2 तीमुथियुस 1:8 - सादरी नवाँ नियम

⁸ इ लगिन दोसरमन के हमर यीशु मसीह केर बारे में बताएक से ना लजाबे, आउर ना हें तोके इ गोइठ से लजाएक चाही कि मोंय उकर सेवा करेक केर चलते जेहेल में अहों। बल्कि तोके उ शक्ति केर इस्तेमाल करेक चाही जे शक्ति के परमेश्‍वर तोके देवेला, आउर शुभ समाचार सुनाएक केर खातिर मोंय जे दुःख सहाथों उकर में तोंय मोर साथ दे।

2 तीमुथियुस 1:8 Iomraidhean Croise

मरकुस 8:38

जे केऊ इ ब्यभिचारी आउर पापी जाइत केर माझे मोर से आउर मोर बचन केर मोताबिक चलेक से लजाई, तो मोंय आदमी केर बेटा हों जब अपन आबा केर तेज चमक सहित पवितर स्वरगदूतमन केर संगे आमूँ तब उकर से लजामूँ।”

लूका 9:26

जे केऊ मोर से आउर मोर जुग-जुग केर बचन केर मोताबिक चलेक से लजाई, तो मोंय आदमी केर बेटा हों, जब अपन, आउर आबा केर, आउर पवितर स्वरगदूतमन केर तेज चमक सहित आमूँ, तो उकर से लजामूँ।

यूहन्ना 15:27

आउर तोहरेमन दुनिया केर आदमीमन के मोर बारे में बताबा, काले कि तोहरेमन शुरु से मोर संगे अहा।”

यूहन्ना 19:35

जे आदमी इ सोउब घटना के देखलक, ओहे इकर गवाही देई हे, ताकि तोहरेमन हों यीशु केर उपरे बिसवास करेक पारबा। आउर उकर गवाही सच हेके, आउर उ जानेला कि उ सच कहाथे।

खास चेलामन केर काम 5:41

खास चेलामन महासभा से इ कइह के खुशी मनाते चाइल गेलैं कि हमरे यीशु केर चलते बेइज्जत होवेक केर लायक तो बनली।

रोमानियनमन 1:16

काले कि मोंय मसीह केर बारे में शुभ समाचार सुनाएक से नी लजावना, इ लगिन कि उ हरेक बिसवास करइयामन लगिन, पहिले तो यहूदी फिन यूनानीमन लगिन छुटकारा पावेक ले परमेश्‍वर केर शक्ति हेके।

रोमानियनमन 16:25

अब परमेश्‍वर केर स्तुति होवोक, जे तोहरेमन के बिसवास में मजबूत बनाएक पारेला, उ शुभ समाचार केर द्वारा आउर यीशु मसीह केर संदेश केर द्वारा जेके मोंय आदमीमन के बतावना। इ मसीह केर बारे में संदेश भेद केर गोइठ हेके, जे शुरु से लुकल रहे मगर अब दिस्तार होलक।

रोमानियनमन 8:36

जइसन लिखल अहे, “परमेश्‍वर केर खातिर हमरे के रोज दिन आदमीमन माइर मोराएक केर धमकी देवाएना, आउर हमरे से एइसन ब्यवहार करैना जइसन बलि करेक वाला भेड़ी के बलि करेक लगिन लेगैना”

रोमानियनमन 9:33

जइसन पवितर किताब में लिखल अहे, “देखा मोंय यरुशलेम शहर में एगो एइसन पखना रखाथों जे आदमीमन के जाएक आउर रोकेक केर कारण होवी, एइसन पखना जेकर से आदमीमन ठेसाय के गिरबैं, आउर जे उकर उपरे बिसवास करी उ कहियो लाजिम नी होवी।”

1 कुरिनथियनमन 1:6

जेकर से परमेश्‍वर तोहरेमन में इ साबित काइर हे कि यीशु मसीह केर बारे में जे संदेश अहे उ सच्चा हेके।

2 कुरिनथियनमन 6:7

सच्चा प्रेम करेक से, सच गोइठ गोठियाएक से, परमेश्‍वर केर शक्ति से दुःख उठाइला, आउर धारमिकता से, जे हमरे ठिना हँथियार केर रूप में हमला करेक लगिन आउर खुद के बचाएक लगिन अहे,

इफिसियनमन 3:1

से लगिन मोंय पौलुस तोहरे परजाइत आदमीमन लगिन मसीह यीशु केर काम करेक केर चलते जेहेल घर में बंदी अहों।

