ठहराय लेई रहे कि यीशु मसीह छोड़ाएक वाला होवी। मगर उ तोहर मदइत करेक लगिन इ आखरी दिनमन में धरती में आलक।

1 पतरस 2:9

मगर तोहरेमन एइसन नखा, काले कि तोहरे परमेश्‍वर केर चुनल आदमी हेका, तोहरे परमेश्‍वर केर पुरोहित हेका जे राजा हेके, तोहरेमन एइसन आदमी हेका जेमन खुद के परमेश्‍वर केर सेवा लगिन सोंइप देई हा, आउर तोहरे परमेश्‍वर केर हेका, तोहरे के परमेश्‍वर अंधार में से चुइन के अपन इंजोत में लाइन हे, ताकि तोहरे उकर अदभुत काममन केर परचार करबा।

प्रकाशितवाक्य 13:8

धरती केर उपरे रहेक वाला सोउब आदमीमन राक्षस केर पूजा करेक लगलैं। सिरिफ ओहेमन उकर पूजा नी करलैं, जेमन केर नाँव दुनिया केर सिरजन होवेक से पहिलेहें से जिंदगी केर किताब में लिखल जाय रहे। इ जिंदगी केर किताब उ मेमना केर किताब हेके, जेके बलिदान केर रूप में माइर देवल जाय रहे।

प्रकाशितवाक्य 17:8

जे जानवर तोंय देइख हिस, उ पहिले तो रहे, मगर अब नखे, मगर उ बेथाह गढ़हा से निकइल के आवी, सेहे बेरा उकर बिनाश होई जाई। आउर धरती केर रहेक वाला आदमीमन जेमन केर नाँव दुनिया केर सिरजेक बेरा से जिंदगी केर किताब में लिखल नखे, इ जानवर केर इ दशा देइख के कि पहिले रहे, आउर अब नखे आउर फिन आय जाई, ताजुब करबैं।