2 तीमुथियुस 1:3 - सादरी नवाँ नियम

³ मोंय परमेश्‍वर के धन्यबाद देवोना, जेकर मोंय आउर मोर पुरखामन शुद्ध बिवेक से सेवा काइर ही। जखनोहों मोंय प्रार्थना करोना तो मोंय तोर नाँव केर चरचा करेक हमेशा याइद रखोना।

2 तीमुथियुस 1:3 Iomraidhean Croise

लूका 2:37

आउर उ चौरासी साल केर बिधवा रहे। उ बगरा समय मंदिर में हें बितात रहे, आउर उपास आउर प्रार्थना काइर के दिन-राइत परमेश्‍वर केर भक्ति करत रहे।

खास चेलामन केर काम 22:3

“मोंय तो यहूदी आदमी हेकों, मोर जनम किलिकिया परदेस केर तरसुस नगर में होई रहे, मगर मोंय एहे शहर यरुशलेम में पोइस-बाइढ़ हों। मोर शिक्षा-दीक्षा मूसा केर नियम केर मोताबिक गमलीएल महोदय केर देख-रेख में होलक। आइज परमेश्‍वर केर लगिन जइसन तोहरे धुन लगाय हा, तइसनेहें मोंय हों लगाय रहों।

खास चेलामन केर काम 23:1

पौलुस धरम महासभा केर आदमीमन बटे धेयान से देइख के कहलक, “हे भाईमन, मोंय आइज तक परमेश्‍वर लगिन बुद्धिमानी से जिंदगी बिताय हों।”

खास चेलामन केर काम 24:14

मोंय तोर सामने माइन लेवाथों कि मोंय यीशु मसीह केर चेला बाइन के अपन पुरखामन केर परमेश्‍वर केर भक्ति करोना, आउर जे गोइठमन मूसा केर नियम आउर परमेश्‍वर केर संदेश के बताएक वालामन केर किताबमन में लिखल अहे, उ सोउब में बिसवास करोना। जेके यहूदी अगुवामन बुरा डहर कहैना।

खास चेलामन केर काम 24:16

से लगिन मोंय परमेश्‍वर आउर आदमीमन केर नजइर में सोउब बेरा बिवेक से निरदोष बनल रहेक केर खुद हें कोशिश करोना।

खास चेलामन केर काम 26:4

मोंय छोटपन से अपन जाइतमन केर माझे आउर यरुशलेम शहर में हें जिंदगी बिताय हों। से लगिन सोउब यहूदी आदमीमन जानैना कि मोर चाइल-चलन कइसन अहे।

खास चेलामन केर काम 27:23

काले कि परमेश्‍वर जेकर मोंय सेवक हेकों, आउर जेकर भक्ति करोना, उकर स्वरगदूत आइज राइत मोर ठिना आय के कहलक,

रोमानियनमन 9:1

जब, अगर कोनोवें चीजमन हमरे के परमेश्‍वर केर प्रेम से अलग करेक नी पारी, तो काले इसराइली आदमीमन परमेश्‍वर से अलग होई गेलैं? मोंय उमन केर लगिन ढेइर दुःखी अहों, आउर मोर हिरदय उमन केर लगिन सोउब बेरा पोड़ेला। आउर मोंय सचमुच में कहोना, मोंय खुद हें मोर अपन भाई बहिनमन केर मुक्ति लगिन दोषी गिनातों आउर मसीह से अलग होई जतो, मोंय एहे इच्छा कराथों। इ सोउब मोंय मसीह के अपन गवाह बनाय के सच्चाई से बताथों, आउर पवितर आत्मा आउर मोर दिल हों एहे गवाही देवाथे कि इ सोउब झूठा ना लगे।

2 कुरिनथियनमन 1:12

हमरे के इ गोइठ उपरे घमंड अहे कि हमरे केर बिवेक बिसवास दिवायला कि हमरे आदमीमन केर साथ, आउर खास काइर के तोहरे केर साथ, जे ब्यवहार काइर ही उ दुनिया केर गेयान केर मोताबिक निहीं, बल्कि उ सच्चाई आउर ईमानदारी केर मोताबिक रहे, जे परमेश्‍वर केर किरपा केर बरदान हेके।

गलातियनमन 1:14

मोंय अपन समय में, अपन जोड़ी यहूदीमन से ढेइर आगे रहों, आउर हमर पुरखामन केर शिक्षामन के सिखेक आउर मानेक लगिन ढेइर मेहनइत करत रहों।

इफिसियनमन 1:16

मोंय लगातार तोहर लगिन परमेश्‍वर के धन्यबाद देवोना। आउर अपन प्रार्थनामन में तोहरे के याइद करोना।

1थिस्सलुनीकियनमन 3:10

हमरे लगातार राइत दिन प्रार्थना करते रहिला कि दोबारा तोहरे के देखेक पारब आउर प्रभु यीशु मसीह उपरे बिसवास करेक में तोहर मदइत करब।

1 तीमुथियुस 1:19

आउर तोके मसीह उपरे बिसवास में बनल रहेक चाही आउर तोर में एगो शुद्ध बिवेक होवेक चाही। थोरेक आदमीमन उ शुद्ध बिवेक के छोइड़ देलैं जेकर नतीजा इ होलक कि अब उमन बिसवास में नखैं।

1 तीमुथियुस 1:5

तोहरे के इ आगया देवेक केर मोर मकसद इ हेके कि तोहरे एक दोसर के सच्चा मन, शुद्ध बिवेक आउर पूरा बिसवास से प्रेम करा।

1 तीमुथियुस 5:5

जे बिधवामन केर सचमुच में केऊ देख रेख करेक वाला नखैं उमन परमेश्‍वर हें उपरे आसरा रखैना, आउर राइत-दिन प्रार्थना बिनती काइर के, परमेश्‍वर से हें अपन ले मदइत माँगैना।

2 तीमुथियुस 1:5

मोके तोर उ सच्चा बिसवास केर खेयाल आवेला, जे पहिले तोर नानी लोइस, आउर तोर आयो यूनीके में रहे, आउर मोके पूरा भरसा अहे कि उ बिसवास तोर में हों अहे।

2 तीमुथियुस 3:15

जब तोंय एगो छोटका छउवा रहिस, सेहे बेरा से पवितर किताब केर गोइठमन के तोंय सीख हिस। जे तोके इ बुझेक में मदइत करेला कि जब तोंय यीशु मसीह उपरे बिसवास करिसला तो परमेश्‍वर तोके बचायला।

इब्रानीमन 13:8

यीशु मसीह काइल आउर आइज आउर जुग-जुग लगिन एक जइसन अहे, उ कहियो नी बदलेला।