इफिसियनमन 3:13

इ लगिन मोंय बिनती करोना कि तोहर लगिन जे दुःख मोंय सहाथों उकर चलते निराश ना होबा, काले कि इकर से तोहरे केर फायदा होवी।

इफिसियनमन 4:1

मोंय प्रभु यीशु केर सेवा करोना से लगिन जेहेल में अहों। मोंय तोहरेमन से बिनती करोना कि परमेश्‍वर तोहरेमन के जइसन जिंदगी बिताएक ले बोलाय हे तइसनेहें जिंदगी बितावा।

इफिसियनमन 4:17

इ लगिन मोंय उ अधिकार केर साथ जेके प्रभु मोके देई हे, तोहरे के इ बतावना कि अबिसवासीमन नियर ब्यवहार ना करा, जेमन बेकार गोइठमन केर चिंता करैना।

फिलिप्पियनमन 1:7

तोहर लगिन मोर इ बिचार सही हेके काले कि मोंय तोहरेमन से ढेइर प्रेम करोना, काले कि जब मोंय जेहेल घर में अहों, चाहे शुभ समाचार केर रक्षा कराथों आउर इके साबित कराथों, तो तोहरे मोर इ किरपा में शामिल होई जावाला जेके परमेश्‍वर मोर उपरे काइर हे।

फिलिप्पियनमन 3:10

ताकि मोंय मसीह के आउर बढ़ियाँ से जाइन लेमूँ, आउर उकर मोरलमन में से जी उठेक केर शक्ति के महसूस करमूँ, आउर मौत में उकर लेखे बाइन के उकर दुःखमन में भागीदार होई जामूँ।

फिलिप्पियनमन 4:13

यीशु मसीह, जे मोके शक्ति देवेला, उकर द्वारा मोंय सोउब कुछ करेक पारोना।

कुलुसियनमन 1:11

मोंय प्रार्थना करोना कि परमेश्‍वर अपन महिमा से भरल शक्ति से तोहरेमन के ढेइर मजबूत करोक ताकि तोहरे धीरज आउर आनंद से अपन दुःखमन के सहेक पारबा।

कुलुसियनमन 1:24

अब मोंय उ दुःखमन केर चलते खुशी मनावना जे तोहर लगिन सहोना, मोंय लगातार अपन काया में पीड़ामन के सहोना जइसन मसीह अपन काया में जे कलीसिया हेके पीड़ा सहलक। मतलब मोंय हों अपन काया में दुःख साइह के कलीसिया केर लगिन पूरा काइर देवोना।

1थिस्सलुनीकियनमन 3:4

हमरे पहिलेहें जब तोहरे ठिना रही तो तोहरेमन के कहत रही कि हमरे उपरे सताव आवी, आउर एइसनेहें होलक जेके तोहरेमन हों जानाला।

1 तीमुथियुस 2:6

जे सोउब आदमीमन के छुटकारा देवेक केर दाम केर रूप में खुद के बलिदान काइर देलक। उकर बलिदान केर द्वारा परमेश्‍वर ठीक समय में गवाही देलक, ताकि जेमन बचेक चाहैना उ सोउबमन बाइच जाओक।

2 तीमुथियुस 1:10

अब हमर छुटकारा देवाइया यीशु मसीह आय जाहे आउर हमरे के अपन किरपा देखाय हे। उ माउत केर शक्ति के नाश काइर देलक, आउर शुभ समाचार केर शक्ति से जुग-जुग केर जिंदगी पावेक लगिन डहर देखालक।

2 तीमुथियुस 1:12

इ एहे खातिर होई हे जेकर से मोंय हिंयाँ जेहेल में हों दुःख उठाथों, आउर नी लजावना, काले कि मोंय मसीह के जानोना जेकर उपरे मोंय बिसवास काइर हों, आउर मोके पूरा भरसा अहे कि यीशु मसीह उ दिन तक, जब तक उ घूइर के नी आवी, जे कोनों उ मोके देई हे उकर रखवाली करी।

2 तीमुथियुस 1:16

उनेसिफुरुस केर घराना उपरे प्रभु दया करोक, काले कि उ मोर से भेंट करेक लगिन आलक आउर कायनों बेर मोर मदइत करलक। आउर जेहेल में हों आय के मोर से भेंट करेक से नी लजालक।

