2 तीमुथियुस 1:18 - सादरी नवाँ नियम

¹⁸ न्याय केर दिन प्रभु उनेसिफुरुस केर उपरे अपन महान दया देखाओक। तोंय बढ़ियाँ से जानिसला कि उ इफिसुस शहर में मोर कतइ मदइत काइर हे।

2 तीमुथियुस 1:18 Iomraidhean Croise

लूका 1:72

आउर हमर बाप-दादामन केर उपरे दया काइर के अपन पवितर करार के याइद करी।

लूका 1:78

इ हमर परमेश्‍वर केर बड़का दया से होवी, जइसन बेइर इंजोत देवेक लगिन चमकेला, तइसनेहें मसीह हों हमर लगिन स्वरग से आवी,

लूका 8:3

आउर राजा हेरोदेस केर भंडारी खोजा केर जनाना योअन्ना रहे, आउर सूसन्ना आउर ढेइर हें जनानामन रहैं। इमन अपन धन-सम्पति से यीशु आउर उकर खास चेलामन केर सेवा-सुसइर करत रहैं।

खास चेलामन केर काम 18:19

पौलुस इफिसुस शहर में पोंहइच के प्रिस्किल्ला आउर अक्विला के हूवाँ छोइड़ देलक आउर खुद यहूदी मनक प्रार्थना घर में जाय के यहूदीमन से बहस करेक लगलक।

खास चेलामन केर काम 18:21

आउर इ कइह के उमन से बिदा होलक, “अगर परमेश्‍वर चाही तो मोंय तोहर ठिना फिन आमूँ।” तब उ इफिसुस शहर छोइड़ के पानी जहाज से आगे चाइल गेलक।

खास चेलामन केर काम 19:1

जब अपुल्लोस कुरिन्थुस शहर में रहे। पौलुस भीतरे केर सोउब परदेस से होई के इफिसुस शहर में आलक। हूवाँ थोरेक चेलामन मिललैं।

1 कुरिनथियनमन 1:8

परमेश्‍वर तोहरेमन के आखरी तक बिसवास में मजबूत हों करी, ताकि तोहरेमन उ दिन तक निरदोष रहबा, जब हमर प्रभु यीशु मसीह इ धरती में फिन से घूइर आवी।

1 कुरिनथियनमन 16:8

मगर मोंय पिन्तेकुस्त परब तक इफिसुस शहर में रहमूँ।

1 कुरिनथियनमन 3:13

मगर न्याय केर दिन जब मसीह फिन से घूइर आवी, तब आइग हरेक झन केर काम केर गुण के देखाई, अगर केकरो काम केर कोनों कीमत अहे तो आइग उके देखाई,

2 कुरिनथियनमन 9:1

अब यरुशलेम शहर केर बिसवासीमन के दान देवेक केर सेवा केर बारे में, मोके तोहरेमन के लिखेक जरुरी नखे।

इफिसियनमन 2:4

मगर परमेश्‍वर जे ढेइर दयालु अहे, जब हमरे पापमन केर चलते मोरल नियर रही, तो अपन बड़का प्रेम से हमरे के प्रेम करलक। आउर मसीह केर संगे एक होवेक केर चलते हमरे के जियालक, (परमेश्‍वर केर किरपा से हें तोहर छुटकारा होई हे)।

1थिस्सलुनीकियनमन 2:19

भला हमरे केर आसरा, या खुशी या बड़ाई केर मुकुट केमन हेकैं? का हमर प्रभु यीशु केर सामने उकर घूइर आवेक केर बेरा तोहरेमन हें नी होबा?

1 तीमुथियुस 1:3

हे तीमुथियुस जइसन कि तोंय जानिसला कि इफिसुस शहर में थोरेक एइसन आदमीमन अहैं, जेमन गलत शिक्षा देवैना। उमन लगातार झूठा कहानीमन आउर पुरखामन केर लम्बा बंशावली के सिखायना, जब मोंय इफिसुस शहर से मकिदुनिया परदेस में जाएक लगिन तेयार रहों, तो मोंय तोके इफिसुस शहर में हें रहेक लगिन कहलों आउर उ आदमीमन के इ बताएक लगिन कहलों कि उमन एइसन शिक्षा ना देवोक। जब उमन एइसन गोइठ के सिखायना तो आदमीमन उमन केर बारे में बक-झक करैना। इकर नतीजा इ हेके कि उ सिखाएक वालामन उ काम के नी कराथैं, जेके परमेश्‍वर उमन के करेक ले देई रहे, उ काम के उमन सिरिफ परमेश्‍वर उपरे भरसा काइर के हें करेक पारैना।

2 तीमुथियुस 1:12

इ एहे खातिर होई हे जेकर से मोंय हिंयाँ जेहेल में हों दुःख उठाथों, आउर नी लजावना, काले कि मोंय मसीह के जानोना जेकर उपरे मोंय बिसवास काइर हों, आउर मोके पूरा भरसा अहे कि यीशु मसीह उ दिन तक, जब तक उ घूइर के नी आवी, जे कोनों उ मोके देई हे उकर रखवाली करी।

2 तीमुथियुस 1:16

उनेसिफुरुस केर घराना उपरे प्रभु दया करोक, काले कि उ मोर से भेंट करेक लगिन आलक आउर कायनों बेर मोर मदइत करलक। आउर जेहेल में हों आय के मोर से भेंट करेक से नी लजालक।

2 तीमुथियुस 1:17

मगर जब उ रोम देस में आलक, तो मेहनइत से मोके खोजलक आउर मोर से भेंट करलक।

2 तीमुथियुस 4:12

तुखिकुस के मोंय इफिसुस शहर भेइज हों।

2 तीमुथियुस 4:8

प्रभु मोर लगिन स्वरग में इनाम राइख हे, काले कि मोंय धारमिकता केर जिंदगी जी के उके खुश काइर हों, इ इनाम के हमर प्रभु यीशु मसीह जब उ घूइर आवी तब मोके देवी, जे धरमी आउर फैसला करेक वाला हाकिम हेके। आउर ना सिरिफ मोके भइर इनाम देवी, मगर उ सोउबमन के हों देवी जेमन उकर घूइर आवेक केर बे सबरी से आसरा देखाथैं।

इब्रानीमन 6:10

काले कि परमेश्‍वर भला अहे, उ तोहरे जे काम काइर हा, आउर दोसर बिसवासीमन केर मदइत काइर के परमेश्‍वर के प्रेम देखाय हा उके नी भुलाई। आउर तोहरे एखनो तक उमन केर मदइत करते अहा उखो याइद करी।

1 पतरस 1:10

एहे छुटकारा केर बारे में, उ परमेश्‍वर केर संदेश के बताएक वालामन आउर बगरा जानेक चाहत रहैं, उमन पहिलेहें बताय देई रहैं कि परमेश्‍वर तोहर छुटकारा करेक केर कइसन किरपा करी। उमन इ गोइठमन के धेयान केर साथ खोज बिन आउर जाँच पड़ताल करलैं।

प्रकाशितवाक्य 2:1

उ मोके एहो कहलक, “इफिसुस शहर केर कलीसिया केर स्वरगदूत के इ संदेश लीख कि मोंय ओहे हेकों जे सात गो तइरगन अपन भतखाइया हाँथ में लेवल अहों आउर सोना केर सात गो दीया रखेक केर खूँटा केर माझे चलोना-फिरोना। मोंय तोके जे कहाथों उके सुन: