2 तीमुथियुस 1:2 - सादरी नवाँ नियम

² हे तीमुथियुस, मोंय तोर नाँव से इ चिट्ठी के लिखाथों, तोंय मोर लगिन एगो दुलार बेटा नियर अहिस। मोंय प्रार्थना करोना कि आबा परमेश्‍वर आउर हमर प्रभु यीशु मसीह तोर उपरे किरपा आउर दया करते रहोक, आउर शांति देते रहोक।

2 तीमुथियुस 1:2 Iomraidhean Croise

खास चेलामन केर काम 16:1

पौलुस फिन दिरबे नगर आउर लुस्त्रा नगर में हों गेलक, आउर हूवाँ तीमुथियुस नाँव केर एगो चेला रहे, जेकर आयो यहूदी रहे आउर आबा यूनान देस केर रहेक वाला रहे।

रोमानियनमन 1:7

तोहरे सोउबमन केर नाँव में मोंय चिट्ठी लिखाथों जेमन रोम देस में रहाला आउर परमेश्‍वर तोहरे के प्रेम करेला, आउर तोहरे के अपन पवितर आदमी बनेक लगिन बोलाय हे। हमर आबा परमेश्‍वर आउर प्रभु यीशु मसीह बटले तोहरे के किरपा आउर शांति मिलते रहोक।

रोमानियनमन 12:19

हे दुलार भाई बहिनमन बदला ना लेवा, मगर परमेश्‍वर के दंड देवेक केर मोका देवा, काले कि पवितर किताब में लिखल अहे प्रभु कहेला, “बदला लेवेक मोर काम हेके।”

1 कुरिनथियनमन 4:17

इ लगिन मोंय तीमुथियुस के जे प्रभु में मोर दुलार आउर बिसवास लाएक बेटा हेके, तोहरे ठिना भेइज हों, उ तोहरेमन के यीशु मसीह में मोर ब्यवहार के याइद करवाई, जेके मोंय हर जगा आउर हरेक कलीसिया में उपदेस देवोना।

फिलिप्पियनमन 4:1

इ लगिन हे मोर बिसवासी भाईमन, मोंय तोहरे से ढेइर प्रेम करोना आउर तोहरे से भेंट करेक केर आसरा कराथों तोहरेमन मोर खुशी आउर मुकुट हेका। हे दुलारा भाईमन, प्रभु उपरे बिसवास में स्थिर रहा।

1 तीमुथियुस 1:2

मोंय इ चिट्ठी, हे तीमुथियुस तोके लिखाथों, तोंय मोर अपन बेटा नियर अहिस, काले कि तोंय हों यीशु मसीह में बिसवास करिसला। मोंय प्रार्थना करोना कि आबा परमेश्‍वर आउर हमर प्रभु यीशु मसीह बटले तोके किरपा, दया आउर शांति मिलते रहोक।

2 तीमुथियुस 2:1

इ लगिन हे मोर बेटा तीमुथियुस, तोंय उ किरपा से जे यीशु मसीह में अहे, बलवान होई जा।

तीतुस 1:4

मोंय इ चिट्ठी, हे तीतुस तोके लिखाथों, तोंय मोर अपन बेटा नियर अहिस काले कि तोंय हों यीशु मसीह में बिसवास करिसला। मोंय प्रार्थना करोना कि आबा परमेश्‍वर आउर छुटकारा देवाइया यीशु मसीह बटले तोके किरपा आउर शांति मिलते रहोक।

तीतुस 2:13

आउर हमरे उ आसरा मतलब हमरे केर महान परमेश्‍वर आउर छुटकारा देवाइया यीशु मसीह के तेज चमक केर संगे दोबारा घूइर आवेक केर इंतजार कराथी।

3 यूहन्ना 1:4

मोके आउर कोनों गोइठ से एतना खुशी नी होतक जेतना इ सुइन के कि मोर छउवामन सच्चाई केर डहर में चलैना।