2 तीमुथियुस 2:3

यीशु मसीह केर एगो बेस फौजी नियर मोर संगे दुःख सह।

2 तीमुथियुस 2:8

तोंय लगातार यीशु मसीह केर बारे में सोचते रह। जे राजा दाऊद केर बंश हेके, आउर परमेश्‍वर उके मोरलमन में से जियालक, इ ओहे शुभ समाचार हेके जेके मोंय आदमीमन केर माझे परचार करोना।

2 तीमुथियुस 2:9

जेकर चलते मोंय एगो पापी नियर जेहेल में दुःख सहाथों, काले कि मोंय शुभ समाचार केर परचार करोना, मगर केऊ आदमी परमेश्‍वर केर बचन के परचार करेक से रोकेक नी पारी।

2 तीमुथियुस 4:17

मोंय यीशु मसीह केर बारे में संदेश के परजाइत आदमीमन के सफा-सफा बताएक पारलों, ताकि उमन शुभ समाचार के सुनोक, मगर प्रभु मोर मदइतगार रहलक, आउर मोके शक्ति देलक ताकि मोर द्वारा पूरा-पूरा परचार होवोक, आउर सोउब जाइत केर आदमीमन सुइन लेवोक, मोंय तो बाघ केर मुँह से बचेक नियर माउत से छोड़ाल गेलों।

2 तीमुथियुस 4:5

मगर तोंय सोउब समय खुद के काबू में रख, चाहे तोके कोनोवें दुःख उठाएक काले नी पड़ी, सोउब दुःखमन के सह आउर शुभ समाचार केर परचार लगिन कड़ा मेहनइत कर। एगो परमेश्‍वर केर दास नियर उ सोउब काममन के कर जेके करेक ले परमेश्‍वर तोके जिम्मा सोंइप हे।

1 पतरस 1:5

आउर परमेश्‍वर अपन महान शक्ति से तोहरे के संभराय के राइख हे, काले कि तोहरे यीशु में भरसा कराला, उ तोहरे के मसीह केर घूइर आवेक दिन तक संभराय के राखी, तब तोहरेमन जानबा कि पाप आउर माउत से परमेश्‍वर तोहर पूरा पुरी छुटकारा काइर हे।

1 यूहन्ना 4:14

हमरेमन बेटा के देइख ही आउर गवाही देवीला कि आबा परमेश्‍वर बेटा के इ दुनिया केर आदमीमन के पापमन से छुटकारा देवेक लगिन भेजलक।

यहूदा 1:24

सिरिफ परमेश्‍वर हें तोहरे के ठोकर खाएक से बचाएक पारेला आउर अपन महिमा केर भरपूरी केर सामने खुश आउर निरदोष काइर के ठडु़वाएक पारेला।

प्रकाशितवाक्य 1:2

यूहन्ना उ सोउब गोइठमन के लिखलक जे उके देखाल जाय रहे, मतलब परमेश्‍वर केर बटले देवल बचन आउर उ सोउब कुछ, जेके यीशु मसीह कइह रहे।

प्रकाशितवाक्य 1:9

मोंय यूहन्ना जे तोहर संगी बिसवासी आउर मसीह केर लगिन दुःख सहेक में, आउर आबा परमेश्‍वर केर राइज में, आउर धीरज केर संगे उ दुःखमन के सहेक में तोहर संगी हेकों, जे उ आदमीमन उपरे आवेला जेमन केर रिश्ता उकर संगे अहे। मोके पतमुस टापू में कैदी बनाय के भेइज देवल जाय रहे। काले कि मोंय आबा परमेश्‍वर केर बचन के परचार काइर रहों आउर यीशु केर सच्चा संदेश के बताय रहों।

प्रकाशितवाक्य 12:11

आउर उमन मेमना केर लोहू केर खातिर आउर अपन गवाही केर बचन केर खातिर, उकर उपरे जीत पालैं, आउर उमन अपन प्राण केर मोह छोइड़ के माउत के अपनाय लेलैं।

प्रकाशितवाक्य 19:10

तब मोंय उकर पाँव केर भीरे निहइर के माथा टेकलो आउर उकर आराधना करलों। उ मोर से कहलक, “देख, एइसन ना कर, मोंय तोर आउर तोर भाईमन केर संगी दास हेकों, जे यीशु केर गवाही देवेक में स्थिर अहैं। परमेश्‍वर केर हें आराधना कर। काले कि यीशु केर गवाही भविष्यवाणी केर आत्मा हेके।”